Read maale ማርቆሴ 13 Bible Online

ማርቆሴ 13 - maale bible

ማርቆሴ 13

¹ዬሱሴ ጌኤዦ ማኣራፓ ኬስካንቴ ዒዛኮ ጊንፆ ሓንታዞንሢዳፓ ፔቴ''ስኬይ፦ «ዔርዛሢዮ! ሓያ ማኣሮ ማዦሮ ጊኢጊሾና ሹጮና ማዢንቴ ማኣራ ዎዚጉዲ ኮሽካቴያ ሂንዳ ዛጌ!» ጌዔኔ።

²ዬሱሴ ማሓዖ፦ «ሓያ ዼኤፖ ማኣሮ፥ ሹጮና ማዦናሢ ኔኤኒ ዛጋ? ሃይ ማኣራ ዶዓንዳኔ፤ ሹቺ ሹቺዳ ሃኣዒዲ ኬልቂንቲ ፔቴ''ታዖ ዓታዓኬ» ጌዔኔ።

³ዬሱሴ ጌኤዦ ማኣሮኮ ቤርቶ ዛሎ''ና ሪሚቲ ዹካ ጎዖ ዹኮ''ይዳ ኬስኪ ዴዒ ዓኣንቴ ጴፂሮሴ፥ ያይቆኦቤ፥ ዮሓኒሴንታ ዒንዲራሴንታ ሌሊ ዒዛ ኮራ ሙካዖ፦

⁴«ዬይ ኔኤኒ ጌዔ ባካ ማዓንዳሢ ዓይዲዳይ? ዬይ ቢያ ማዓኒ ዑካኣና ዔርታሢ ዓይጎናዳይ? ሂንዳ ኑም ኬኤዜ» ጌዒ ዖኦጬኔ።

⁵ዬሱሴ ዔያቶም ማሓዖ፦ «ዖኦኒያ ዒንሢ ዻቢሱዋጉዲ ዒንሢና ዔሩዋቴ፤

⁶ሚርጌሢ፦ ‹ታኣኒ ሜሲሔኬ› ጌዒ ጌዒ ታ ሱ'ንፆና ሙኪ ሚርጌ ዓሲ ዻቢሳንዳኔ፤

⁷ዒንሢኮ ዑኬ ዖልዚ ዔቄቶዋ ሓሣ ሓኬ ቤስካ ዓኣ ዖልዚ ሓይሴ ዋይዛዖ ዲቃቲፖቴ፤ ዬይ ማዑዋዖ ዓታዓኬ፤ ጋዓንቴ ጋፒንፃ ሃጊኬ።

⁸ፔቴ'' ዜርፃ ሜሌ'' ዜርፆይዳ፥ ካኣታ'' ካኣቶ''ይዳ ዖልዚ ዔቂሳንዳኔ፤ ዱማ ዱማ ቤስካ ሳዓ ዓጊፂሢና ናይዚና ማዓንዳኔ፤ ዬይ ቢያ ሾይቺ ዓርቂሢ ቆፂ'' ሜታሳሢጉዲ ሜቶ''ኮ ቢያ ቤርቶኬ።

⁹«ዒንሢያ ዒንሢ ዛሎ'' ኮሺ'' ዔሩዋቴ፤ ዓይጎሮ ጌዔቶ ዓሳ ዒንሢ ዎጌም ዓኣሢ ዒንጋንዳኔ፤ ዓይሁዴ ዓሶኮ ቡኪንቶ ቤዞይዳ ጳርቂንቲ ታኣኮ ዒንሢ ማርካ ማዓንዳጉዲ ታ ዛሎ''ና ዎይሣ ዓሶና ካኣቶ''ና ቤርታ ዒንሢ ዎጌም ሺኢካንዳኔ።

¹⁰ጋፒንፃ ሙካንዳሢኮ ቤርታ ጋዓንቴ ኮዦ ሓይሳ ዱማ ዱማ ዜርፆም ቢያ ሄላ''ኒ ኮይሳኔ።

¹¹ዓሳ ዒንሢ ዓርቂ ዎጌም ሺኢሻኣና ‹ኑኡኒ ዓይጎ ኬኤዛንዳ ናንዳይ?› ጌዒ ቤርታዺ ሜታዺፖቴ፤ ዒንሢ ሺኢኬ ዎዶ''ና ዒንሢኮ ዒና'' ሙኬሢ ኬኤዙዋቴ፤ ዓይጎሮ ጌዔቶ ዒማ''ና ኬኤዛሢ ዓያና ጌኤሺ ማዓንዳፓ ዓቴም ዒንሢቱዋሴ።

¹²ጌርሲ ፔኤኮ ጌርሲ፥ ዓዴ ፔኤኮ ናዖ ሓይቢም ዓኣሢ ዒንጋንዳኔ፤ ናኣታ'' ሾዔ ዓሶ ዒፂ ዓኣሢ ዒንጊሢና ዎዺሳንዳኔ።

¹³ታ ዛሎሮ ዒንሢ ዓሲና ቢያ ዒፂንቴያ ማዓንዳኔ፤ ጋፒንፆ ሄላ''ንዳኣና ጊቢ'' ዶዳሢ ጋዓንቴ ዻቃንዳኔ።»

¹⁴ሓሣ ዓሲ ዒኢሳ ፑርታ ባኣዚ''ና ሻኣካ'' ባኣዚ'' ጴዻኒ ኮይሱዋ ቤስካ ማዺንታንቴ ዒንሢ ዛጋንዳኔ፤ ዬያ ናባባሢ ዒና ዔኮንጎ፤ ዬኖ ዎዶ''ና ዪሁዳ ዓጮ''ይዳ ዓኣ ዓሳ ቢያ ዹኮ'' ባንሢ ቤቶንጎ።[12]

¹⁵ሹጮና ማዦና ማኣሮኮ ዑፆይዳ ዓኣ ዓሲ ኬኤፃፓ ኬዲ'' ፔቴ'' ባኣዚ'' ዔካንዳኔ ጌዒ ኔጎፓ፤

¹⁶ጎሺዳ ዓኣዺ ዓኣ ዓሲ ዓፒሎ ፔኤኮ ዔካኒ ጊንሣ ማዖፓ፤

¹⁷ዬኖ ዎዶ''ና ጎጶይንዳሢና ናኣቶ'' ዓኣሎ'' ዒንዶንሢናም ባዴዔ፤

¹⁸ዬይ ቢያ ባርጊ ዎዴና ማዑዋጉዲ ሺኢቁዋቴ።

¹⁹ዬኖ ዎዶ''ና ፆኦሲ ሳዖ ማዤማፓ ዓርቃዖ ሙኪ ዬኖ ኬሎ'' ሄላ''ንዳኣና ዛጊቤቂቦ ሜቶና ዋኣዮና ማዓንዳኔ፤ ሴካ ቤርቲም ማዔቶዋ ዬያጉዴ ሜቶና ዋኣዮና ማሊ ሄላ''ዓኬ።

²⁰ፆኦሲ ዬያ ኬሎ''ኮ ፓይዶ'' ዻኪሲባኣያታቴ ዻቃኒ ዖኦኒያ ዳንዳዒንዱዋንቴኬ፤ ጋዓንቴ ዶኦሪንቴዞንሢሮ ጌዒ ዬይ ኬላ'' ቢያ ቃሚቃንዳኔ።

²¹«ዬያሮ ዖና ማዔቶዋ ‹ሜሲሔ ሓይሾ ሓካኬ›፤ ‹ዬይሾ ያሶኬ› ጌዔቶ ጉሙርቂፖቴ።

²²ዎይቴይ ጌዔቶ ሉኡዚ ሜሲሔንሢና ሉኡዚ ፆኦሲ ማሊሢ ኬኤዛያ ማላ ዓሲ ሙካንዳኔ፤ ዔያቶም ዳንዳዒንቴቶ ፆኦሲኮ ዔርቲ ጉሙርቂንታ ዓሶታዖ ዻቢሳኒ ዓኪ ዲቃሣ ባኣዚ''ና ማላታና ዔያታ ማዻንዳኔ።

²³ዒንሢና ኮሺ'' ዔሩዋቴ! ሃያ ባኮ ቢያ ዬይ ዎዳ'' ሄላ''ንዳሢኮ ቤርታሲ ታ ዒንሢም ኬኤዛኔ።»

²⁴ዬኖ ዎዶ''ና ዬያ ሜቶ''ኮ ቢያ ጊንፃ ዓባ'' ዹማንዳኔ፥ ዓጊናኣ ፖዒንዱዋሴ፤

²⁵ዦኦጋሢያ ጫሪንጫፓ ኬዳ''ዛ ጫሪንጮይዳ ዎልቄና ዓኣ ባካ ቢያ ዓጊፃንዳኔ።

²⁶ዬካፓ ዓሲኮ ናዓሢ ዼኤፒ ዎልቄና ቦንቺንቲ ሻኣሬና ሙኪ ጴዻንዳኔ፤

²⁷ፔኤኮ ኪኢታንቾ ዒዚ ዳካዛ ዔያታ ዖይዶ ዛሎ'' ቢያ ዴንዲ ዓጮ''ኮ ጋፓፓ ጫሪንጮ ጋፖ ሄላ''ንዳኣና ዓኣ ዒዛኮ ዶኦሪንቴዞንሢ ቡኩሳንዳኔ።

²⁸ዬሱሴ ኬኤዛዖ፦ «ቤሌሶ ሚፄሎኮ ኮኦኪንሣ ዒንሢም ዔርዛያ ማዓንዳጉዲ፤ ዒዞኮ ካኣፓ ፂሊ፥ ዒላሺ ኬሳ'' ዎዶ''ና ዖጎሢ[13] ዑኬሢ ዒንሢ ዔራኔ።

²⁹ዬያጉዲ ዒንሢያ ዬይ ባካ ቢያ ማዓዛ ዛጋዖ ዓሲኮ ናዓሢ ሙካ ዎዳ'' ዑኬሢና ሙኪ ካራ'' ዓኣሢ ዔሩዋቴ፤

³⁰ጎኔ ታኣኒ ዒንሢም ጋዓኔ፤ ሓይ ሾይንታ ዓኣዻንዳሢኮ ቤርታ ዬይ ቢያ ማዓንዳኔ።

³¹ጫሪንጮና ሳዖና ዓኣዻንዳኔ፤ ታኣኮ ቃኣላ'' ጋዓንቴ ናንጊና ዶዲ ናንጋንዳኔ» ጌዔኔ።

³²ዬሱሴ ሃሣ፦ «ጋዓንቴ ዬኖ ኬሌሎና ዎዴሎና ዛላ ዓዳሢፓ ዓቴም ዖኦኒያ ዔራያ ባኣሴ፤ ጫሪንጮይዳ ዓኣ ኪኢታንቾታቶዋ ሓሣ ናዓሢያ ዔሩዋሴ።

³³ዬና ዎዳ'' ዓይዲ ሙካንዳቴያ ዒንሢ ዔሩዋኣሢሮ ኮሺ'' ዶዱዋቴ።

³⁴ዬና ዎዳ'' ማኣሮ ፔኤኮ ሃሺ'' ሓኬ ዓጪ ዓኣዼ ዓሲስኬያ ማላኔ፤ ዒዚ ፔቴ'' ፔቴ'' ዒዛም ማዻ ዓሶም ዱማ ዱማ ማዾ ዒንጋዖ ካፓ ዓሢም ኮሺ'' ዶዲ ካፓንዳጉዲ ዓይሤኔ።

³⁵ዬያሮ ማኣሮኮ ዓዳሢ ሙካንዳ ዎዶ'' ዒንሢ ዔሩዋያታሢሮ ዒንሢና ኮሺ'' ዔሩዋቴ፤ ጎዖንቴ ዒዚ ሴካ ዒባኒ፥ ዓቴቶ ሳዖኮ ጊዲሚሺ፥ ማዒባኣቶ ኮይዳ ቂኢቃኣና፥ ዔይዔ ጌዔቶ ጉቴ'' ዹቡርታ ሙካንዳኣናንዳኔ፤

³⁶ዔሩዋዖ ዒንሢ ጊንዒ ዓኣንቴ ዒዚ ሙኪ ዒንሢ ዴንቁዋጉዲ ዶዱዋቴ፤

³⁷«ዒንሢም ታኣኒ ኬኤዛሢጉዲ ሓንጎ ዓሶማኣ ዶዱዋቴ ታ ጋዓኔ» ጌዔኔ።