Read maale ሉቃሴ 3 Bible Online

ሉቃሴ 3 - maale bible

ሉቃሴ 3

¹ሮሜ ዓጮ'' ካኣቲ ፂባርዮሴ ካኣታዼንቴ ታጶ ዶንጋሳ ሌዖና ጴንፄ ጲላፆሴ ጎዖሢ ዪሁዳ ዓጮ''፥ ሄሮዲሴ ጌሊላ ዓጮ''፤ ዬያጉዲ ሃሣ ጌርሲ ፒልጶሴ ዒፁሪያሴና ፂራክንዶሴ ዓጮ''፥ ሊሳኒዮሴ ጎዖሢ ዓቢላኒሴ ዓጮ'' ዎይሣያኬ።

²ዒማ''ና ሃኣናና ቃያፓና ቄኤሶ ቢያሢኮ ሱኡጎንሢኬ፤ ዬማና ዛካሪያሴ ናኣዚ''፥ ዮሓኒሴ ዓሲ ናንጉዋ ዳውሎ''ይዳ ዓኣንቴ ፆኦሲ ዒዛም ኬኤዜኔ።

³ዬያሮ ዮሓኒሴ ዮርዳኖሴ ዎሮ ኮይሎ''ይዳ ዓኣ ዓጮ'' ቢያ ሃንቲ ሃንቲ፦ «ፆኦሲ ዒንሢም ዓቶም ጋዓንዳጉዲ ጎሞ ቡኡፂ ቡኡፂ ዋኣፆና ማስቱዋቴ» ጌዒ ጌዒ ዔርዛኔ።

⁴ዬይ ያዺ ማዔሢ ፆኦሲ ማሊፆ ኬኤዛ ዒሲያሴ ዮሓኒሴ ዛሎ'' ቤርታዺ፦ «ሃይ ዓሲ ናንጉዋ ዳውሎ''ይዳ ሂዚ ጌዒ ጌዒ ዒላታ ዓሲኮ ዑኡሲኬ፤ ‹ጎዳኮ ጎይፆ ጊኢጊሹዋቴ፤ ሉኡጎ ጎይፆዋ ፒዚሱዋቴ፤

⁵ዶኦጫዻ ቤዛ ቢያ ኩሞንጎ፤ ዹኮ''ና ጌሜሮና ቢያ ሂርኪ ጎዖንጎ፤ ዎቦ ጎይፃኣ ፒኮንጎ፤ ጊኢጊ ኮሺ''ንቲባኣ ጎይፃኣ ጊኢጎንጎ፤

⁶ዓሲ ቢያ ፆኦሲኮ ዻቂሻ ዎልቆ ዛጎንጎ!› » ሂዚ ጌዒ ፃኣፒንቴ ጎይፆናኬ።

⁷ዋኣፆና ማስቶሮ ዒዛ ኮይላ'' ሙካ ዓሶም ዮሓኒሴ፦ «ዒንሢ ሓይ ሾኦዣ! ሙካንዳ ፆኦዛሢኮ ጎሪ''ንቶይዳፓ ቶላ''ኒ ዒንሢ ዳንዳዓንዳጉዲ ዖኦኒ ዒንሢም ኬኤዜይ?

⁸ዓካሪ ሃሢ ጎሞ ዒንሢኮ ቡኡፂፆ ዔርዛ ማዾ ማዻንዳኣፓዓቴም ‹ኑኡኒ ዓብራሃሜ ናኣቶ''ኬ› ጌዒ ዒንሢ ዒኖና ሄርሺንቲፖቴ። ፆኦሲ ሃያ ሹጫፓ ዓብራሃሜ ናይ ማሂ ዔቂሳኒ ዳንዳዓያ ማዔሢ ታ ዒንሢም ኬኤዛኔ።

⁹ሃሢ ሚፆ ፃጳፓ ቲቂ ኬኤራኒ ሄርጋ ጊኢጊንቴሢሮ ቃራ ዓኣፒ ዓኣፑዋ ሚሢ ቢያ ቲቂንቲ ታሚዳ ኬኤሪንታንዳኔ» ጌዔኔ።

¹⁰ዴራ'' ማሃዖ፦ «ሂዴቶ ኑ ዓይጎ ማዾንዶይ?» ጌይ ዮሓኒሴ ኮራ ዖኦጬኔ።

¹¹ዒዚያ፦ «ላምዖ ማኣዓ ዓኣሢ ፔቴ''ማ ባኣሢም ዒንጎንጎ፤ ሙኡዚ'' ዓኣሢያ ባኣሢም ጊሽኮንጎ» ጌዔኔ።

¹²ኮርሞ ኮርማ ዓሶይዳፓ ሚኢሾ ቡኩሲ ማዻዞንሢያ ማስቲፆሮ ዒዛ ኮይላ'' ሙካዖ፦ «ዔርዛሢዮ! ኑኡኒሾ፥ ዓይጎ ማዾንዶይ?» ጌይ ዒዛ ዖኦጬኔ።

¹³ዒዚያ፦ «ዎጎና ዓይሢንቴሢፓ ዑሣ ዓኣሢ ዔካኒ ዖኦጪፖቴ» ጌዔኔ።

¹⁴ሃሣ ፖኦሊሳ ሙካዖ፦ «ኑኡኒሾ፥ ዓይጎ ማዾንዶይ?» ጌዔኔ። ዒዚ፦ «ዓሲ ሚኢሼ ጌኔና ቡሪ ዔኪፖቴ፤ ዖና ማዔቶዋ ሉኡቂ ዎጌና ዓይሢሲፖቴ፤ ዒንሢ ማዼሢ ዛሎ'' ዒንጎ ሚኢሻ ዒንሢም ጊዶንጎ» ጌዔኔ።

¹⁵ዒማ''ና ዴራ'' ቢያ ሜሲሔኮ ሙኪፆ ዎዛና ካፓያታሢሮ ዮሓኒሴ፦ «ሃይ ዓሢ ጎዖንቴ ሜሲሔ ማዓንዳሞ?» ጌዒ ጌዒ ዒኖና ማሌኔ።

¹⁶ዮሓኒሴ ጋዓንቴ ዔያቶም፦ «ታኣኒ ዒንሢ ዋኣሢና ማስካኔ፤ ጋዓንቴ ሜሌ'' ታጊዳፓ ባሼ ሙካንዳኔ፤ ታኣኒ ዒዛኮ ዱርዞ ቱኮ'' ሱዞታዖ ቡላ''ኒ ኮይሳያቱዋሴ፤ ዬይ ዒንሢ ዓያና ጌኤሺና ሃሣ ታሚና ማስካንዳኔ።

¹⁷ዒዚ ቆይዳይዳ ዓኣ ሃኣኮ ሶኦራኒ ሶኦሮ ዓንዶ ኩጫ ዓርቄሢሮ ሶኦሪ ጌኤሼሢኮ ጊንፃ ኮዦ ዓኣፖ ኮናይዳ ዋሂ፥ ዲኢሮ ጋዓንቴ ባይቁዋ ታሚና ሚቻንዳኔ» ጌዔኔ።

¹⁸ዬያጉዲ ሃሣ ዮሓኒሴ ዱማ ዱማ ጎይሢና ዴሮ'' ዞሪ ኮዦ ሃይሶ ዔያቶም ኬኤዜኔ።

¹⁹ጌሊላ ዓጮ'' ዎይሣ ሄሮዲሴ ጋዓንቴ ጌርሲ ፒልጶሴኮ ማቾ ሄሮዲያዳ ዔኬሢሮና ሜሌ'' ሚርጌ ፑርታ ባኣዚ'' ማዼሢሮ ዒዛ ዒ ጎሬኔ።

²⁰ሄሮዲሴም ዬይ ፑርቱሞ ማዻ'' ቢያ ጊዶ'' ዒፄም ፑርቱሞይዳ ፑርቱሞ ቃሲ''ሢና ዮሓኒሴ ቱኡዞ ማኣራ ቱኬ''ኔ።

²¹ዓሳ ቢያ ማስቴሢኮ ጊንፃ ዬሱሴያ ማስቴኔ፤ ዒዚ ዒማ''ና ሺኢቃ ጎይሣ ዓኣንቴ ጫሪንጫ ቡሊ''ንቴም፥

²²ዓያና ጌኤሺያ ዶኦሌ'' ማሎና ማዒ ዒዛ ዑፃ ኬዴ''ኔ፤ ዒማ''ና «ኔኤኒ ታ ኔና ናሽካ ታኣኮ ናዓሢኬ፤ ኔኤና ታ ዎዛዻኔ» ጋዓ ዑኡሲ ጫሪንጫፓ ዋይዚንቴኔ።

²³ዬሱሴ ዔርዚፆ ማዾ'' ዓርቃኣና ሌዓ ዒዛኮ ሓይሢታሚ'' ጉዴያኬ፤ ዒዚ ዓሶም ዮሴፔ ናይ ማላኔ። ዬይያ ዮሴፔ ዔኤሊ ናኣዚ''፥

²⁴ዔኤሊ ማቲ ናኣዚ''፥ ማቲ ሃሣ ሌዊ ናኣዚ''፥ ሌዊ ሚልኪ ናኣዚ''፥ ሚልኪ ዮና ናኣዚ''፥ ዮና ዮሴፔ ናኣዚ''፥

²⁵ዮሴፔ ማታቲዮ ናኣዚ''፥ ማታቲዮ ዓሞፄ ናኣዚ''፥ ዓሞፄ ናሆሜ ናኣዚ''፥ ናሆሜ ዔስሊሜ ናኣዚ''፥ ዔስሊሜ ናጌ ናኣዚ''፥

²⁶ናጌ ማዖቴ ናኣዚ''፥ ማዖቴ ማታቲዮ ናኣዚ''፥ ማታቲዮ ሴኤሜዬ ናኣዚ''፥ ሴኤሜዬ ዮሴፔ ናኣዚ'' ዮሴፔ ዮዳ ናኣዚ''፥

²⁷ዮዳ ዮናኔ ናኣዚ''፥ ዮናኔ ሬሴ ናኣዚ''፥ ሬሴ ዜሬባቡሌ ናኣዚ''፥ ዜሬባቡሌ ሳላቲያሌ ናኣዚ''፥ ሳላቲያሌ ኔሪ ናኣዚ''፥

²⁸ኔሪ ሚልኪ ናኣዚ''፥ ሚልኪ ሃዲ ናኣዚ''፥ ሃዲ ቆሳሜ ናኣዚ''፥ ቆሳሜ ዔልሞዳሜ ናኣዚ''፥ ዔልሞዳሜ ዔሪ ናኣዚ''፥

²⁹ዔሪ ዮሴዔ ናኣዚ''፥ ዮሴዔ ዔኤሊዔዛሬ ናኣዚ''፥ ዔኤሊዔዛሬ ዮራሜ ናኣዚ''፥ ዮራሜ ማፃቴ ናኣዚ''፥ ማፃቴ ሌዊ ናኣዚ''፥

³⁰ሌዊ ሲሞኦኔ ናኣዚ''፥ ሲሞኦኔ ዪሁዳ ናኣዚ''፥ ዪሁዳ ዮሴፔ ናኣዚ''፥ ዮሴፔ ዮናኔ ናኣዚ''፥ ዮናኔ ዔልያቂሜ ናኣዚ''፥

³¹ዔልያቂሜ ሜሊያ ናኣዚ''፥ ሜሊያ ማይኔኔ ናኣዚ''፥ ማይኔኔ ማፃቴ ናኣዚ''፥ ማፃቴ ናኣታኔ ናኣዚ''፥ ናኣታኔ ዳውቴ ናኣዚ''፥

³²ዳውቴ ዒሴዬ ናኣዚ''፥ ዒሴዬ ዒዮቤዴ ናኣዚ''፥ ዒዮቤዴ ቦዔዜ ናኣዚ''፥ ቦዔዜ ሳልሞኔ ናኣዚ''፥ ሴልሞኔ ናዖሶኔ ናኣዚ''፥

³³ናዖሶኔ ዓምናኣዳኣቤ ናኣዚ''፥ ዓምናኣዳኣቤ ራሜ ናኣዚ''፥ ራሜ ዓርኔ ናኣዚ''፥ ዓርኔ ሄፂሮኔ ናኣዚ''፥ ሄፂሮኔ ፔርሴ ናኣዚ''፥ ፔርሴ ዪሁዳ ናኣዚ''፥ ዪሁዳ ያይቆኦቤ ናኣዚ''፥

³⁴ያይቆኦቤ ዪሳኣቄ ናኣዚ''፥ ዪሳኣቄ ዓብራሃሜ ናኣዚ''፥ ዓብራሃሜ ታራ ናኣዚ''፥ ታራ ናኮሬ ናኣዚ''፥

³⁵ናኮሬ ሴሩጌ ናኣዚ''፥ ሴሩጌ ሬዑ ናኣዚ''፥ ሬዑ ፔሌጌ ናኣዚ''፥ ፔሌጌ ዔቤሬ ናኣዚ''፥ ዔቤሬ ሼላሄ ናኣዚ''፥

³⁶ሼላሄ ቃይኒሜ ናኣዚ''፥ ቃይኒሜ ዓርፓክሳዴ ናኣዚ''፥ ዓርፓክሳዴ ሴኤሜ ናኣዚ''፥ ሴኤሜ ኖሄ ናኣዚ''፥ ኖሄ ላሜሄ ናኣዚ''፥

³⁷ላሜሄ ማቶሳላ ናኣዚ''፥ ማቶሳላ ሄኖኬ ናኣዚ''፥ ሄኖኬ ያሬዴ ናኣዚ''፥ ያሬዴ ሜላሊዔኤሌ ናኣዚ''፥ ሜላሊዔኤሌ ቃይናኔ ናኣዚ''፥

³⁸ቃይናኔ ሄኖሴ ናኣዚ''፥ ሄኖሴ ሴቴ ናኣዚ''፥ ሴቴ ዓዳኣሜ ናኣዚ''፥ ዓዳኣሜ ፆኦሲ ናኣዚ''ኬ ዔያታ ጋዓኔ።