Read maale ዮሓኒሴ 19 Bible Online

ዮሓኒሴ 19 - maale bible

ዮሓኒሴ 19

²ዒማ''ና ፖኦሊሶንሢ ካኣታ'' ቶኦካ ዓጋ ባኮ ማሊሲ ዓንጊሢ ማራዖ ዬሱሴኮ ቶኦካ'' ዓጌኔ፤ ዞቄ ዲንኪ ዓፒላኣ ዔያታ ዒዛ ማይሴኔ።

³ዬያይዴስካፓ ዔያታ ዒዛ ባንሢ ሙኪ ሙኪ ዒዛ ቦሂሢና፦ «ዓይሁዴ ካኣቲዮ! ኮሹሞ ኔኤም ማዖንጎ!» ጌይ ጌይ ሃሣ ዒዛ ባዒያ ባዔኔ።

⁴ጲላፆሴ ጊንሣ ዙሎ'' ኬስካዖ፦ «ሓይሾ፥ ታ ዓይጎ ዻቢንቲያ ዒዛይዳ ዴንቂባኣሢ ዒንሢ ዔራንዳጉዲ ዒዛ ታ ዒንሢም ኬሳ''ንዳኔ» ዔያቶ ኮራ ጌዔኔ።

⁵ዒማ''ና ዬሱሴ ዬኖ ዓንጊፆ ማሮናዞ ቶኦካ'' ዓጊ፥ ዞቄ ማኣዓሢያ ማይንቲ ዙሎ'' ኬስኬኔ፤ ጲላፆሴ ዓሶም፦ «ዓካሪ ዓሢ ሃይሾ!» ጌዔኔ።

⁶ቄኤሶኮ ሱኡጎና ዔያቶም ዓይሢንቲ ማዻዞንሢና ዬሱሴ ዴንቃዖ፦ «ሱፄ! ሱሱፄ!» ጌይ ጌይ ዒላታዛ፥ ጲላፆሴ ጋዓንቴ፦ «ታኣኒ ታ ዛሎ''ና ዓይጎ ዻቢንቲያ ዒዛይዳ ዴንቂባኣሴ፤ ዒንሢ ኮዔቶ ዒዛ ዔኪ ዓኣዺጋፓ ሱፁዋቴ» ዔያቶም ጌዔኔ።

⁷ዓይሁዶ ዓሳ ዒማ''ና፦ «ኑኡኮ ዎጌ ዓኣኔ፤ ሓይ ዓሢ ፔና ፆኦሲ ናይ ማሄሢሮ ኑ ዎጎ ጎይፆና ሓይቢ ዒዛም ኮይሳኔ» ጌዔኔ።

⁸ዬያ ቢያ ጌኤዞ ዋይዜሢኮ ጊንፃ ጲላፆሴ ሚርጌና ዒጊጬኔ፤

⁹ዒማ''ና ሃሣ ጊንሣ ዒ ጋሮ ጌላዖ ዬሱሴ ኮራ፦ «ኔ ዓንካፓዳይ?» ጌይ ዖኦጫዛ፥ ዬሱሴ ጋዓንቴ ዓይጎዋ ዒዛም ማሂ ኬኤዚባኣሴ።

¹⁰ዬያሮ ጲላፆሴ፦ «ኔ ታኣም ኬኤዙዋይ? ታ ኔና ቡላ''ኒ ሃሣ ሱፃኒያ ቢታንቶ ታኣኮ ዓኣሢ ኔ ዔሩዋዓዳ?» ዒዛ ኮራ ጌዔኔ።

¹¹ዬሱሴ ማሃዖ፦ «ፆኦሲዳፓ ኔኤም ቢታንቶ ዒንጊንቲባኣያ ማዔቶ ታ ዑፆይዳ ኔኤኮ ዓይጎ ቢታንቶዋ ናንጋዓታንቴኬ፤ ኔኤም ዓኣሢ ታና ዒንጌሢኮ ባሼ ጎሜ ማዓንዳኔ» ጌዔኔ።

¹²ዬያ ዬሱሴ ጌስቴ ባኮ ጲላፆሴ ዋይዛዖ ቡሊ'' ዒዛ ሃሻ''ኒ ኮዓዛ፥ ዓይሁዶ ዓሳ ጋዓንቴ፦ «ሓያ ዓሢ ኔ ቡሌ''ቶ ኔኤኒ ሮሜ ዓጮ'' ካኣቲኮ ላጌቱዋሴ፤ ዓይጎሮ ጌዔቴ ፔና ካኣቲ ማሃሢ ቢያ ሮሜ ካኣቲኮ ሞርኬ ማዓያኬ» ጌይ ጌይ ዒላቴኔ።

¹³ጲላፆሴ ዬያ ዋይዛዖ ዬሱሴ ካሮ'' ባንሢ ኬሲ''፦ «ዳልጎ ፓልዒንቴ ሹጫሢ» ጌይንታ ቤዞይዳ ዓኣ፥ ዎጎ ዎጎ ዖይታ ዴዔኔ፤ ዬና ቤዜላ ዔብሬ ዓሶ ሙኡጮና «ጋባታ» ጌይንታኔ።

¹⁴ዬና ኬሌ''ላ ዑሣ ዓኣዺፆ ቦንቾኮ ጊኢጊንቶ ኬሊ'' ማዓዛ፥ ዬማና ዓባ'' ሳዛ ጫርጋያኬ፤ ዒማ''ና ጲላፆሴ ዓይሁዶ ዓሶ ኮራ፦ «ሓይሾ፥ ዒንሢኮ ካኣቲ!» ጌዔኔ።

¹⁵ዔያታ ጋዓንቴ፦ «ባይዜ! ባባይዜ! ሱፄ!» ጌዒ ጌዒ ዒላታዛ፥ ጲላፆሴ ማሃዖ፦ «ዒንሢኮ ካኣቲ ታ ሱፆንዶ?» ዔያቶ ኮራ ጌዔኔ፤ ቄኤሶኮ ሱኡጋ ዒማ''ና፦ «ሮሜ ዓጮ'' ካኣቲዳፓ ዓታዛ ሜሌ'' ካኣቲ ኑኡኮ ባኣሴ» ጌይ ዒዛም ማሄኔ።

¹⁶ዬማ''ና ዬሱሴ ሱፂንታንዳጉዲ ጲላፆሴ ዓኣሢ ዔያቶም ዒንጋዛ፥ ፖኦሊሳ ዬሱሴ ዔኪ ዴንዴኔ።

¹⁷ዬካፓ ዬሱሴ ዒ ሱፂንታንዳ፥ ፑርቲሴ ዓሶ ሱፆ ሚፆ ኬዲ «ቶኦኪ ሜጌሢ ማላ ቤሲ» ጌይንታ ቤዞ ኬስኬኔ፤ ዬና ቤዜላ ዔብሬ ዓሶ ሙኡጮና «ጎልጎታ» ጌይንታኔ።

¹⁸ዬኖ ቤዞይዳ ዔያታ ዒዛና ዎላ'' ላምዖ ዓሲ፤ ፔቴ''ሢ ሻውሎ'' ዛላ'' ፔቴ''ሢ ሚዛቆ ዛላ'' ማሂ ዬሱሴ ባኣካ'' ሱፄኔ።

¹⁹ጲላፆሴ ዒማ''ና፦ «ዓይሁዶ ካኣታ''ሢ፥ ናዚሬቶ ዓጮ'' ዓሢ፥ ዬሱሴ» ጋዓያ ፃኣፒ ፑርቲሴ ዓሶ ሱፆ ሚፆ ዑፃ ጌሤኔ።

²⁰ዬሱሴ ሱፂንቴ ቤዛ ካታሞኮ ዑኬ ማዔሢሮ ሚርጌ ዓይሁዶ ዓሳ ዬኖ ፃኣፒ ጌሦናዞ ናባቤኔ፤ ዬና ፃኣፒንቴሢ ዔብሬ ዓሶ ሙኡጮና ላኣቲኔ ሙኡቺና ሃሣ ጊንሣ ጊሪኬ ሙኡቺናኬ።

²¹ዓይሁዶ ዓሶኮ ቄኤሶ ሱኡጋ ጲላፆሴ ኮራ፦ «ኔኤኒ ‹ዓይሁዴ ካኣቲኬ› ጌይ ፃኣፒፖ፤ ‹ሓይ ዓሢ ታኣኒ ዓይሁዴ ካኣቲኬ ጋዓኔ› ጌይ ፃኣፔ» ጌዔኔ።

²²ጲላፆሴ ጋዓንቴ፦ «ታኣኒ ፃኣፔሢ ማይ ፃኣፒ ሃሼ''ኔ» ጌይ ማሄኔ።

²³ፖኦሊሶንሢ ዬሱሴ ሱፄስካፓ ዖዶዞ ቦንቾ ማኣዓሢ ሌሊ ዓታዛ ዒዛኮ ሃንጎ ዓፒሎ ዔኪ ፔቴ'' ፔቴ'' ፖኦሊሶም ሄላ''ንዳጉዲ ዖይዶ ቤሲ ፓቄኔ፤ ጋዓንቴ ዬና ቦንቾ ዓፒሌላ ጊኢጊሺ ሲኪንቲባኣያ ሎፓ ሉ ሄላ''ንዳኣና ፔቴ'' ማዒ ኮሺ''ንቴ ዓፒላኬ፤

²⁴ዬያሮ ፖኦሊሶንሢ፦ «ዬና ዓፒሌላ ዖኦም ሄላ''ንዳቴያ ዒፃ ኑ ዓጋንዳኔ፤ ኑ ዳዳርዚንዱዋሴ» ዎሊ ኮይላ'' ጌዔኔ። ዬይ ያዺ ማዔሢ፦ «ታኣኮ ዓፒሎ ዔያታ ጊሽቴኔ፤ ታኣኮ ፔቴ'' ማሂ ሲኮና ዓፒሎይዳ ዱማሲ ዔሮ ባኮ ዔያታ ዓጌኔ» ጌይንቴ ማፃኣፖ ቃኣላ'' ኩማንዳጉዲ ፖኦሊሳ ዬኖ ዓጎ ባኮ ዓጌኔ።

²⁵ዬሱሴ ሱፂንቴ፥ ፑርቲሴ ዓሶ ሱፆ ሚፆ ኮይሎ''ይዳ ዒዛኮ ዒንዶና ዒንዶ ጌሮና ቄሌዮጳ ጎዖሢ ማቾ ማይራሞና ሜግዴላ ዓጮ'' ማይራማኣ ዔቂ ዓኣኔ፤

²⁶ዬሱሴ ዒዛኮ ዒንዶና ዒ ናሽካ ዒዛኮ ጊንፆ ሃንታዞንሢ ዒዛ ኮይሎ''ይዳ ዔቂ ዓኣሢ ዛጋዖ ዒንዶ ኮራ፦ «ዒንዴ! ሃይሾ፥ ኔኤኮ ናዓሢ!» ጌዔኔ።

²⁷ዬካፓ ዒዛኮ ጊንፆ ሃንታዞንሢ፦ «ኔኤኮ ዒንዳ ሃናሾ!» ዒዛም ጌዔኔ፤ ዬማፓ ዒዛኮ ጊንፆ ሃንታዞንሢ ማኣሪ ዒዞ ዔኪ ዓኣዼኔ።

²⁸ዬካፓ ዬሱሴ ቢያ ባካ ኩሜሢ ዔራዖ ማፃኣፖይዳ ፃኣፒንቴ ቃኣላ'' ኩማንዳጉዲ «ታና ዼኤቤኔ» ጌዔኔ።

²⁹ዬኖ ቤዞይዳ ፔቴ'' ሶልኪ፥ ጊኢጉዋ ዑሺ ኩንሢ ጌሦና ሜሄ ዓኣኔ፤ ዬያሮ ዒኢካ ዓኣ ዓሳ ዬያ ዑዦይዳ ዓፒላ ቱርጫ ማላ ባኣዚ'' ዓጊ ዎኦሺ ማላ ሚሢና ዔኪ ዻንጎ ባንሢ ዑኪሳዛ፥

³⁰ዬሱሴ ዬኖ ዑዤሎ ፁንፄስካፓ፦ «ዓካሪ ኩሜኔ» ጋዓዖ፥ ቶኦኮ'' ዛላሲ ፔ ሼምፓሢ ዓኣሢ ዒንጌኔ።

³¹ዬያ ባኮኮ ጊንፃፓ ዓይሁዶኮ ዎይሣ ዓሳ ሱፂንቴ ዓሶኮ ዞኦሎ'' ሜንሢ፥ ሱፆና ሚፆይዳፓኣ ዔያቶ ኬይሳንዳጉዲ ጲላፆሴ ኮራ ሺኢቄኔ፤ ዬያ ዔያታ ሂዴሢ ዓይሁዶ ዓሶኮ ሓውሾ ኬሎ''ም ጊኢጊንቲ ኬሊ'' ማዔሢሮ ሃሣ ዬና ኬሌ''ላ ዼኤፒ ቦንቾ ኬሊ'' ማዔሢሮ ዔያቶኮ ሓውሾ ኬሎ''ና ሌዛ ሱፆና ሚፆይዳ ዴዑዋጉዲኬ።

³²ዬያሮ ፖኦሊሶንሢ ዴንዲ ዬሱሴና ዎላ'' ሱፂንቴ ዓሶንሢኮ ዞኦሎ'' ሜንሤኔ፤

³³ዬካፓ ዬሱሴ ባንሢ ዔያታ ሙካዖ ዒዚ ቤርታዺ ሓይቄያ ማዔሢ ዛጊ ዞኦሎ'' ዒዛኮ ዔያታ ሜንሢባኣሴ።

³⁴ጋዓንቴ ፖኦሊሶንሢዳፓ ፔቴ''ስኬይ ዒዛኮ ጎኦቦ'' ዎርሢና ጫርጋዛ ቤዞማና ጎኦባ''ፓ ሱጉሢና ዋኣሢና ኬስኬኔ።

³⁵ዬያ ዛጌሢ ዒንሢ ጉሙርቃንዳጉዲ ማርካዼኔ፤ ማርካታኣ ዬይ ጎኔኬ፤ ዒ ኬኤዜ ባካ ጎኔ ማዔሢ ዒዚ ዔራኔ።

³⁶ዬይ ያዺ ማዔሢ ማፃኣፖይዳ፦ «ዒዛኮ ሜጌፃፓ ፔቴ''ታዖ ሜቃዓኬ» ጌይንቴሢ ኩማንዳጉዲኬ።

³⁷ሃሣ ሜሌ'' ማፃኣፔይዳ፦ «ዒዛ ጫርጌዞንሢ ሃጊ ዒዛ ዛጋንዳኔ» ጋዓኔ።

³⁸ዓይሁዶ ዓሶኮ ዎይሣ ዓሶ ዒጊጪሢና ዬሱሴ ዓሲ ዒ ማዔሢ ዔርዙዋዖ ናንጋ፥ ዓርማቲያሴ ዓጮ'' ዓሢ፥ ዮሴፔ ዬሱሴኮ ሌዞ ዔካኒ ጲላፆሴ ኮራ ሺኢቃዛ፥ ጲላፆሴ ዒዛ ዔኮንጎ ጌዔኔ፤ ዬያሮ ዮሴፔ ዴንዲ ሌዞ ዔኬኔ።

³⁹ሓያኮ ቤርታ ዹሞና ዬሱሴ ኮራ ሙኬ፥ ኒቆዲሞሴ ጎዖሢ ዶንጊታሚ'' ዶሎዜ ማዓንዳ ካርቤ ዋላንጎና ዎላ'' ሲኢሪ ዔኪ ሙኬኔ።

⁴⁰ዬንሢ ላምዖ ዓሶንሢ ዬሱሴኮ ሌዞ ዔኪ ዓይሁዶ ዓሳ ሃይቄ ዓሶ ሱኡዳ ጎይፆ ሳውቃ ቲሺና ቲሽኪ ሻኣዣ ዓፒላና ዒዛ ሱኡዴኔ።

⁴¹ዬሱሴ ሱፂንቴ ቤዞይዳ ፔቴ'' ሚሢ ቱኮ''ና ቤሲ ዓኣኔ፤ ዬኖ ቤዜሎይዳ ዖኦኒያ ዱኡቲባኣ ዓኪ ዱኡፒ ዔቴ ዓኣኔ።

⁴²ዬና ኬላ'' ዓይሁዶ ዓሶኮ ሓውሾ ኬሎ''ም ጊኢጊንቶ ኬሊ'' ማዔሢሮ ሃሣ ጊንሣ ዱኡፖ ቤዛኣ ዑኬ ማዔሢሮ ዬሱሴ ዔያታ ዒኢካ ዱኡኬኔ።