Read maale ዮሓኒሴ 12 Bible Online

ዮሓኒሴ 12 - maale bible

ዮሓኒሴ 12

¹ዓይሁዶ ዓሶኮ ዑሣ ዓኣዺፆ ኬሎ'' ቦንቻኒ ላሆ'' ኬሊ'' ዓታዛ ዬሱሴ ቢታኒያ ጎዖ ጉርዳ ዓኣዼኔ፤ ዬሱሴ ሃይባ''ፓ ዔቂሴ፥ ዓላዜሬ ናንጋሢ ዬኖ ጉርዴሎይዳኬ።

²ዬሱሴም ዒኢካ ዬኖ ዋንቴሎ ሙኡዚ'' ጊኢጊሺንቴኔ፤ ዬኖ ሙዖ ሙኡዛዛ ማርታኬ፤ ዬማና ሙዓኒ ዴዔ ዓሶይዳፓ ዓላዜሬ ፔቴ''ሢኬ።

³ዒማ''ና ማይራማ ሻንቾናቴ ሚርጌ ሚኢሼ ኬሳ''ንዳያ፥ ቦንቺንቴ፥ ናርዶሴ ጌይንታ ሳውቃ ቲሺ ዶሎዜኮ ጊዲሚሺ ማዓንዳያ ዔኪ ሙኪ ዬሱሴኮ ቶካ'' ዋሄኔ፤ ዬካፓ ዒዞኮ ቶኦኮ'' ጋፓኖና ቶኮ ዑጬኔ፤ ዬኖ ኬኤፄሎኮ ጋራ ቲዦ ሳዎና ኩሜኔ።

⁴ዬሱሴኮ ጊንፆ ሃንታ ናኣቶ''ይዳፓ ፔቴ''ሢ፥ ዒዛ ዓኣሢ ዒንጋንዳ ዓስቆሮንቶ ካታማፓ ማዔ ዪሁዳ፦

⁵«ሓይ ሳውቃ ቲዣ ፔቴ'' ዓሲ ሃይሦ ፄኤታ ኬሊ'' ማዼም ዒንጎንዶ ሚኢሼም ሻንቺንቲ፤ ሚኢሻ ማንቆ ዓሶም ዓይጎሮ ዒንጊንቱዋይ?» ጌዔኔ።

⁶ዒዚ ዬያ ጌዔሢ ማንቆ ዓሶ ሚጪንቲቱዋንቴ ዉሲ ማዔሢሮኬ፤ ዒማና ዒዚ ሚኢሼ ዓርቃያ ማዔሢሮ ሚኢሾ ዒ ጌሣ ቤዛፓ ዔኪ ዔኪ ዔሬያኬ።

⁷ዬሱሴ፦ «ታኣኒ ዱኡኪንታንዳ ኬሎ''ም ዒዛ' ታና ጊኢጊሻያ ማዔሢሮ ዒዞ ሃሹ''ዋቴ።

⁸ማንቆ ዓሳ ቢያ ኬሊ'' ዒንሢና ዎላ''ኬ። ታኣኒ ጋዓንቴ ቢያ ኬሊ'' ዒንሢና ዎላ''ቱዋሴ» ጌዔኔ።

⁹ዬማና ሚርጌ ዓይሁዴ ዓሲ ዬሱሴ ቢታኒያይዳታሢ ዔሪ ሙኬኔ፤ ዔያታ ሙኬሢ ዬሱሴ ዛሎ''ሮ ሌሊቱዋንቴ ዬሱሴ ሃይባ''ፓ ዔቂሴ፥ ዓላዜሬያ ዛጋኒኬ።

¹⁰ዬያሮ ቄኤሶኮ ሱኡጋ ዓላዜሬያ ዎዻኒ ዞርቴኔ።

¹¹ዓይጎሮ ጌዔቶ ዒዛይዳፓ ዔቄያና ሚርጌ ዓይሁዴ ዓሳ ፔኤኮ ዔኪ ዓኣዻ ዓሶ ሃሺ'' ሃሺ'' ዬሱሴ ጉሙርቃሢሮኬ።

¹²ዚሮ ጉቴሎ ዑሣ ዓኣዺፆ ቦንቾ ኬሎ'' ቦንቻኒ ሙኬ፥ ሚርጌ ዓሳ ዬሱሴ ዬሩሳላሜ ሙካያ ማዔሢ ዋይዜኔ።

¹³ዬያሮ ዔያታ ዒማ''ና ዓኣዔ ሜኤፄ ዓርቂ ኬስካዖ፦ «ፆኦሲ ጋላቲንቶም! ጎዳ ሱ'ንፆና ሙካ፥ ዒስራዔኤሌኮ ካኣታሢ ዓንጂንቴያኬ!» ጌይ ጌይ ዒላቴኔ።

¹⁴ዬሱሴ ሃሬ ናይ ዻካ'' ዴንቃዖ ዒማ'' ቶጌኔ፤ ዬይ ያዺ ማዔሢ፦

¹⁵«ሃና'' ኔኤኒ፥ ፂዮኔ ካታሜሌ፥ ዬሩሳላሜ ዒጊጪፖ፤ ሓይሾ ኔኤኮ ካኣታ''ሢ ሃሬ ናይ ቶጊ ሙካኔ» ጌይንቲ ፃኣፒንቴሢ ኩማንዳጉዲኬ።

¹⁶ዬሱሴኮ ጊንፆ ሃንታዞንሢም ዬይ ባካ ቤርታ ዔርቲባኣሴ፤ ጋዓንቴ ዬሱሴ ቦንቾና ሌካ ጫሪንጮ ዔውቴ ዎዶ''ና ዬይ ባካ ዒዛ ዛሎ'' ፃኣፒንቴሢና ሃሣ ዒዛም ማዺንቴሢ ዔያታ ጶቂሲ ዔሬኔ።

¹⁷ዬሱሴ ዓላዜሬ ዱኡፓፓ ዔኤሊ''፥ ሃይባ''ፓ ዔቂሳማና ዒዛና ዎላ'' ዓኣ ዓሳ ቢያ ዒዚ ዓላዜሬ ሃይባ''ፓ ዔቂሴሢ ማርካዻኔ።

¹⁸ሚርጌ ዓሳ ዬሱሴ ጎይሣ ዔካኒ ኬስኬሢ ዬያ ፆኦሲ ዎልቆና ማዺንቴ ዓኮ ባኮ ዒ ማዼሢ ዋይዜሢሮኬ።

¹⁹ዒማ''ና ፔርሴ ዓሳ፦ «ሃኣዛጉዋቴ፤ ዴራ'' ቢያ ዒዛ ጊንፆ ኬስኬኔ! ኑ ፔቴ'' ባኣዚ''ታዖ ማዻኒ ዳንዳዑዋኣሢ ዒንሢ ዛጋ?» ዎሊ ኮይላ'' ጌዔኔ።

²⁰ዬኖ ቦንቾ ኬሎ''ና ዚጊ ካኣሽኮሮ ዬሩሳላሜ ዓኣዼ ዓሶ ባኣካ'' ፔቴ'' ፔቴ'' ጊሪኬ ዓጪ ዓሲ ዓኣኔ።

²¹ዔያታ ጌሊላይዳ ቤቴሳይዳ ጌይንታ ዓጮ'' ዓሢ ማዔ፥ ፒልጶሴ ኮራ ሙኪ፦ «ጎዳሢዮ! ዬሱሴ ዛጋኒ ኑ ኮዓኔ» ጌዔኔ።

²²ፒልጶሴ ዴንዲ ዒንዲራሴም ኬኤዜኔ፤ ዬካፓ ዒንዲራሴና ፒልጶሴና ዴንዲ ጊንሣ ዬሱሴም ኬኤዜኔ።

²³ዬሱሴ ዔያቶም፦ «ሓይሾ ዓካሪ ዓሲኮ ናዓሢ ቦንቺንታ ዎዳ'' ሄሌ''ኔ፤

²⁴ጎኔ ታ ዒንሢም ጋዓኔ፤ ዓሲ ሃይቂ ዱኡታሢጉዲ ጉምቡሦኮ ፔቴ'' ዓኣፒ ዱኡቂንቲባኣያታቴ ፔኤሮ ሌሊ ማዒ ዓታኔ፤ ጋዓንቴ ዱኡቂንቴያታቴ ሚርጌ ዓኣፒ ዓኣፓኔ።

²⁵ፔኤኮ ናንጎ ፆኦሲፓ ባሼ ናሽካሢ ባይዛንዳኔ፤ ሓያ ዓጮ''ይዳ ፔ ናንጎይዳፓ ባሼ ፆኦሲ ናሽካሢም ጋዓንቴ ናንጊና ናንጊ ጊኢጊ ዓኣኔ።

²⁶ታኣም ማዻኒ ኮዓሢ ታ ጊንፆ ሙኮንጎ፤ ታኣኒ ዓኣ ቤዞይዳ ታኣም ማዻሢያ ዒኢካ ማዓንዳኔ፤ ታኣም ማዻሢ ታ ዓዴ ዒዛ ቦንቻንዳኔ» ጌይ ማሄኔ።

²⁷ዬካፓ ዬሱሴ፦ «ዓካሪ ታኣኮ ሼምፔላ ሚርጌና ሜታዼኔ፤ ‹ታ ዓዳሢዮ! ሃያፓ ታና ኔ ዻቂሼ ጎዖንዶ?› ዬያ ታ ጎዑዋጉዲ ታኣኒ ሙኬሢ ሃኖ'' ሜቴሎምኬ።

²⁸ታ ዓዳሢዮ! ኔኤኮ ሱ'ንፆ ቦንቼ» ጌዔኔ። ዬካፓ፦ «ታኣኮ ሱ'ንፆ ታ ቦንቼኔ፤ ሃሣ ታ ቦንቻንዳኔ!» ጋዓ ዑኡሲ ጫሪንጫፓ ዋይዚንቴኔ።

²⁹ዒኢካ ዔቂ ዓኣ ዓሳ ዬያ ዑኡዞ ዋይዛዖ፦ «ጉጉንሢኬ!» ጋዓዛ፥ ዛላ'' ሃሣ፦ «ፆኦሲ ኪኢታንቻ ዒዛና ጌስታኔ» ጌዔኔ።

³⁰ዬሱሴ ጋዓንቴ፦ «ሓይ ዑኡዛ ዒንሢም ኬኤዚንቴያ ማዓንዳኣፓዓቴም ታኣም ኬኤዚንቴያቱዋሴ፤

³¹ዓጫ'' ሃይ ዎጊንታንዳ ዎዳ'' ሃሢኬ፤ ሃያ ዓጮ'' ዎይሣ ፃላሄ ዙላ'' ኬኤሪንታንዳሢያ ሃሢኬ፤

³²ታኣኒ ሳዓፓ ዼ'ግ ጌዔ ዎዶ''ና ዓሳ ቢያ ታ ባንሢ ሙኪ ዻቃንዳጉዲ ታ ማሃንዳኔ» ጌዔኔ።

³³ዬሱሴ ዬያ ጌዔሢ ዎዚጉዴ ጎይሢና ዒ ሃይቃንዳቴያ ዔርዛኒኬ።

³⁴ዓሳኣ ማሃዖ፦ «ኑኡኮ ዎጎይዳ ፃኣፒንቴም ኑ ዛጋሢ ‹ሜሲሔ ናንጊና ናንጋኔ› ጋዓያኬ፤ ዓካሪ ኔኤኒ ‹ዓሲኮ ናዓሢ ዼ'ግ ጋዓንዳያ ኮይሳኔ› ዎዲ'' ጋዓይ? ዬይ ዓሲኮ ናዓሢ ዖናዳይ?» ዒዛ ኮራ ጌዔኔ።

³⁵ዬሱሴ ዔያቶም፦ «ሓሢ ዻካ'' ዎዴ ዒንሢም ፖዒኬ፤ ጎይፃኣ ዒንሢ ዓኣንቴ ዒንሢም ዹሙዋንቴ፥ ፖዓ ዓኣ ጎይሣ ዓኣንቴ ሃንቱዋቴ፤ ዹሚና ሃንታሢ ዓንኮ ዴንዳቴያ ዔሩዋያኬ።

³⁶ዒንሢ ፖዒ ናይ ማዓንዳጉዲ ዒንሢኮ ፖዓሢ ዓኣንቴ ፖዓሢ ጉሙርቁዋቴ» ጌይ ማሄኔ። ዬሱሴ ዬያ ዔያቶም ኬኤዛዖ ዓኣፓፓ ዔያቶኮ ዓኣሺንቲ ባይቄኔ።

³⁷ዬሱሴ ዬያ ፆኦሲ ዎልቄና ማዺንታ ዓኮ ባኮ ዔያቶ ቤርቶይዳ ማዼቶዋ ዓይሁዶ ዓሳ ዒዛ ጉሙርቂባኣሴ።

³⁸ዬይ ያዺ ማዔሢ ፆኦሲ ማሊፆ ኬኤዛ ዒሲያሴ፦ «ጎዳሢዮ! ኑኡኮ ማርካቶ ዖኦኒ ጎኔኬ ጌዔይ? ፆኦሲ ዎልቃ ሃሣ ዖኦም ጴዼይ?» ጌዒ ኬኤዜ ቃኣላ'' ኩማንዳጉዲኬ።

³⁹ዬያሮ ዔያታ ጉሙርቃኒ ዳንዳዒባኣሴ፤ ዓይጎሮ ጌዔቴ ፆኦሲ ማሊፆ ኬኤዛ ዒሲያሴ፦

⁴⁰«ዔያታ ፔኤኮ ዓኣፖና ዛጊ ሃሣ ዒኖና ጶቂሢ ፆኦሲ ባንሢ ማዒ ዔያታ ዻቁዋጉዲ ዒዚ ዔያቶኮ ዓኣፖ ባይዜኔ፤ ሃሣ ዒኖዋ ዶጪሴኔ» ሂዚ ጌዒ ፃኣፔሢሮኬ።

⁴¹ዒሲያሴ ዬያ ጌዔሢ ሜሲሔኮ ቦንቾ ዛጌሢሮኬ፤ ዬያሮ ሂዚ ጌዒ ዬሱሴ ዛሎ'' ኬኤዜኔ።

⁴²ያዺ ማዔቴያ ዓይሁዶ ዓሶኮ ሱኡጎይዳፓ ሃሣ ሜሌ'' ሚርጌ ዓሲያ ዬሱሴ ጉሙርቄኔ፤ ጋዓንቴ ዓይሁዶ ዓሳ ፔኤኮ ቡኪንቶ ቤዛፓ ዔያቶ ኬሱ''ዋጉዲ ፔርሴ ዓሶ ዒጊጬሢሮ ፔጌና ዔያታ ዬሱሴ ጉሙርቃያ ማዔሢ ዔርዙዋሴ።

⁴³ዬያ ዔያታ ማዼሢ ፆኦሲ ዔያቶ ናሽካሢፓ ባሼ ዓሲና ናሽኪንታኒ ኮዓሢሮኬ።

⁴⁴ዬሱሴ ዒማ''ና ዑኡዞ ዼ'ጊዲ፦ «ታና ጉሙርቃሢ ታና ሌሊቱዋንቴ ታና ዳኬሢያ ጉሙርቃኔ፤

⁴⁵ታና ዛጋሢ ታና ዳኬሢያ ዛጋኔ፤

⁴⁶ታና ጉሙርቃሢ ቢያ ዹሚዳ ናንጉዋጉዲ ታኣኒ ፖዔ ማዒ ሃያ ዓጮ'' ሙኬኔ።

⁴⁷ታኣኮ ቃኣሎ'' ዋይዚ ማዾይዳ ፔኤሹዋኣሢዳ ዎጋንዳሢ ታናቱዋሴ፤ ዓይጎሮ ጌዔቴ ታኣኒ ሙኬሢ ዓጮ'' ዻቂሻኒ ማዓንዳኣፓዓቴም ዓጮ''ይዳ ዎጋኒቱዋሴ።

⁴⁸ታና ኮዑዋኣሢና ታኣኮ ቃኣሎ''ዋ ዔኩዋ ዓሶይዳ ዎጋንዳያ ዓኣኔ፤ ዬይያ፦ ታኣኒ ኬኤዛ ቃኣላ'' ጋፒንፆ ኬሎ''ና ፔኤሮ ዎጋንዳኔ።

⁴⁹ዓይጎሮ ጌዔቶ ታኣኒ ታ ቢታንቶና ኬኤዚባኣሴ፤ ታኣኒ ጋዓ ባኮና ኬኤዛ ዓይሢፆ ታኣም ዒንጌሢ ታና ዳኬ ዓዶኬ።

⁵⁰ዒዛኮ ዓይሢፃ ናንጊና ናንጊ ሼምፖ ዒንጋሢ ታ ዔራኔ። ዬያሮ ታኣኒ ኬኤዛሢ ዓዴ ታኣም ኬኤዜሢኬ» ጌዔኔ።