Read maale ፆኦሲ ማዾ''ም ዳኪንቴዞንሢኮ ማዾ'' 20 Bible Online

ፆኦሲ ማዾ''ም ዳኪንቴዞንሢኮ ማዾ'' 20 - maale bible

ፆኦሲ ማዾ''ም ዳኪንቴዞንሢኮ ማዾ'' 20

¹ዣላሢ ዚቲ ጌዔስካፓ ጳውሎሴ ኪሪስቶሴ ጉሙርቃ ዓሶ ፔቴ''ይዳ ዔኤሊ''ሲ ዞሮ ቃኣላና ዶዲሺ፦ «ኮሺ ዴዑዋቴ» ጌዒ ሜቄዶኒያ ዓኣዼኔ።

²ዒዚ ጊዴና ዓኣዻ ቤዞይዳ ዓኣ ኪሪስቶሴ ጉሙርቃ ዓሶ ሚርጌና ዞሪ ዶዲሺ ዶዲሺ ጊሪኬ ዓጮ'' ዓኣዼኔ።

³ዒኢካ ዒዚ ሓይሦ ዓጊኒ ዴዒ፥ ዬካፓ ዋኣፆ ካኣሚሎና ሶኦሪያ ዓጮ'' ዓኣዻኒ ማሌኔ፤ ጋዓንቴ ዓይሁዶ ዓሳ ዒዛይዳ ፑርታ ማሊሢ ማሌሢ ዒ ዔሬ ዎዶ''ና ሜቄዶኒያ ዓጮ'' ጊዴና ዓኣዻኒ ጌዔኔ።

⁴ጳፂሮሴ ናኣዚ'' ሱሲ ጎዖሢ ቤኤሪያይዳፓ፥ ዓሪስፂሮኮሴና ሲኮንዶሴና ቴስሎንቄይዳፓ፥ ጋይዮሴ ዴርቤይዳፓ፥ ቲኪቆሴና ፂሮፒሞሴና ዒሲያ ዓጫ''ፓ፤ ሓሣ ፂሞቴዎሴያ ዒዛና ዎላ'' ዓኣዼኔ።

⁵ዔያታ ቤርታዺ፥ ቢሪ ዓኣዺ ፂሮዓዳይዳ ኑና ካፔኔ።

⁶ኑኡኒ ጋዓንቴ ላኣዶ ሙዒ ቦንቾ ኬሎ''ኮ ጊንፃ ፒልጲሲዮሴይዳፓ ዋኣፆ ካኣሚሎና ዶንጎ ኬሊ'' ሓንቲ፥ ዔያታ ዓኣ ቤዞ ፂሮዓዳ ሄሊ'' ዒኢካ ላንካይ ኬሊ'' ኑ ዴዔኔ።

⁷ቂዳሜ ዋንቴ ዉዴ ባንሢ ካራኒ ዑካኣና[9] ካሣ ሙዓኒ ሓሣ ጎዳ ካዋሢያ ሙዓኒ ፔቴ''ይዳ ኑ ቡኪንቴኔ፤ ጳውሎሴ ዚሮ ጉቴ''ሎ ዓኣዻኒ ጌዔያ ማዔሢሮ ቡኪንቴ ዓሶም ሓይሴ ኬኤዛዖ፥ ሃይሶ ሳዖኮ ዴንዲ ጊዲሚሺ ሄላ''ንዳኣና ዖዶሲ ጌስቴኔ።

⁸ኑኡኒ ቡኪንቴ፥ ኩቦጉዲ ዎሊ ዑፃ ዑፃ ማዢንቴ ማኣሮይዳ ሚርጌ ፖዒ ዓኣኔ።

⁹ዔውፂኮሴ ጌይንታ ፔቴ'' ዼጌስኬያ ኬኤፆኮ ፑልቶ ካራ'' ዴዒ ዓኣንቴ ጳውሎሴ ጌኤዞ ዖዶሴሢሮ ዼጌ ናዓሢ ጊንዓ ዓርቃዛ ጊንዒቤቃ ጊንዓሢ ባሼም ዎሊኮ ዑፃ ዑፃ ማዦና ማኣሮኮ ሓይሣሳሢዳፓ ኬዲ'' ሎኦሜኔ፤ ዬካፓ ዓሳ ዔቂሳኣና ናማ ሃይቄያኬ።

¹⁰ጋዓንቴ ጳውሎሴ ሎፓ ኬዲ'' ሂርኪ ጌይ፥ ናማ ኮንቂ ዓርቃዖ፦ «ናማ ሼምፔና ዓኣኔ፤ ዲቃቲፖቴ» ጌዔኔ።

¹¹ዬካፓ ጳውሎሴ ጊንሣ ዑፆ ኩቦ ማኣሮ ኬስኪ፥ ጎዳ ካዋሢና ካሦና ኪሪስቶሴ ጉሙርቃ ዓሶና ዎላ'' ሙዔኔ። ሳዓ ካራንዳያ ሄላ''ንዳኣና ዓሶና ዎላ'' ጌስታዖ ዴንዴኔ።

¹²ዓሳ ሓይቄዖ ዻቄ፥ ዼጌ ናዓሢ ማኣሪ ዔኪ ዓኣዼኔ፤ ሓሣ ኮሺ''ያ ዶዴኔ።

¹³ኑኡኒ ጳውሎሴ ዔኪ ዓኣዻኒ ማሌሢሮ ቤርታዺ ዋኣፆ ካኣሚሎና ዓሶሳ ኑ ዴንዴኔ፤ ዬያ ኑ ማዼሢ' ጳውሎሴ ዓሶሳ ዴንዲ ሄላ''ንዳኣና ቶኪና ዓኣዻኒ ኮዔሢሮና ሓሣ ኑ ዬያይዳንዳጉዲ ኑና ዒ ዓይሤሢሮኬ።

¹⁴ዬካፓ ዒዛና ኑ ዓሶሳይዳ ካኣማዖ፥ ዋኣፆ ካኣሚሎ ዒዛ ቶጊሲ ዔኪ ሚሊፂ ዓጮ'' ዎላ'' ኑ ዓኣዼኔ።

¹⁵ዬካፓ ዚሮ ጉቴሎ ዔቂ ኪዮሴ ጌይንታ ዓጮ''ኮ ቤርቶ ዛላ'' ዓኣ ቤዞ ኑ ሄሌኔ፤ ላማሳ ኬሎ'' ሳሞኔ ፒንቃዖ ጉቴና ሚሊፂ ኑ ሄሌ''ኔ።

¹⁶ጳውሎሴ ዒሲያይዳ ዎዶ'' ጉሪ ኩርሱዋጉዲ ጌዒ ዔፕሶኔ ዓጮ''ኮ ኮርሳ ዓኣዻኒ ኮዔኔ፤ ዓይጎሮ ጌዔቶ ዓይሁዶ ዓሶኮ ጴንፄቆስፄ ጌይንታ ቦንቾ ኬሎ'' ዎይቴቴያ ዬሩሳላሜ ሄላ''ኒ ዒ ማሌሢሮኬ።

¹⁷ጳውሎሴ ሚሊፂዳፓ ዔፕሶኔ ኪኢታ ዳኪ፥ ሺኢጲፆ ማኣሮኮ ጪሞ ዔኤሊ''ሴኔ፤

¹⁸ዬካፓ ዔያታ ዒዛ ኮራ ሙካዛ ዒዚ ዔያቶም ኬኤዛዖ፦ «ዒሲያ ዓጮ'' ታ ጌሌ ኬላ''ፓ ዓርቂ ቢያ ኬሊ'' ዒንሢና ዎላ'' ታኣኒ ዎይቲ ናንጌያታቴያ ዒንሢ ዔራኔ፤

¹⁹ዓይሁዶ ዓሳ ታ ጊዳ'' ፑርቶ ማዻ ዛሎ''ና ሜታ ታና ሄሌ''ታቴያ ጉቤ ዒናፓ ማዔ ሼሌዑሞና ሓሣ ሚርጌ ዓቢሢና ታ ጎዳሢም ታ ማዼኔ።

²⁰ዓሳ ቡካ ቤዞይዳ ማዖም ዒንሢኮ ማኣራ ማኣራ ታ ዒንሢ ዔርዛ ዎዶ''ና ዒንሢም ኮይሳ ባኣዚ'' ቢያ ታ ኬኤዜኔ፤ ፔቴ''ታዖ ዓይሴ ባኣዚ'' ባኣሴ።

²¹ዓይሁዶ ዓሶ ማዔቶዋ ዓይሁዴ ማዒባኣ ዓሳ ጎሞ ቡኡፂ ፆኦሲ ባንሢ ሙካንዳጉዲና ሓሣ ጎዳ ዬሱስ ኪሪስቶሴ ጉሙርቃንዳጉዲ ዔያቶም ታ ላቴኔ።

²²ሓሢያ ታ ዒኢካ ሄላ''ዛ ታ ጊዳ'' ዓይጌ ማዺንታንዳቴያ ታ ዔሩዋዖ፥ ዓያና ጌኤሺም ዓይሢንቲ ዬሩሳላሜ ታ ዓኣዻኔ።

²³ጋዓንቴ ታ ዔራሢ' ታኣኒ ዴንዳ ካታሞይዳ ቢያ ቱኡሲና ሜቶና ታና ሄላ''ንዳሢ ዓያና ጌኤሺ ታኣም ላቲ ኬኤዜማ ሌሊኬ።

²⁴ታኣኒ ጋዓንቴ ታኣኮ ማዾ'' ኩንሤንቴ ሓሣ ጎዳ ዬሱሴ ታኣም ዒንጌ ማዾ'' ታ ማዼንቴ ሓይቄቴያ ሜታ ባኣሴ፤ ታኣኮ ማዻ'' ፆኦሲ ፔ ኮሹሞና ታኣም ዒንጌ ኮዦ ሓይሶ ኬኤዚሢኬ።

²⁵«ሃኖ'' ሄላ''ንዳኣና ዒንሢ ቢያሢ ባኣካ'' ታ ሃንቲ ሃንቲ ፆኦሲኮ ካኣቱሞ ዛሎ'' ኬኤዜኔ፤ ሓይካፓ ሴካ ጋዓንቴ ዒንሢዳፓ ፔቴ'' ዓሲታዖ ታኣኮ ዓኣፖ ካሮ'' ማሊ ዛጊንዱዋኣሢ ታ ዔራኔ።

²⁶ዓካሪ ዒንሢዳፓ ፔቴ'' ዓሲታዖ ባይቄቶ ታና ዖኦጪሳ ባኣዚ'' ባኣያ ማዔሢ ሓኖ'' ታ ዒንሢም ኬኤዛኔ።

²⁷ዓይጎሮ ጌዔቶ ፆኦሲኮ ማሊፆ ቢያ ዒንሢም ታ ኬኤዜያፓዓቴም ፔቴ''ታዖ ታ ዓይሴ ባኣዚ'' ባኣሴ።

²⁸ዓያኖ ጌኤዣ ቆልሞኮ ሄንቃ ዓሲ ማሂ ዒንሢ ዶኦሬኔ፤ ዓካሪ ዒ'ንሢ ቶኦኮ''ና ዒንሢ ሄንቃ ቆልሞ ዛሎ''ናሮ ዒንሢ ኮሺ'' ዔሩዋቴ፤ ጎዳ ፔ ሱጉፆና ሻንቂ ፔኤም ማሄ፥ ሺኢጲፆ ማኣሮ ዓሶ ሄንቁዋቴ።

²⁹ታኣኒ ዓኣዼስካፓ ቆልሞም ሚጪንቱዋያ፥ ያኣዮጉዴ ዓሲ ዒንሢ ባኣኮ'' ጌላንዳሢ ታ ዔራኔ።

³⁰ዬያጉዲ ሓሣ ዒንሢ ባኣካ''ፓ ፔቴ'' ፔቴ'' ዓሲ ዔቂ ኪሪስቶሴ ጉሙርቃ ሚርጌ ዓሶ ፔ ባንሢ ማሃኒ ዎቦ ማዔ ዔርዚሢ ዔርዛንዳኔ።

³¹ዬያሮ ዒንሢ ፔቴ'' ፔቴ''ሢ ታኣኒ ሓይሦ ሌዔ ዋንቴና ሮኦሪና ዓቢሢና ዬኤኪ ዬኤኪ ዞሬያ ማዔሢ ጶቂሢ ጶቂሢ ዶዱዋቴ።

³²«ሓሢ ታኣኒ ፆኦሲ ዒንሢ ካፓንዳጉዲ ዒዛም ዓኣሢ ዒንጋኔ፤ ዒንሢ ፆኦሲኮ ዼኤፖ ኮሹሞ ዛሎ'' ኬኤዛ፥ ኪኢቶ'' ጶቂሡዋቴ፤ ዬይ ኪኢታ'' ዒንሢ ማኣዳ''ንዳኔ፤ ሓሣ ፆኦሲ ዓሶ ማዒፆና ዒንሢሮ ማዔ ባኮ ዒንሢም ዒንጋንዳኔ።

³³ታኣኒ ዖኦኮ ቢራኣ ማዖም ዎርቄ፤ ሓሣ ማኣዖዋ ዛጊ ሱኡካዺባኣሴ።

³⁴ታ ኩቺና ማዺ ማዺ ታናንታ ታ ላጎንታ ታኣኒ ማኣዴ''ሢ ዒንሢ ዒንሢ ቶኦኪና ዔራኔ።

³⁵‹ዔዔካያይዳፓ ባሼ ዒንጋያ ዓንጂንቴያኬ› ጋዓ፥ ጎዳ ዬሱሴኮ ቃኣሎ'' ጶቂሢ ጶቂሢ ኑ ኩቻ ኑ ማዺ ማዺ ላቢንቴ ዓሶ ማኣዳ''ንዳያ ኮይሳሢ ሚርጌ ጎይሢና ታ ዒንሢ ዻዌኔ» ጌዔኔ።

³⁶ዬካፓ ጳውሎሴ ቢያሢና ዎላ'' ጉምዓቲ ፆኦሲ ሺኢቄኔ፤

³⁷ዒማ''ና ቢያሢ ዬኤካዖ፥ ጳውሎሴ ኮንቂ ኮንቂ ሄርቄኔ።

³⁸ፔቶ ዔያቶ ኮሺ'' ዖዪሴዛ፦ «ሓካፓ ሴካ ታኣኮ ዒንሢ ዓኣፖ ካሮ'' ዛጊንዱዋሴ» ዒዚ ጌዔዞኬ። ዬካፓ ዴንዲ ዋኣፆ ካኣሚሎ ሄላ''ንዳኣና ዒዛ ዔያታ ጎይሣ ዓኣሤኔ።