Read maale ማቲዎሴ 18 Bible Online

ማቲዎሴ 18 - maale bible

ማቲዎሴ 18

¹ዬኖና ዬሱሴኮ ጊንፆ ሃንታዞንሢ ዬሱሴ ኮራ ሙካዖ፦ «ጫሪንጮ ካኣቱሞይዳ ቢያፓ ባሼሢ ዖናዳይ?» ጌይ ዒዛ ዖኦጬኔ።

²ዬሱሴ ፔቴ'' ዻካ'' ናይ ዔኤሊ'' ዔያቶኮ ባኣካ'' ዔቂሳዖ፦

³«ጎኔ ታ ዒንሢም ጋዓኔ፤ ዒና'' ዒንሢኮ ላኣሚንቲባኣቶ ሃሣ ዻካ'' ናይጉዲ ዒንሢ ማዒባኣቶ ጫሪንጮ ካኣቱሞይዳ ፔቴ''ታዖ ዒንሢ ጌላዓኬ።

⁴ሓይማ ናዖጉዲ ፔና ሂርኪዳሢ ጫሪንጮ ካኣቱሞይዳ ዼኤፒ ማዓንዳኔ።

⁵ሃይማጉዴ ናዖ ታ ሱንፆና ቦንቺ ዔካሢ ታናኣ ዔካኔ።

⁶ታና ጉሙርቃዞንሢ፥ ሃንሢ ዻኮ''ንሢዳፓ ፔቴ''ማ ዻቢሻ ዓሲ ዼኤፒ ዎንሢ ሹቺ ባቃና'' ቱኪ'' ባዞ'' ቁልባ ኬኤሪንቲ ሃይቄቶ ቃራ ማዓንዳኔ» ጌዔኔ።

⁷ሃሣ ዬሱሴ ኬኤዛዖ፦ «ዓሲ ጌሺ፥ ጎሜ ማዺሻኒ ዳንዳዓ ባኣዚ''ና ኩሜ'' ሃኖ'' ዓጬ''ሎም ባዴዔ! ዎይቴቴያ ጌሺ ዻቢሻ ባኣዚ'' ሙኩዋዖ ዓታዓኬ፤ ጋዓንቴ ጌሺ ዻቢሻኒ ማዻ ዬያ ዓሢም ባዴዔ!

⁸ዬያሮ ኔኤኮ ኩጫ ሃሣ ቶካ ዻቢሺ ጎሜ ማዺሳያ ማዔቴ ቲቂ ኔጊዳፓ ኬኤሬ፤ ላምዖ ኩቺና ሃሣ ላምዖ ቶኪና ዓኣዖ ናንጊና ባይቁዋ ታሞይዳ ኔ ኬኤሪንታስካፓ ጉንዖ ሃሣ ዎቦ ዓሲ ማዒ ናንጊና ናንጎይዳ ጌሊፃ ኔኤም ኮሺኬ።

⁹ዓኣፓ ኔኤኮ ኔና ዻቢሺ ጎሞ ማዺሻዞ ማዔቶ ኬሲ'' ኔጊዳፓ ኬኤሬ፤ ላምዖ ዓኣፒ ኔኤኮ ዓኣንቴ ጋኣናኣሜ ታሞይዳ ኔ ኬኤሪንታስካፓ ፔቴ'' ዓኣፒና ማዒ ናንጊና ናንጎይዳ ጌሊፃ ኔኤም ኮሺኬ።

¹⁰«ሃንሢ፥ ዻኮ''ንሢዳፓ ፔቴ''ማታዖ ዒንሢ ቦሁዋጉዲ ዒንሢና ዔሩዋቴ፤ ጫሪንጮይዳ ዓኣ ዔያቶም ጊኢጊንቴ ኪኢታንቻ ጫሪንጫ ዓኣ፥ ታ ዓዳሢ ቤርታ ቢያ ኬሊ'' ዓኣኔ። [

¹¹ዓሲኮ ናዓሢ ሙኬሢ ባይቄሢ ዴንቂ ዻቂሻኒኬ]» ጌዔኔ።[6]

¹²ሓሣ ዬሱሴ ኬኤዛዖ፦ «ዒንሢም ዓይጎ ማላይ? ፔቴ'' ዓሲኮ ፄኤታ ማራይ ዓኣዖ ዔያቶይዳፓ ፔቴ'' ባይቄቴ ታዞጲታሞ ታዞጶ ሄንቃ ዹኮ''ይዳ ሃሺ'' ባይቄ ማራዓሢ ኮዓኒ ዓኣዹዋዓዳ?

¹³ጎኔ ታ ዒንሢም ጋዓኔ፤ ዬያ ማራዓሢ ዴንቄ ዎዶ''ና ባይቂባኣ ታዞጲታሚ'' ታዞጶንሢዳፓ ባሼ ባይቂ ጴዼሢሮ ሚርጌና ዒ ዎዛዻኔ።

¹⁴ዬያጉዲ ጫሪንጮይዳ ዓኣ፥ ዒንሢኮ ዓዳሢ ሃንሢ ዻኮ''ንሢዳፓ ፔቴ''ማታዖ ባይቃንዳጉዲ ኮዑዋሴ» ጌዔኔ።

¹⁵ዬካፓ ዬሱሴ፦ «ታና ጉሙርቃዞንሢዳፓ ፔቴ''፥ ኔኤኮ ዒሾ ማዓይ ኔኤም ዻቤቶ ኔኤና ዒዛና ሌሊ ማዒጋፓ ዒ ዻቤ ጎይፆ ኬኤዜ፤ ኔ ጋዓሢ ዒ ዋይዜቶ ጊንሣ ዒንሢኮ ፔቱሞ ዎንዳሲጉዲ ኔ ማሄኔ ጌይሢኬ።

¹⁶ኔኤም ዒ ዋይዚባኣቶ ጌኤሲ ላምዖ፤ ሃሣ ሃይሦ ዓሲ ማርካቶና ጎናዻሢሮ ላምዖ ሓንጎ ሃይሦ ዓሲ ዔኪ ዒዛ ኮይላ'' ዴንዴ።

¹⁷ዔያታ ጋዓሢያ ዒ ዋይዛዓ ጌዔቶ ሺኢጲፆ ማኣሮ ዓሶም ኬኤዜ፤ ሃሣ ሺኢጲፆ ማኣሮሲያ ዋይዞ ዒፄቶ ኪሪስቶሴ ጉሙርቁዋ ዓሲ ሃሣ ጎሜ ዓሲ ማሂ ዒዛ ዛጌ» ጌዔኔ።

¹⁸ሓሣ ዒ ኬኤዛዖ፦ «ጎኔ ታ ዒንሢም ጋዓኔ፤ ሳዖይዳ ዒንሢ ‹ያዺ ማዖም› ጌዔ ባካ ጫሪንጫ ዒማዺ ማዓንዳኔ፤ ሳዖይዳ ዒንሢ ‹ማዖፓ› ጌዔ ባካ ጫሪንጮይዳኣ ማዑዋያ ማዓንዳኔ።

¹⁹«ሃሣ ታ ዒንሢም ጋዓኔ፦ ዒንሢ ላምዖ ማዒ ሳዖይዳ ፔቱሞና ዓይጎ ባኣዚ''ያ ሺኢቄቶ ጫሪንጫ ዓኣ ታ ዓዳሢ ዒንሢም ኩንሣንዳኔ።

²⁰ዓይጎሮ ጌዔቶ ላምዖ ሃሣ ሃይሦ ማዒ ታ ሱንፆና ዒንሢ ቡኪንታ ቤዛ ቢያ ታ ዒንሢኮ ባኣካ'' ማዓንዳኔ» ጌዔኔ።

²¹ዬማ''ና ጴፂሮሴ ዬሱሴ ባንሢ ሙካዖ፦ «ጎዳሢዮ! ኔና ጉሙርቃ፥ ፔቴ'' ታ ዒሻሢ ታኣም ዻቤቶ ዓኣፒኒ ማይንቲ ታ ዒዛም ዓቶም ጎዖንዶይ? ላንካይ ሄላ''ንዳኣና ጎዖንዶሞ?» ጌዒ ዖኦጬኔ።

²²ዬሱሴ ማሃዖ፦ «ላንካይታሚ'' ማይንቲ ላንካይ ሄላ''ንዳኣና ማዓንዳኣፓዓቴም ላንካይ ማይንቲ ሌሊ ‹ዓቶም› ጌዔ ታ ኔና ጎዑዋሴ፤

²³ዬያሮ ጫሪንጮ ካኣቱማ ፔኤኮ ማዻ ዓሶ ኮራ ዓኣ ሚኢሾ ዛጋኒ ኮዔ ካኣቲስኬያ ማላኔ፤

²⁴ዬይ ካኣታ''ሢ ሚኢሾ ዛጎ'' ዓርቄ ዎዶ''ና ሺያ ዓሲ ፔቴ'' ሌዔ ማዾ ማዼም ዒንጎ ሚኢሼ ጉዴያ ባይዜ፥ ጋሌና ዓኣ፥ ዒዛኮ ማዻ ዓሲ ዓርቂንቲ ሙኬኔ።

²⁵ዬይ ማዻ ዓሢ ጋሎ'' ጪጋኒ ዳንዳዒባኣሢሮ ካኣታ''ሢ ዒዛንታ ዒዛኮ ማቾንታ ናኣቶ''ንታ ዓኣ ባካኣ ቢያ ሻንቺንቴም ጋላ'' ጪጊንታንዳጉዲ ዓይሤኔ።

²⁶ማዻሢ ጋዓንቴ ካኣታሢኮ ቶካ ሎኦማዖ፦ ‹ታ ጎዳሢዮ! ሃዳራ፥ ታ ኔኤም ጋሎ'' ቢያ ጪጋንዳኔ፤ ዻካ'' ኬሊ'' ታኣም ማሌ› ጌዒ ሺኢቄኔ።

²⁷ጎዳሢ ዒዛ ሚጪንታዖ ዒዛኮ ዓኣ ጋሎ'' ሃሺ''፥ ማሂ ዳኬኔ።

²⁸«ጋዓንቴ ዬይ ዓሢ ዬካፓ ኬስኪ ዓኣዻንቴ ፄኤታ ሹቺ ቢራ ዒዛይዳፓ ታልዔ፥ ዒዛና ዎላ'' ማዻ ዓሲስኬያ ዴንቃዖ ፖኦሪንዶ ዓሢኮ ጩኡሊ'' ዓርቂ ‹ኔ ታኣኮ ታልዔ ቢሮ'' ታኣም ጪጌ!› ጌዔኔ።

²⁹ዬይ ዒዛኮ ላጋሢ ቶካ ዒዛኮ ሎኦማዖ ‹ሃዳራ፥ ታ ኔኤም ጋሎ'' ጪጋንዳኔ፤ ዻካ'' ኬሊ'' ታኣም ማሌ› ጌዒ ሺኢቄኔ፤

³⁰ታልዔሢ ጋዓንቴ ዬያ ዋይዞ ዒፃዖ ጋሎ'' ጪጋንዳያ ሄላ''ንዳኣና ዔኪ ዓኣዺ ቱኡሲ'' ማርካ ቱኪ''ሴኔ።

³¹ሜሌ'' ዬያ ዓሢና ማዻ ላጎንሢ ዬያ ዛጌ ዎዶ''ና ሚርጌና ዖያዖ ዴንዲ ማዺንቴ ባኮ ቢያ ዔያቶኮ ካኣታ''ሢም ኬኤዜኔ።

³²ዔያቶኮ ካኣታ''ሢ ዬያ ማዻ ዓሢ ዔኤሊ''ሳዖ፦ ‹ኔኤኒ ሃይ ፑርታሢ! ኔ ታና ሺኢቄሢሮ ኔኤኮ ዓኣ ጋሎ'' ቢያ ታ ኔኤም ሃሼ''ኔ፤

³³ዓካሪ ታኣኒ ኔኤኮ ጋሎ'' ኔኤም ሃሼ''ሢጉዲ ኔኤኒ ኔ ላጋሢ ማዔ፥ ማዻሢም ጋሎ'' ሃሻ''ንዳያ ኮይሱዋዓዳ?›

³⁴ጋዓዖ፥ ጎዳሢ ዒዛይዳ ጎሪ''ንቴስካፓ ቤርታ ሃሼ'' ጋሎ'' ቢያ ጪጋንዳኣና ቱኪ'' ዒዛ ሜታሳንዳጉዲ ቱካ'' ዓሶም ዓኣሢ ዒንጌኔ።

³⁵«ዓካሪ ዒንሢ ፔቴ'' ፔቴ''ሢ ታና ጉሙርቃ፥ ዒንሢኮ ዒጊኖንሢም ዒናፓ ዓቶም ጌዒባኣቶ ጫሪንጮይዳ ዓኣ ታ ዓዳሢ ዒንሢም ዓቶም ጋዓዓኬ» ጌዔኔ።