Read maale ማቲዎሴ 22 Bible Online

ማቲዎሴ 22 - maale bible

ማቲዎሴ 22

¹ዬሱሴ ሃሣ ሜሌ'' ኮኦኪንሢ ኬኤዛዖ፦

²«ጫሪንጮ ካኣቱማ ናዓ ላኣሊ ዔካኣ ጌዔም፥ ሙኡዚ'' ጊኢጊሼ ካኣቲስኬያ ማላኔ።

³ዬይ ካኣታ''ሢ ዔኤሊ''ንቴ ዓሶም ኬኤዛንዳጉዲ ዒዛኮ ማዻ ዓሶ ዳኬኔ፤ ጋዓንቴ ዓሳ ዒኢካ ሙካኒ ኮይባኣሴ።

⁴ዬካፓ ካኣቲ ላሚ ሃሣ ሜሌ'' ማዻ ዓሲ ዔኤሊ''ንቴ ዓሶም፦ ‹ቡዋ ጌማይንታ ሃሣ ማሌ'' ባይያ ታ ሹኪ ሙዖ ጊኢጊሼኔ፤ ቢያ ባካ ጊኢጌያ ማዔሢሮ ዔፖ ቤዞ፥ ታ ማኣሪ ሙኩዋቴ ጎዑዋቴ› ጌይ ዳኬኔ።

⁵ዔኤሊ''ንቴ ዓሳ ጋዓንቴ ዔኤሊ''ፆ ቦሂ ዛላ'' ጎሺዳ፤ ዓቴ'' ዓሳ ሃሣ ኮርሞይዳ ዓኣዼኔ፤

⁶ሃንጎዋታ ሃሣ ኪኢቶ''ና ሙኬ ዓሶንሢ ዓርቃዖ ጳርቂ ቦርሲሲ ሃሣ ሜታሲ ዎዺያ ዎዼኔ።

⁷ዬያሮ ካኣታ''ሢ ዻጋዻዖ ፔኤኮ ፖኦሊሶ ዳኪ ዬንሢ ኪኢቶ'' ዓሶንሢ ዎዼዞንሢ ዎዺ ባይዚ ካታሞዋ ዔያቶኮ ታሚና ሚቼኔ።

⁸ዬካፓ ካኣቲ ማዻ ዓሶም፦ ‹ዔፖ ሙዓ ጊኢጊንቴኔ፤ ዔኤሊ''ንቴ ዓሳ ጋዓንቴ ኮይሱዋ ዓሲ ማዒ ጴዼሢሮ፥

⁹ጎይፆ ኬስኪጋፓ ዴንቄ ዓሲ ቢያ ዔፖ ሙዖ ቤዞ ዔኤሉ''ዋቴ› ጋዓዛ፥

¹⁰ማዻ ዓሳ ጎይፆ ኬስኪ ዴንቄ ዓሶ ኮዦንታ ፑርቶንታ ቢያሢ ቡኩሲ ዔፖ ማኣሮ ሾኦጮና ኩንሤኔ።

¹¹«ዬካፓ ካኣቲ ዔኤሊ''ንቴ ሾኦጮ ዛጋኒ ጌሌ ዎዶ''ና ፔቴ'' ዔፒ ማኣዖ ማይንቲባኣ ዓሲ ዴንቃዖ፥

¹²‹ታ ቤኤሊ''! ዔፒ ማኣዖ ኔ ማይንቱዋዖ ሃይካ ጌላኒ ዎይቲ ዳንዳዔይ?› ጋዓዛ፥ ዓሢ ጋዓንቴ ዚቲዮ ጌዔኔ፤

¹³ካኣቲ ማዻዞንሢም ‹ሃያኮ ኩጮና ቶኮና ቱኪ''፥ ኬሲ'' ካሮ''ይዳ ዹሞ ቤዛ ኬኤሩዋቴ፤ ዒኢካ ዒ ዬኤኪ፥ ሜታዺ ዓቺ ዻዓንዳኔ።›

¹⁴«ሚርጌ ዓሲ ዔኤሊ''ንቴኔ፤ ዶኦሪንቴ ዓሳ ጋዓንቴ ዻካ''ኬ» ጌዔኔ።

¹⁵ዬካፓ ፔርሴ ዓሳ ኬስኪ ዴንዲ፥ ዬሱሴ ጌስታ ጌኤዞና ዎዲ'' ዔያታ ፒሪ ዓርቃንዳቴያ ዎላ'' ዞርታዖ፥

¹⁶ዔያቶኮ ጊንፆ ሃንታ ናኣቶ''ና ሄሮዲሴ ዛላ''ፓ ማዔ ዓሶና ዬሱሴ ባንሢ ዳኪ፦ «ዔርዛሢዮ! ኔኤኒ ጎኔ ዓሲ ሃሣ ፆኦሲ ጎይፆዋ ጎኑሞና ዔርዛሢ ዬያጉዲ ሃሣ ዖናኣ ኔ ዱማሱዋዖ፥ ቢያሢ ሄኮ ኔ ዛጋሢ ኑ ዔራኔ፤

¹⁷ኑም ሂንዳ ኬኤዜ፤ ዓይጎ ኔኤም ማላይ? ሮሜ ዓጮ'' ካኣቲም ጊኢራ ጪጎንዶሞ ሃሾ''ንዶይ?» ጌዔኔ።

¹⁸ዬማና ዬሱሴ ዔያቶኮ ጌኖ ማሊፆ ዔራዖ፦ «ዒንሢ ፂሎ''ቱዋዖ ፔና ፂሎ''ኬ ጋዓ ዓሳ! ዓይጎሮ ጌኤሲና ታና ዒንሢ ፒራኒ ኮዓይ?

¹⁹ጊኢሮ ጪጎ ሚኢሾ ሂንዳ ታና ዻውዋቴ» ጋዓዛ፥ ዔያታ ፔቴ'' ሹቺ ቢራ ዒዛም ዔኪ ሙኬኔ።

²⁰ዬማና ዒዚ፦ «ሃኖ'' ሚኢሼሎይዳ ዓኣ ዓውካሮና ፃኣፒንቴ ሱ'ንፆና ዖኦሮዳይ?» ጌዔኔ።

²¹ዔያታ፦ «ሮሜ ዓጮ'' ካኣቲሲኬ» ጌዔኔ። ዬካፓ ዒዚ ማሃዖ፦ «ሂዴቶ ሮሜ ዓጮ'' ካኣቲሲ ካኣቲም፤ ፆኦሲሲ ፆኦሲም ዒንጉዋቴ» ጌዔኔ።

²²ዔያታ ዬያ ዋይዛዖ ዲቃቲ ሄርሺ፥ ዒዛ ሃሺ'' ዴንዴኔ።

²³ዬኖ ኬሎ''ና፦ «ሃይቄ ዓሲ ዔቁዋሴ» ጋዓ ሶዶቄ ዓሳ ዬሱሴ ኮይላ'' ሙኪ ሂዚ ጌዒ ዖኦጬኔ፦

²⁴«ዔርዛሢዮ! ሙሴ ‹ፔቴ'' ዓሲ ላኣሊ ዔካዖ ሾውዋዖ ሃይቄቶ፥ ጌኤዚ ሃይቄሢ ማቾ ዔኪ ዒዛ ዻካላ ናይ ሾዖንጎ› ጌዔኔ።

²⁵ኑ ኮይሎ''ይዳ ዎሊኮ ጌርሲንሢ ማዓ ላንካይ ዓሲ ዓኣኔ፤ ዬያቶኮ ቶይዳሢ ላኣሊ ዔካዖ ሾውዋዖ ሃይቄም ሄሌ ጌኤዛሢ ማቾ ዒዛኮ ዔኬኔ፤

²⁶ዬይ ዔኬሢ ቶይዲም ናይ ሾውዋዖ ሃይቄኔ፤ ዬያይዴ ጎይሣ ላኣሌላ ላንካሳሢም ሄላ''ዛ ዒዚያ ሾውዋዖ ሃይቄኔ።

²⁷ዬካፓ ጋፒንፆይዳ ላኣሌላ ሃይቄኔ።

²⁸ዓካሪ ቢያሢ ዒዞ ዔኬሢሮ ጋፒንፆና ሃይባ''ፓ ዓሳ ዔቃኣና ዬና ዎያኮ ማቾ ማዓንዳይ?» ጌዔኔ።

²⁹ዬሱሴ ማሃዖ፦ «ዒንሢ ጌኤዦ ማፃኣፖና ፆኦሲኮ ዎልቆና ዔሩዋኣሢሮ ዻቢንታኔ፤

³⁰ሃይቢዳፓ ዓሲ ዔቄሢኮ ጊንፃ ጫሪንጮይዳ ዓኣ ፆኦሲ ኪኢታንቾጉዲ ማዓኔ፤ ዔኩዋሴ ሃሣ ሎዑዋሴ።

³¹ሃይቦ''ይዳፓ ዔቃ ዓሶ ዛሎ'' ፆኦሲ ዒንሢም ኬኤዜሢ ዒንሢ ናባቢባኣዓዳ?

³²ዒዚ ‹ታኣኒ ዓብራሃሜ ፆኦሲ፥ ዪሳኣቄ ፆኦሲ ሃሣ ያይቆኦቤ ፆኦሲኬ› ጌዔኔ፤ ዬያሮ ፆኦሲ ሼምፖና ናንጋ ዓሶ ፆኦሲ፤ ሓይቄቶዋ ናንጊና ናንጋ ዓሶ ፆኦሲኬ» ጌዔኔ።

³³ዴራ'' ዬያ ዋይዛዖ ዒዛኮ ዔርዚፆና ዲቃቲ ሄርሼኔ።

³⁴ዬሱሴ ሶዶቄ ዓሶ ጎዖንዶ ጎይሢ ባይዚሴሢ ዋይዛዖ ፔርሴ ዓሳ ፔቴ''ይዳ ሙኪ ቡኬኔ፤

³⁵ዔያቶይዳፓ ፔቴ'' ሙሴ ዎጎ ዔርዛስኬይ ዬሱሴ ዎዚ ጋዓቴያ ዋይዛኒ፦

³⁶«ዔርዛሢዮ! ቢያፓ ባሼ ዓይሢፄላ ዎኖዳይ?» ጌዒ ዖኦጬኔ፤

³⁷ዬሱሴ ዒማ''ና፦ « ‹ፆኦሲ ኔኤኮ ጎዳ ጉቤ ዒናፓ፥ ጉቤ ሼምፓፓ፥ ጉቤ ማሊፃፓ ናሽኬ›

³⁸ቢያፓ ባሼ ማዔ ቤርታኣ ዓይሢፃ ዬኖኬ።

³⁹ሃሣ ዬኖ ማላ ላምዓሳ ዓይሢፃ ‹ዓሲ ቢያ ዓዳ'' ኔና ማሂ ናሽኬ› ጋዓኔ፤

⁴⁰ሙሴ ዎጎና ፆኦሲ ማሊፆ ኬኤዛዞንሢኮ ዔርዚፃ ዬንሢ ዓይሢፆ ጋራ ዓኣያኬ» ጌይ ማሄኔ።

⁴¹ፔርሴ ዓሳ ቡኪንቲ ዓኣንቴ ዬሱሴ ዔያቶ ሂዚ ጌዒ ዖኦጬኔ፤

⁴²«ሜሲሔ ዛሎ'' ዒንሢ ዎዚ ጋዓይ? ዒ ዖ ናይ ዒንሢም ማላይ?» ጋዓዛ፥ ዔያታ ማሃዖ፦ «ዒ ዳውቴ ናይኬ» ጌዔኔ።

⁴³ዬሱሴ ዔያቶም፦ «ሂዴቶ ዳውቴ ዓያና ጌኤሺ ዒዛ ማሊሴም፥ ‹ታኣኮ ጎዳ› ጌዒ ዎይቲ ዒዛ ዔኤሌ''ይ?

⁴⁴ዳውቴ፡ ‹ናንጊና ናንጋ ጎዳ ታ ጎዳሢም፥ ኔኤኮ ሞርኮ ታ ኔና ባሺሳንዳያ ሄላ''ንዳኣና ታኣኮ ሚዛቆ ዛላ'' ዴዔ› ጌዔኔ።

⁴⁵ዬያሮ ዳውቴ ‹ታ ጎዳሢ› ጌዒ ዒዛ ዔኤሌ''ቶ ዎይቲ ዳውቴኮ ናይ ማዓኒ ዒ ዳንዳዓይ?» ዬሱሴ ጋዓዛ፥

⁴⁶ዒማ''ና ፔቴ''ታዖ ዔኤቢ ማሂ ኬኤዛኒ ዳንዳዔ ዓሲ ባኣሴ። ዬኖ ኬሎ''ይዳፓ ዓርቃዖ ጫርቂ ዒዛ ዔኤቢ ዖኦጬ ዓሲያ ባኣሴ።