Read maale ዮሓኒሴ 3 Bible Online

ዮሓኒሴ 3 - maale bible

ዮሓኒሴ 3

¹ኒቆዲሞሴ ጌይንታ ፔቴ'' ዓሲ ዓኣኔ፤ ዒዚ ፔርሴ ዓሶ ዛላ''ፓ ማዔያታዖ ዓይሁዶ ዓሶኮ ሱኡጌኬ።

²ዬይ ዓሢ ዹሚና ዬሱሴ ኮራ ሙካዖ፦ «ዔርዛሢዮ! ፆኦሲ ዒዛና ዎላ'' ማዔሢዳፓዓቴም ሓያ ኔኤኒ ማዻ ፆኦሲ ዎልቄና ማዺንታ ዓኮ ባኮ ማዻኒ ዳንዳዓይ ዖኦኒያ ባኣሴ፤ ዬያሮ ኔኤኒ ፆኦሲ ኮራፓ ሙኬ፥ ዔርዛያ ማዔሢ ኑኡኒ ዔራኔ» ጌዔኔ።

³ዬሱሴያ፦ «ጎኔ ታ ኔኤም ጋዓኔ፡ ዓሲ ላሚ ሎፓ ሾይንቲባኣዖ ፆኦሲ ካኣቱሞ ዛጋኒ ዳንዳዑዋሴ» ጌዔኔ።

⁴ኒቆዲሞሴ ማሃዖ፦ «ሂዳዖ ዓሲ ጋርቼስካፓ ጊንሣ ዎይቲ ሾይንታኒ ዳንዳዓይ? ላሚ ዒንዶ ጎጶ ጌሊ ሾይንታኒ ዳንዳዓ?» ጌይ ዖኦጬኔ።

⁵ዬሱሴ ማሃዖ፦ «ጎኔ ታ ኔኤም ጋዓኔ፡ ዓሲ ዋኣሢና ዓያና ጌኤሺናይዳፓ ሾይንቲባኣዖ ፆኦሲ ካኣቱሞይዳ ጌላኒ ዳንዳዑዋሴ።

⁶ዓሲዳፓ ሾይንቴሢ ዓሲኬ፤ ዓያናይዳፓ ሾይንቴሢ ዓያናኬ።

⁷ዬያሮ ‹ላሚ ሾይንታንዳያ ዒንሢም ኮይሳኔ› ታ ኔኤም ጌዔሢሮ ዲቃቲ ሄርሺፖ።

⁸ዢባሬ ኮዔ ዛላ ዢባርሻኔ፤ ዑኡዞ ኔ ዋይዛኔ፤ ጋዓንቴ ዓንካፓ ሙካቴ ሃሣ ዓንኮ ዓኣዻቴያ ኔ ዔሩዋሴ፤ ዓያናፓ ሾይንታሢ ቢያ ዬያጉዲኬ» ጌዔኔ።

⁹ኒቆዲሞሴ፦ «ዬይ ዎይቲ ማዓኒ ዳንዳዓይ?» ጌይ ዒዛ ዖኦጬኔ።

¹⁰ዬሱሴ ዒዛም፦ «ኔኤኒ ዒስራዔኤሌ ዓሶ ዔርዛሢ ማዓዖ ዬያ ኔ ዔሩዋዓዳ?

¹¹ጎኔ ታ ኔኤም ጋዓኔ፡ ኑ ዔራ ባኮ ኬኤዛኔ፤ ኑ ዛጌ ባኮዋ ኑ ማርካዻኔ፤ ዒንሢ ጋዓንቴ ኑኡኮ ማርካዺፆ ዔኩዋሴ።

¹²ሳዓ ዓኣ ባኣዚ'' ታ ዒንሢም ኬኤዛኣና ዒንሢ ጉሙርቁዋያ ማዔቴ ጫሪንቺ ባኣዚ'' ታ ዒንሢም ኬኤዜም ዎይቲ ዒንሢ ጉሙርቃንዳይ?

¹³ጫሪንጫፓ ኬዴ''[2] ዓሲ ናዓሢዳፓ ዓታዛ ሌካ ጫሪንጮ ኬስኬይ ዖኦኒያ ባኣሴ።

¹⁴«ዓሲ ናንጉዋ ዳውሎ''ይዳ ሙሴ ሾኦዦ ሚፆና ዼ'ጊዲ ዓርቄሢጉዲ ዓሲኮ ናዓሢ ሱፂንታንዳያ ኮይሳኔ።

¹⁵ዓይጎሮ ጌዔቴ ዒዛ ጉሙርቂ ጎናሲ ዔኬዞንሢ ቢያ ናንጊና ናንጊ ዴንቃንዳጉዲኬ» ጌዔኔ።

¹⁶ሓሣ ዬሱሴ፦ «ፆኦሲ ዓጮ'' ሚርጌ ናሽኬሢሮ ፔኤኮ ፔቴ'' ናዓሢ ዒንጌኔ፤ ዬያሮ ዒዛኮ ናዓሢ ጉሙርቃሢ ቢያ ናንጊና ናንጋያ ማዓንዳኣፓዓቴም ባይቃዓኬ።

¹⁷ፆኦሲ ፔኤኮ ናዖ ዓጮ'' ባንሢ ዳኬሢ' ዓጫ'' ዒዛ ናዖና ዻቃንዳጉዲ ማዓንዳፓዓቴም ዓጮ'' ዒ ፑርታና ዎጋንዳጉዲቱዋሴ።

¹⁸«ዒዛ ጉሙርቂ ጎናሲ ዔኬይ ፑርታና ዎጊንታዓኬ፤ ዒዛ ጉሙርቂ ዔኩዋኣሢ ጋዓንቴ ፆኦሲ ናዓሢ ጉሙርቂ ዔኪባኣሢሮ ሓሢ ዓኣንቴ ፑርታና ዎጊንቴያኬ።

¹⁹ፖዒ ዓጮ'' ሙኬኔ፤ ዓሳ ጋዓንቴ ዔያቶኮ ማዻ'' ፑርታ ማዔሢሮ ፖዒዳፓ ባሼ ዹሚ ናሽኬኔ፤ ዎጊንቴ ፑርቶ ዎጋኣ ዬያኬ።

²⁰ፑርታ ባኣዚ'' ማዻሢ ቢያ ፖዒ ዒፃኔ፤ ፔኤኮ ፑርቶ ማዻ'' ዔርቱዋጉዲ ፖዖ ባንሢ ሙካኒ ኮውዋሴ።

²¹ጎኔ ማዔ ባኣዚ'' ማዻሢ ጋዓንቴ ሃንጋ ፖዒ ባንሢ ሙካኔ፤ ሃንጋ ፖዖ ባንሢ ዒ ሙካሢ ፆኦሲ ዓይሢፆ ጎይፆ ማዺንቴ ዒዛኮ ማዻ ዔርታንዳጉዲኬ» ጌዔኔ።

²²ዬካፓ ዬሱሴ ዒዛኮ ጊንፆ ሓንታ ናኣቶ''ና ዎላ'' ዪሁዳ ዓጮ'' ዓኣዺ ዒኢካ ዔያታ ዋኣፆና ዓሶ ማስኪ ማስኪ ዻካ'' ኬሊ'' ዴዔኔ።

²³ሳላሜ ጌይንታ ዓጮ'' ኮይሎ''ይዳ ሄኖኔ ጎዖ ቤዛ ሜርጌ ዋኣሢ ዓኣሢሮ ዮሓኒሴ ዋኣፆና ዓሶ ማስካኔ፤ ዓሳኣ ዒዛ ባንሢ ዓኣዺ ዓኣዺ ዋኣፆና ማስታኔ።

²⁴ዬማና ዮሓኒሴ ሓጊ ቱኡዞ ማኣራ ቱኡቲባኣሴ።

²⁵ዒዛኮ ጊንፆ ሃንታዞንሢና ፔቴ'' ዓይሁዴ ዓሲስኬያና[3] ባኣካ'' ዑፆ ጌኤሺፆ ካኣዦ ዛሎ'' ማርማ ዔቄኔ።

²⁶ዮሓኒሴኮ ጊንፆ ሃንታዞንሢ ዮሓኒሴ ኮራ ሙካዖ፦ «ዔርዛሢዮ! ዬይ ዮርዳኖሴ ዎሮ ሱኮይዳ ኔኤና ዎላ'' ዓኣሢ፥ ኔኤኒ ዒዛ ዛሎ'' ማርካዼሢ፥ ሓይሾ ዒዚያ ዋኣሢና ማስካኔ፤ ዓሳ ቢያ ሴካ ዒዛ ባንሢ ዓኣዻኔ» ጌዔኔ።

²⁷ዮሓኒሴ ማሃዖ፦ «ዓይጎ ዓሲታቶዋ ፆኦሲ ዒዛም ዒንጊባኣታቴ ዓይጎ ባኣዚ''ያ ዒዛኮ ዓኣያ ማዓኒ ዳንዳዑዋሴ፤

²⁸‹ዒዛኮ ቤርታ ታ ዳኪንቴያፓዓቴም ታኣኒ ሜሲሔቱዋሴ› ጌዒ ታ ዒንሢም ኬኤዜሢኮ ዒ'ንሢ ዒንሢ ቶኦኪና ታኣኮ ማርካኬ።

²⁹ዑኡቴላ ዑኡታሢሮኬ፤ ዑኡታሢኮ ዔርጎና ዓሢ ጋዓንቴ ዑኡታሢኮ ዓጫ ዔቂ፥ ዑኡታሢ ዑኡዞ ዋይዛኣና ዎዛዻኔ፤ ዬያጉዲ ታኣኮዋ ዎዛ'' ሃሢ ጎኔ ዎዛ'' ማዔኔ።

³⁰ዒዚ ዼ'ጊ ዼ'ግ ጌዔም፥ ታኣኒ ሂርኪ ሂርኪ ጋዓንዳያ ኮይሳኔ» ጌዔኔ።

³¹ዮሓኒሴ ሓሣ፦ «ዑፃፓ ሙካሢ ቢያኮ ዑሣኬ፤ ሳዓፓ ማዔሢ ሳዓ ዓሲኬ፤ ሳዓ ባኣዚ'' ዒ ኬኤዛኔ፤ ጫሪንጫፓ ሙካሢ ቢያኮ ዑፃኣኬ።

³²ዒዚ ዛጌሢና ዋይዜሢ ማርካዻኔ፤ ጋዓንቴ ዒዛኮ ማርካዺፆ ዔካይ ባኣሴ፤

³³ዒዛኮ ማርካዺፆ ዔካሢ ጋዓንቴ ፆኦሲ ጎኔ ማዔሢ ጌኤሺ'' ዔሬኔ።

³⁴ፆኦሲ ዳኬሢ' ፆኦሲ ቃኣላ ኬኤዛኔ፤ ፆኦሲያ ፔኤኮ ዓያኖ ሚርጌና ዒዛም ዒንጋኔ።

³⁵ዓዴ፡ ፔኤኮ ናዓሢ ናሽካኔ፤ ቢያ ባኮ ዒዛ ኩጫ ዒንጌኔ።

³⁶ናዓሢ ጉሙርቂ ዔካሢኮ ናንጊና ናንጊ ዓኣኔ፤ ናዓሢ ጉሙርቂ ዔኩዋኣሢ ጋዓንቴ ፆኦሲ ዒንጋ ሜቶ''ይዳ ናንጋንዳኣፓዓቴም ኮሺ ናንጊ ዴንቃዓኬ» ጌዔኔ።