Read maale ሉቃሴ 13 Bible Online

ሉቃሴ 13 - maale bible

ሉቃሴ 13

¹ዒማ''ና ዓሳ ዬሱሴ ባንሢ ሙኪ፦ «ጌሊላ ዓጮ'' ዓሳ ፆኦሲም ሹኪ ዒንጊ ካኣሽኮ ባኮ ሺኢሻ ዎዶ''ና ጲላፆሴ ዔያቶ ዎዼም፥ ሱጉፃኣ ዔያቶኮ ዔያታ ፆኦሲም ዒንጊ ካኣሽካ ባኮና ዎላ'' ሲኢሪንቴኔ» ጌይ ዒዛም ኬኤዜኔ።

²ዬሱሴ ዔያቶም ማሃዖ፦ «ዓካሪ ዬንሢ ጌሊሎ ዓሶንሢ፥ ዬይ ሃይቦ'' ባይሲንታ ሄሌ''ሢ ሜሌ'' ዓቴ'' ጌሊላ ዓሶይዳፓ ቢያ ባሼ ጎሜ ዓሲ ዔያታ ማዔሢሮ ዒንሢም ማላ?

³ያዺቱዋሴ! ዒንሢኮ ጎማ ዻቢንቲ ማዔሢ ዔሪ ጎሞ ቡኡፂባኣቴ ዒንሢያ ዔያቶጉዲ ባይቃንዳኔ ታ ዒንሢም ጋዓኣኬ።

⁴ሴሌሆሜ ጎዖ ቤዞይዳ ሹጮና ኬልቂ ማዦና ዲራ ዶዔም፥ ሃይቄ ታጶ ሳሎ'' ዓሶ ዛሎ'' ዒንሢ ዎዚ ጋዓይ? ዔያታ ዬሩሳላሜይዳ ናንጋ ዓሶይዳፓ ቢያ ዑሣ ዓኣዼ ጎሜ ዓሲ ዒንሢ ኮራ ማላ?

⁵ያዺቱዋሴ! ዒንሢኮ ጎማ ዻቢንቲ ማዔሢ ዔሪ ጎሞ ቡኡፂባኣቴ ዒንሢያ ዔያቶጉዲ ባይቃንዳኔ ታ ዒንሢም ጋዓኣኬ» ጌዔኔ።

⁶ዬካፓ ዬሱሴ ሃያ ኮኦኪንሦ ዔያቶም ኬኤዜኔ፦ «ፔቴ'' ዓሲ ፔኤኮ ቱኮ'' ሚፆ ባኣኮ''ይዳ ቱኬ'' ቤሌሴ ሚሢስኬና ዓኣኔ፤ ዬኖ ሚፄሎይዳ ዓኣፒ ናንዳኔ ጌዒ ዴንዲ፥ ፔቴ''ታዖ ዴንቂባኣሴ።

⁷ዬያሮ ዒዛኮ ዬኖ ቤዜሎይዳ ማዻ ዓሢም ‹ሃኣዛጌ፥ ሃኖ' ቤሌሶ ሚፄሎይዳፓ ዓኣፒ ታ ዴንቃኒ ጌዒ ሃይሦ ሌዔ ኩሙሢ ታ ሃንቴኔ፤ ጋዓንቴ ፔቴ''ታዖ ዓኣፒ ዒዞይዳፓ ታ ዴንቂባኣሴ፤ ዬያሮ ሃሢ ዒዞ ቲቄ፤ ዓይጎሮ ዒዛ ሜሌ'' ቱኪ''ንቴ ባኮኮ ጉሪ ቤዞ ዓርቂ ሳዖ ፑርቲሳይ?› ጌዔኔ።

⁸ዬኖ ቤዜሎ ጎሽካሢ ጋዓንቴ ‹ጎዳሢዮ! ሂንዳ ሃኖ' ሌዖ ሃሼ''፤ ዓጮ ታ ዒዞኮ ቦኦኪ ቡኡራ ዋሂ ዛጋንዳኔ፤

⁹ሙካ ሌዖ ዒዛ ዓኣፔቴ ኮሺኬ፤ ሃንጎታቴ ጋዓንቴ ዒዛ ቲቂንታንዳኔ› » ጌይ ዒዛም ማሄኔ።

¹⁰ዬሱሴ ዓይሁዶ ዓሶኮ ሃውሾ ኬሎ''ና ዔያታ ቡካ ቤዞይዳ ዔርዛንቴ፥

¹¹ዒኢካ ታጶ ሳሊ'' ሌዔ ጉቤ ፑርታ ዓያና ዎቢሴ ላኣሊስኬና ዓኣኔ፤ ዒዞኮ ጊኢራ ዎቤሢሮ ዼ'ግ ጋዓኒ ዒዛ ፔቴ''ታዖ ዳንዳዑዋያኬ።

¹²ዬሱሴ ዒዞ ዴንቃዖ ዔኤሊ''፦ «ዔና፥ ኔኤኒ ኔኤኮ ዶርዓስካፓ ፖዔኔ» ዒዞም ጌዒ፥

¹³ፔ ኩጮና ዒዞ ዒ ፒፃዛ ቤዞማና ዼ'ግ ጌይ ዔቂ፥ ፆኦሲ ጋላቴኔ።

¹⁴ዬሱሴ ዒዞ ዓይሁዶኮ ሃውሾ ኬሎ''ና ፓሤሢሮ ዓይሁዶ ዓሶኮ ቡኪንቶ ቤዞ ሱኡጋሢ ዻጋዻዖ ዴሮ'' ኮራ፦ «ቃልሾ ኬሎ'' ጋራ ማዾ ማዺንታንዳ ላሆ'' ኬሊ'' ዓኣኔ፤ ዬንሢ ኬሎ''ንሢዳ ሌሊ ሙኪ ሙኪ ፖዑዋቴ፤ ሃውሾ ኬሎ''ና ጋዓንቴ ማዑዋያኬ» ጌዒ ኬኤዜኔ።

¹⁵ዬማና ጎዳ ዬሱሴ ዒዛም፦ «ዒንሢ ሃይ ፔና ጌኤሺ ማሊሳ ዓሳ! ዒንሢ ፔቴ'' ፔቴ''ሢ ሃውሾ ኬሎ''ና ዒንሢኮ ጌማይ ሃሣ ሃሬ ቱኬ'' ቤዛፓ ቡሊ'' ዋኣሢ ዑሻኒ ዔኪ ዓኣዹዋዓዳ?

¹⁶ሃሢ ሃና ዓብራሃሜ ፃጳፓ ማዔ፥ ላኣሌላ ታጶ ሳሊ'' ሌዔ ጉቤ ፃላሄ ቱኬ''ም ሜታዺ ናንጌኔ፤ ዓካሪ ዒዛ ቱኡቲ ሜታዻ ዶርዓሢዳፓ ሃውሾ ኬሎ''ና ቡሊ''ንታኒ ዒዞም ኮይሱዋዓዳ?» ጌዔኔ።

¹⁷ያዺ ጌዒ ዬሱሴ ዒዛ ማካ ዓሶ ቢያ ቦርሲሴኔ፤ ዴራ'' ጋዓንቴ ዬሱሴ ማዼ ዲቃሣ ባኮና ቢያ ዎዛዼኔ።

¹⁸ዬሱሴ፦ «ፆኦሲ ካኣቱማ ዓይጎ ኮኦኪንሢና ኬኤዚንታንዳይ? ሃሣ ጊንሣ ዓይጎና ታ ቤኤዛንዳይ?

¹⁹ፔቴ'' ዓሲ ፔኤኮ ቱኮ''ና ባኮ ባኣካ'' ዜርቄ ሴናፒጬ ጌይንታ ሚፄሎ ዜርፆ ማላኔ፤ ዒዛ ዑጊ ዼኤፒ ሚሢ ማዓኔ፤ ካፓኣ ዒዞኮ ካኣፖይዳ ማኣሪ ማዣኔ» ጌዔኔ።

²⁰ዬሱሴ ሃሣ ላሚ፦ «ፆኦሲ ካኣቱሞ ዓይጎና ዎላ'' ታ ቤኤዛንዳይ?

²¹ፆኦሲ ካኣቱማ ፔቴ'' ላኣሊ ሙኑቆ ካፂሳንዳጉዲ ዺቦ'' ዺኢሎ ዲርካኣና ዋሃ ሙኑቃ ፃኣዛ ማላኔ» ጌዔኔ።

²²ዬካፓ ዬሱሴ ዬሩሳላሜ ባንሢ ዴንዳዖ ካታሞና ካታሞኮ ዙሎ''ናይዳ ቢያ ዔርዚ ዔርዚ ዓኣዻኔ።

²³ዬማና ፔቴ'' ዓሲ፦ «ጎዳሢዮ! ዻቃንዳዞንሢ ዻካ'' ዓሲዳ?» ጌይ ዖኦጫዛ፥ ዬሱሴ ዔያቶም ማሃዖ፦

²⁴«ኩንዖ ካሬ''ሎና ጌላኒ ኮሺ'' ዶዱዋቴ፤ ዬኖ ካሬ''ሎና ጌላኒ ኮዓ ዓሳ ሚርጌኬ፤ ጋዓንቴ ጌላኒ ዔያታ ዳንዳዑዋሴ፥ ታ ዒንሢም ጋዓኣኬ።

²⁵ማኣሮ ዓዴ ዔቂ ካሬ''ሎ ዎዻንዳኔ፤ ዒንሢ ዙላ'' ዔቂ ዔኤሊ''ንቲ ‹ጎዳሢዮ! ሃዳራ ካሮ'' ኑም ቡሌ''!› ጋዓዛ፥ ዒዚያ ‹ዓንካፓ ዒንሢ ሙኬቶዋ ታ ዒንሢ ዔሩዋሴ› ጌይ ዒንሢም ማሃንዳኔ።

²⁶ዬኖ ዎዶ''ና ዒንሢ ‹ኔኤና ዎላ'' ኑ ሙዒ ዑሽኬኔ፤ ኑ ጉርዶይዳ ኔ ዔርዜንቴሞ!› ጋዓንዳኔ።

²⁷ዒዚ ላሚ ሃሣ ‹ዓንካፓ ዒንሢ ሙኬቶዋ ታ ዒንሢ ዔሩዋሴ! ዒንሢ ሃይ ፑርቶ ዓሳ ታ ኮራፓ ሺኢኩዋቴ!› ዒንሢ ጋዓንዳኔ።

²⁸ዒንሢ ዓብራሃሜንታ ዪሳኣቄንታ ያይቆኦቤንታ ሃሣ ፆኦሲ ማሊፆ ኬኤዛዞንሢ ቢያ ፆኦሲ ካኣቱሞይዳ ዛጋንዳኔ፤ ዒንሢ ጋዓንቴ ዙላ'' ኬኤሪንቲ ዓቴ'' ዎዶ''ና ዬኤፒና ዓቺ ዻይሢና ዒንሢም ማዓንዳኔ።

²⁹ሚርጌ ዓሳ ዓባ'' ኬስካ ካሮ''ና ጌላ ካሮ''ናይዳፓ ሃሣ ሳዖኮ ዾኦሎ''ና ኬዶ''ናይዳፓ ሙኪ ፆኦሲ ካኣቱሞይዳ ሙዎ ሙዖ ቤዛ ዴዓንዳኔ።

³⁰ዬያሮ ሚርጌ ላቤ''ያ ሃሣ ጊንፃዼያ ማላ ዓሳ ቤርታ ማዓንዳኔ፤ ጎኦቢ ቤርታዻያ ማላ ዓሳ ጊንሢም ማዓንዳኔ» ጌዔኔ።

³¹ዒማ''ና ፔቴ'' ፔቴ'' ፔርሴ ዓሳ ዬሱሴ ኮራ ሙካዖ፦ «ሄሮዲሴ ኔና ዎዻኒ ኮዓሢሮ ሃይፓ ሜሌ'' ቤሲ ዴንዴ» ዒዛም ጌዔኔ።

³²ዬሱሴ ጋዓንቴ ዔያቶም፦ «ዒንሢ ዴንዲጋፓ ዬያ ዉኡካሢም[10] ‹ሃኖ''ና ዚሮና ፑርቶ ዓያኖ ታ ኬሲ''፥ ሃርጊንቴ ዓሶዋ ፓሣንዳኔ፤ ሃይሣሳ ኬሎ''ና ማዾ'' ታኣኮ ታ ጋፒሳንዳኔ› ጋዓኔ ጎዑዋቴ።

³³ዓካሪ ሃኖ'' ማዔቶዋ ዚሮ፤ ሃሣ ሂንቶታቴያ ዬሩሳላሜ ታ ዓኣዺፆሮ ዔቃንዳኔ፤ ዓይጎሮ ጌዔቶ ፆኦሲ ማሊሢ ኬኤዛሢ ዬሩሳላሜይዳፓ ዓታዛ ሜሌ'' ቤስካ ሃይቃንዳያ ኮይሱዋሴ።

³⁴«ዬሩሳላሜ! ዬሩሳላሜ! ኔኤኒ ፆኦሲ ማሊፆ ኬኤዛዞንሢያ ዎዻኔ፤ ኔ ባንሢ ዳኪንታ ኪኢቶ'' ዓሶዋ ሹቻ ኔ ዹዓኔ፤ ኮይዳ ፔኤኮ ጋኣዞ ዴማ'' ናኣቶ'' ቡኩሳሢጉዲ ታኣኒያ ሚርጌና ናኣቶ'' ኔኤኮ ቡኩሳኒ ኮዔኔ፤ ዒንሢ ጋዓንቴ ዒፄኔ።

³⁵ዬያሮ ማኣራ ዒንሢኮ ባዔ ማዒ ዓታንዳኔ፤ ዒንሢያ ‹ፆኦሲ ሱ'ንፆና ሙካሢ ዓንጂንቴያኬ› ጋዓንዳ ኬሎ'' ሄላ''ንዳኣና ፔቴ''ታዖ ታና ዒንሢ ዴንቃዓኬ» ጌዔኔ።