Read maale ማቲዎሴ 25 Bible Online

ማቲዎሴ 25 - maale bible

ማቲዎሴ 25

¹ዬካፓ ዬሱሴ፦ «ዬኖ ዎዶ''ና ጫሪንጮ ካኣቱማ ጌሊፆ ጎይፃ' ዑኡታ ጎይሣ ዔካኒ ፖዒ ዔኪ፥ ኬስኪ ካፔ ታጶ ዉዱሮ ናይስኬንሢ ሓይሴጉዲ ማዓንዳኔ።

²ዬንሢዳፓ ዶንጎ ዉዱሮ ናኣቶ''ንሢ ቦኦዛ፥ ዓቴ'' ዶንጎንሢ ጪንጫኬ፤

³ቦኦዞንሢ ፖዖ ፖዒሶሢ ዔካዖ፥ ጋዓንቴ ጋፓዛ ዋሃኒ ኮይላ'' ላምባሢ ዔኪባኣሴ።

⁴ጪንጮንሢ ጋዓንቴ ፖዖ ፖዒሶሢንታ ሃሣ ጋፓዛ ዋሆንዶ ላምባሢያ ኮይላ'' ዓርቄኔ።

⁵ዑኡታሢ ኔጌም ቢያሢ ጊንዓ ባሼም ጊንዔኔ።

⁶«ዬካፓ ሳዓ ጊዲሚሺ ማዓዛ ‹ዑኡታሢ ሙኬኔ፥ ዔካኒ ኬስኩዋቴ!› ጋዓ ዔኤሊ''ሢ ዋይዚንቴኔ።

⁷ዬማና ዉዱሮ ናኣቶ''ንሢ ቢያ ዔቃዖ፥ ፖዒሶ ባኮ ጊኢጊሼኔ፤

⁸ዒማ''ና ቦኦዞንሢ ጪንጮንሢ ኮራ ‹ኑ ፖዓ ሃይቃኒ ዎኦታሢሮ፥ ዒንሢኮ ላምባስካፓ ኑም ዒንጉዋቴራ!› ጋዓዛ፥

⁹ጪንጮ ዉዱሮ ናኣቶ''ንሢ ማሃዖ ‹ኑኡኮ ዓኣ ላምባሢ ኑኡና ዒንሢናም ጊዲንዱዋኣሢሮ፥ ዴንዲ ሻንቻ ዓሶይዳፓ ዒንሢ ሻሻንቁዋቴ› ጌዔኔ።

¹⁰ዬማና ዔያታ ላምባሢ ሻንቃኒ ዴንዳዛ ዑኡታሢ ሙኬም ጊኢጊ ዓኣ ዉዱሮ ናኣቶ''ንሢ ዔፖ ሙዖ ቤዞ ዒዛና ዎላ'' ጌላዛ ካራ'' ዎዺንቴኔ።

¹¹«ዓቴ'' ዉዱሮ ናኣቶ''ንሢ ሃሣ ዻካ'' ኔጊ ሙካዖ፥ ‹ጎዳሢዮ! ካሮ'' ኑም ቡሌ''› ጋዓዛ፥

¹²ዒዚ ማሃዖ ‹ጎኔ ታ ዒንሢም ጋዓኔ፤ ታ ዒንሢ ዔሩዋሴ› ጌዔኔ» ጌኤኔ።

¹³ዬካፓ ሃሣ ዬሱሴ፦ «ዬይ ማዓንዳ ዎዶ''ና ኬሎ''ና ዒንሢ ዔሩዋኣሢሮ ጊኢጊንቲ ካፑዋቴ» ጌዔኔ።

¹⁴ሃሣ ዬሱሴ፦ «ፆኦሲ ካኣቱማ ማዻ ዓሶ ዔኤሊ''፥ ዓኣ ባኮ ‹ዛጉዋቴ› ጌይ ሜሌ'' ዓጪ ዓኣዼ ፔቴ'' ዓሲ ማላኔ፤

¹⁵ዒዚ ዓኣዻኒ ዔቃዖ ፔቴ'' ፔቴ''ሢም ዳንዳዓሢጉዲ ፔቴ''ሢም ዶንጎ ሺያ ሹቺ ቢራ፤ ባጋሢም ላምዖ ሺያ ሹቺ ቢራ፤ ዓቴ''ሢም ሃሣ ፔቴ'' ሺያ ሹቺ ቢራ ዒንጊ ጎይፆ ዓኣዼኔ።

¹⁶ዶንጎ ሺዮ ሹጮ ቢሮ'' ዔኬ ዓሢ ሚኢሾ ኮርሚ ጊዳ'' ዶንጎ ሺያ ሹቺ ቢራ ሾይዤኔ፤

¹⁷ዬያጉዲ ሃሣ ላምዖ ሺዮ ዔኬ ዓሢያ ጊዳ'' ላምዖ ሺያ ሾይዤኔ፤

¹⁸ዓቴ''፥ ፔቴ'' ሺዮ ሹጮ ቢሮ'' ዔኬሢ ጋዓንቴ ማኣሮ ዓዶኮ ሚኢሾ ዔካዖ ዔቴ ቦኦኪ ዱኡኬኔ።

¹⁹«ሚርጌ ዎዴ ዴዓዖ፥ ዬንሢ ማዻ ዓሶንሢኮ ማኣሮ ዓዳሢ ሙኪ፥ ማዻዞንሢም ዒንጌ ባኮ ዛጊሢ ዓርቄኔ፤

²⁰ዶንጎ ሺዮ ሹጮ ቢሮ'' ዔኬሢ ጊዳ'' ዶንጎ ሺያ ሹቺ ቢራ ቃሲ'' ዔኪ ሙኪ ዒንጋዖ፥ ‹ጎዳሢዮ! ዶንጎ ሺያ ቢራ ታኣም ኔ ዓርቄ ጌዒ ዒንጌንቴ ሃኣዛጌ ሃሢ ዶንጎ ሺያ ሹቺ ቢራ ጊዳ'' ታ ሾይዤኔ› ጌዔኔ።

²¹ማኣሮ ዓዴያ ‹ቃራ ኔ ማዼኔ፤ ኔኤኒ ኮዦ፥ ጉሙርቂንታ ማዻሢዮ! ዻካ'' ባኣዚ''ዳ ኔ ጉሙርቂንቴያ ማዔሢሮ ሚርጌ ባኣዚ'' ኔ ዎይሣንዳጉዲ ታ ኔና ማሃንዳኔ፤ ሃኒ ሙኪ ታኣና ዎዛዼ› ጌዔኔ።

²²«ዬያጉዲ ሃሣ ላምዖ ሺዮ ሹጮ ቢሮ'' ዔኬ ማዻሢ ሙካዖ፥ ‹ጎዳሢዮ! ላምዖ ሺያ ሹቺ ቢራ ኔ ታኣም ዒንጌያታንቴ፥ ሃሢ ሃኣዛጌ ጊዳ'' ታ ላምዖ ሺያ ሾይዤኔ› ጋዓዛ፥

²³ማኣሮ ዓዴያ ‹ቃራ ኔ ማዼኔ፤ ኔኤኒ ኮዦ፥ ጉሙርቂንታ ማዻሢዮ! ኔ ዻካ'' ባኣዚ''ና ጉሙርቂንቴያ ማዔሢሮ ሚርጌ ባኣዚ'' ኔ ዎይሣንዳጉዲ ታ ኔና ማሃንዳኔ፤ ሃኒ ሙኪ ታኣና ዎዛዼ› ጌዔኔ።

²⁴«ጋፒንፃ ፔቴ'' ሺዮ ሹጮ ቢሮ'' ዔኬ፥ ማዻሢ ሙካዖ ‹ጎዳሢዮ! ኔኤኒ ዜርቂባኣ ቤሲዳፓ ጮኦራያ ሃሣ ዜርቂባኣዖ ታይዛያ ሜታሳ ዓሲ ኔ ማዔሢ ታ ዔራኔ፤

²⁵ዬያሮ ታ ዒጊጪ ኔ ዒንጌ ሹጮ ቢሮ'' ዔኪ ዓኣዺ ሳዖይዳ ዱኡኪ ካፔሢሮ ሃሢ ሃኣዛጌ› ጌዔኔ።

²⁶«ማኣሮ ዓዳሢ ማሃዖ ‹ሃይ ኔ ፑርታ፥ ሃሣ ቤልፃ ማዔሢ ሃይ! ታ ዜርቂባኣዖ ጮኦራያና ሃሣ ዜርቂባኣዖ ታይዛሢ ኔ ዔራያ ማዔቶ፥

²⁷ሚኢሾ ታኣኮ ኮርሚ ሾይዣ ዓሶም ሄኤዶ ኔ ዒንጌም፥ ታ ሾይቺና ዔካንዳያታንቴኬ› ጋዓዖ፥

²⁸‹ዒዛይዳፓ ሚኢሾ ዔኪጋፓ ታጶ ሺዮ ዓንጎ ቢራ'' ዓኣሢም ዒንጉዋቴ።

²⁹ዓይጎሮ ጌዔቶ ዓኣ ዓሶም ጊዳ'' ቃሲ''ንቴም ሚርጋንዳኔ፤ ባኣሢዳፓ ጋዓንቴ ዻካ'' ዓኣማታዖ ዓቱዋ ዔውታንዳኔ።

³⁰ሃያ ፓሡዋ ማዻሢ ጋዓንቴ ዙላ'' ዹማ'' ኬሲ'' ኬኤሩዋቴ፤ ዒኢካ ዒ ዬኤኪ ሃሣ ሜታዺ ዓቺ ዻዓንዳኔ› » ጌዔኔ።

³¹ዬካፓ ዬሱሴ፦ «ዓሲኮ ናዓሢ ፔኤኮ ኪኢታንቾ ቢያሢና ዎላ'' ቦንቺንቲ ሙኪ፥ ቦንቾ ካኣቱሞ ዖይቶይዳ ዴዓንዳኔ፤

³²ዴራ'' ቢያ ዬማና ዒዛ ቤርታ ቡኪንታንዳኔ፤ ዒዚያ ሄንቃ ዓሲ ማራቶ ዋኣሮይዳፓ ቁራሢጉዲ ዴሮ ቁሪ ዱማሳንዳኔ፤

³³ዬካፓ ማራቶ ሚዛቆ ዛላ''፥ ዋኣሮ ሻዉሎ'' ዛላ'' ዔቂሳንዳኔ።

³⁴ዬኖ ዎዶ''ና ካኣታ''ሢ ዒዛኮ ሚዛቆ ዛላ'' ዓኣዞንሢም፦ ‹ዒንሢ ታ ዓዴ ዓንጄ ዓሳ፥ ሃኒ ሙኩዋቴ፤ ሳዓ ማዢንቴሢዳፓ ዓርቃዖ ዒንሢም ጊኢጌ ካኣቱሞይዳ ጌሉዋቴ፤

³⁵ዓይጎሮ ጌዔቶ ታኣኒ ናይዼም ታና ዒንሢ ሙኡዜኔ፥ ዼኤቢንቴም ታና ዒንሢ ዑሼኔ፤ ሃሣ ሾኦቺንሢያ ታና ዒንሢ ዔኬኔ፤

³⁶ታ ካላ''ዼም ታና ዒንሢ ማይሴኔ፥ ሃርጊንቴም ታና ዒንሢ ማይሤኔ፥ ቱኡቴማኣ ታና ዒንሢ ዖኦጬኔ።›

³⁷«ጌኤዦንሢያ ማሃዖ ‹ጎዳሢዮ! ኔኤኒ ናይዺንቴም ኔና ኑ ዛጊ ዓይዴ ሙኡዜይ? ሃሣ ዼኤቢንቴም ዛጊ ዓይዴ ኔና ኑ ዑሼይ?

³⁸ጊንሣ ሾኦቹሞ ኔ ሙኬም ዓይዴ ዛጊ ኔና ኑ ሾኦቺንሤይ? ካላዼማኣ ዓይዴ ዛጊ ኔና ኑ ማይሴይ?

³⁹ዬያጉዲ ሃሣ ሃርጊያ ሃርጊንቲ፥ ቱኡቲያ ኔ ቱኡቴም ዓይዲ ኔና ኑ ዖኦጬይ?› ጌዔኔ።

⁴⁰ካኣታ''ሢ ማሃዖ፦ ‹ጎኔ ታ ዒንሢም ጋዓኔ፤ ሃንሢ፥ ታ ዓሶንሢዳፓ ፔቴ'' ላኣፓሢም ዒንሢ ማዼሢ ታኣም ዒንሢ ማዼሢጉዲኬ› ጋዓንዳኔ።

⁴¹«ዬካፓ ዒዛኮ ሻዉሎ'' ዛሎ''ና ዓኣዞንሢም ሃሣ ‹ዒንሢ ጋዳንቂንቴዞንሢዮ! ፃላሄና ዒዛኮ ኪኢታንቾናም ጊኢጊንቴ፥ ናንጊና ባይቁዋ ታሞይዳ ታ ኮራፓ ዓኣዹዋቴ፤

⁴²ዓይጎሮ ጌዔቶ ናይዼም ታና ዒንሢ ሙኡዚባኣሴ፥ ዼኤቤም ታና ዒንሢ ዑሺባኣሴ፤

⁴³ሾኦቺንቂ ታ ሙኬም ዒንሢ ታና ሾኦቺንሢባኣሴ፤ ካላ''ዼማኣ ታና ዒንሢ ማይሲባኣሴ፤ ሃርጊያ ሃርጊ፥ ቱኡቲያ ታ ቱኡቴንቴ ታና ዒንሢ ዖኦጪባኣሴ› ጌዔኔ።

⁴⁴«ዔያታ ማሃዖ ‹ጎዳሢዮ! ናይዺንቲ ሃሣ ዼኤቢንቲ፥ ሾኦቺያ ማዒ፤ ጊንሣ ካላ''ዺ፥ ሃርጊያ ሃርጊ፥ ቱኡቲያ ኔ ቱኡቴም ዛጊ ዓይዴ ኔና ኑ ዖኦጩዋዖ ሃሼይ?› ጋዓንዳኔ።

⁴⁵ዒማ''ና ‹ጎኔ ታ ዒንሢም ጋዓኔ፤ ሃንሢ ታ ዓሶንሢዳፓ ፔቴ''ሢም ዒንሢ ማዺባኣሢ ታኣም ዒንሢ ማዺባኣያኬ› ጋዓንዳኔ።

⁴⁶ዬንሢ ሂዚ ጋዓዞንሢ ናንጊና ጋፑዋ ሜቶይዳ፤ ፂሎ''ንሢ ጋዓንቴ ናንጎና ናንጎይዳ ጌላንዳኔ።»