Read maale ቆሮንቶሴ ዓሶም 1 10 Bible Online

ቆሮንቶሴ ዓሶም 1 10 - maale bible

ቆሮንቶሴ ዓሶም 1 10

¹ታ ዒሾንሦ! ታ ሚሾንሦ! ኑ ዓዶንሢኮ ሻኣራ ዑፃ ሺቤም ዔያታ ዓኣዼሢና ዞቄ ባዞ''ና ዔያታ ፒንቄሢ ታ ዒንሢም ጶቂሣኒ ኮዓኔ።

²ዔያታ ሙሴና ዎላ'' ፔቴ'' ማዓኒ ዬያ ሻኣሮና ባዞ'' ዋኣፆናይዳ ማስቴኔ።[3]

³ዔያታ ቢያሢ ፔቴ'' ዓያና ሙኡዚ'' ሙዔኔ።

⁴ቢያሢ ሃሣ ፔቴ'' ዓያና ዑሺ ዑሽኬኔ፤ ዬይ ዔያታ ዑሽኬሢ' ዔያቶና ዎላ'' ዓኣዻ ዓያኖ ላላሢዳፓኬ፤ ዬይ ላላሢ ፔ ቶኦኪና ኪሪስቶሴኬ።

⁵ያዺ ማዔቴያ ፆኦሲ ዔያቶኮ ሚርጌሢና ዎዛዺባኣሢሮ ሌዛ ዔያቶኮ ዓሲ ናንጉዋ ዳውሎ''ይዳ ኬኤሪንቲ ዓቴ''ኔ።

⁶ዔያታ ፑርታ ባኣዚ'' ሱኡካዼሢጉዲ ኑኡኒያ ፑርታ ባኣዚ'' ሱኡካዹዋጉዲ ዬይ ኑም «ዒንሢና ዔሩዋቴ» ጋዓ ላቲሢ ኮኦኪንሢ ማዔኔ።

⁷«ዓሳ ሙዒ፥ ዑሽካኒ ዴዔኔ፤ ኮርጋኒያ ዔቄኔ[4]» ጌይንቲ ፃኣፒንቴሢጉዲ ሃሣ ዔያታ ሜሌ'' ካኣሽኮ ባኣዚ'' ካኣሽኬ ጎይፆ ዒንሢያ ዔያቶጉዲ ሜሌ'' ካኣሽኮ ባኣዚ'' ካኣሽኪፖቴ።

⁸ዔያቶይዳፓ ፔቴ'' ፔቴ'' ዓሳ ማቾ ሃሣ ዓኒ ማዒባኣያና ላሂ፥ ጎሜ ማዼሢጉዲ ኑኡኒያ ዓኒ ሃሣ ማቾ ማዒባኣያና ላሂባኣቴ ኮሺኬ፤ ዓይጎሮ ጌዔቴ ዔያታ ዬያ ማዼሢሮ ዔያቶይዳፓ ላማታሚ'' ሃይሦ ሺያ ዓሲ ፔቴ'' ኬሊ''ና ሃይቄኔ።

⁹ሃሣ ዔያቶኮ ፔቴ'' ፔቴ'' ዓሳ ጎዳ[5] «ዒ ዎይታቴያ ኑ ዛጎም» ጌዒ ሾኦዦና ዻይንቲ ሃይቄሢጉዲ ኑኡኒያ ያዺ ማዺባኣቴ ኮሺኬ።

¹⁰ዔያቶይዳፓ ፔቴ'' ፔቴ'' ዓሳ ዾንኪ፥ ጉንዱሜም ፆኦሲ ዳኬ ዎዻ ኪኢታንቻሢ ዔያቶ ዎዺ ባይዜሢጉዲ ዒንሢያ ያዺ ማዒባኣቴ ቃራኬ።

¹¹ዬይ ቢያ ባካ ዔያቶ ሄሌ''ሢ ኑም ኮኦኪንሢ ማዓንዳጉዲኬ፤ ሃሣ ፃኣፒንቴሢያ ዎዶ''ኮ ጋፒንፆይዳ ዓኣ፥ ኑም «ዒንሢና ዔሩዋቴ» ጋዓ ላቲሢምኬ።

¹²ዬያሮ «ጉሙርቂፆና ታ ዶዲ ዓኣኔ» ጋዓሢ ሎኦሙዋጉዲ ፔና ኮሺ'' ዔሮንጎ።

¹³ዓሲ ሜሌ''ይዳ ሄሊ''ባኣ፥ ፆኦሲ ዛጋኒ ዳካ ሜታ ዒንሢ ሄሊ''ባኣሴ፤ ፆኦሲ ጉሙርቂንታያታሢሮ ዒንሢ ዳንዳዓንዳሢኮ ዑሣ ዓኣዼ ዒንሢ ሜታዻንዳጉዲ ዒ ኮዑዋሴ፤ ዒንሢም ሜታሢ ዒንጊ ዒንሢ ዛጎ ዎዶ''ና ዳንዳዓንዳጉዲ ዎልቄ ዒንጊ፥ ዒንሢ ኬስካንዳ ጎይሢያ ዒንሢም ዒ ጊኢጊሻኔ።

¹⁴ዓካሪ ዒጊኖንሢዮቴ! ሜሌ'' ካኣሽኮ ባኮ ካኣሽኪፖቴ።

¹⁵ዬያ ታ ዒንሢም ጋዓሢ ዒንሢ ዔራ ዓሲ ማዔሢሮኬ፤ ሂንዳ ታ ኬኤዛ ባኮ ዒንሢ ዒንሢሮ ዎጉዋቴ።

¹⁶ፆኦሲ ሺኢቂ ኑኡኒ ዑሽካ ባካ ኪሪስቶሴ ሱጉፆና ፔቱሞ ዓኣያቱዋዓዳ? ሃሣ ኑኡኒ ዎላ'' ዔካ ካፃ ኪሪስቶሴና ዎላ'' ፔቴ''ቱዋዓዳ?

¹⁷ኑ ሙዓሢ ፔቴ'' ካሣ ሌሊታሢሮ ዎዚ ኑ ሚርጌታቴያ ፔቴ'' ዑሢኬ።

¹⁸ሂንዳ ዒስራዔኤሌ ዴራ'' ማዼ ባኮ ማሉዋቴ፤ ፆኦሲም ዒንጎና ባኮ ሙዓዞንሢና ሹጮና ኮሾ''ና ዒንጎ ቤዞናኮ ፔቱሞ ባኣዓዳ?

¹⁹ሂዳዖ ሜሌ'' ካኣሽኮ ባኮም ሹኪንቴ ቆልሞ ዓሽኮና ሃሣ ካኣሽኮ ባካኣ ዔኤቢኬ ታ ጋዓኔ ጌይሢዳ?

²⁰ያዺቱዋሴ፤ ፆኦሲ ዔሩዋ ዓሳ ቆልሞ ሹካሢ ፆኦሲምቱዋንቴ ፑርቶ ዓያኖምኬ፤ ዬያሮ ዒንሢ ፑርቶ ዓያኖና ዎላ'' ፔቴ'' ማዓንዳጉዲ ታ ኮዑዋሴ።

²¹ጎዳ ባኮ ዑሽኪ ዑሽኪ ሃሣ ፑርቶ ዓያኖ ባኮዋ ዒንሢ ዑሽካኒ ዳንዳዑዋሴ፤ ዬያጉዲ ሃሣ ጎዳ ባኮ ሙዒ ሙዒ ፑርቶ ዓያኖ ባኮዋ ዒንሢ ሙዓኒ ዳንዳዑዋሴ።

²²ዓካሪ ኑኡኒ ጎዳ ባኮ ሃሺ''ፆና ዒዛ ዻጋሶንዶ? ኑ ዒዛይዳፓ ባሼ ዶዲኬ ጌይሢዳ?

²³«ቢያ ባኣዚ'' ማዻንዳጉዲ ዓይሢንቴያኬ» ጋዓንቴ ቢያ ባካ ማኣዳ''ያቱዋሴ፤ «ቢያ ባካ ማዻንዳጉዲ ዓይሢንቴያኬ» ጋዓንቴ ቢያ ባካ ኮሻ''ያቱዋሴ።

²⁴ፔቴ'' ፔቴ''ሢ ሜሌ''ሢም ማዓ ባኮዋ ማላንዳኣፓዓቴም ፔኤም ማዓ ባኣዚ'' ሌሊ ዛጎፓ።

²⁵ዒኔና ማሊ ሂርጉዋዖ፥ ቦኦካይዳ ሻንቺንታ ዓሽኮ ዚቲ ጋዓዖ ሙዑዋቴ፤

²⁶ዓይጎሮ ጌዔቴ፦ «ሳዖና ጋሮይዳ ዓኣ ባካ ቢያ ጎዳሮኬ» ጌይንቲ ፃኣፒንቴኔ።

²⁷ኪሪስቶሴ ጉሙርቁዋ ዓሲ ሙኡዚ'' ሙዖም ዒንሢ ዔኤሌ''ያ ማዔም ዒንሢ ዓኣዻኒ ኮዔቴ ዒኔና ማሊ ሂርጉዋዖ ዚቲ ጌይ ዒንሢም ዒንጊንቴ ዓይጎ ሙኡዚ''ታቴያ ቢያ ሙዑዋቴ።

²⁸ጋዓንቴ ፔቴ'' ዓሲ፦ «ሃይ ዓሽካ ሜሌ'' ካኣሽኮ ባኣዚ''ም ሹኪንቴያኬ» ዒንሢም ጌዔቴ፥ ዬያ ኬኤዜ ዓሢንታ ዒኔ ቆፂ ማላ ማሊፆንታሮ ጌዒጋፓ ዬያ ሙዒፖቴ።

²⁹ማሊፆ ታ ጌዔሢ ዓሢ ማሊፆሮ ጌይሢ ማዓንዳኣፓዓቴም ዒንሢሲቱዋሴ፤ ዓካሪ ሜሌ'' ዓሲ ማሊሢ ዛላ ጌዒ ዎይቲ ታና ላኣጊንታይ?

³⁰ታኣኒ ፆኦሲ ጋላቲ ጋላቲ ሙዔቴ ፆኦሲ ታ ጋላቲ ሙዔ ባኮና ዎይቲ ታ «ዻቤኔ» ጌይንታይ?

³¹ዓካሪ ሙዓቶዋ፥ ዑሽካቶዋ ዓይጎ ባኣዚ''ያ ማዻቴ ቢያ ባኣዚ'' ፆኦሲ ቦንቾም ማዹዋቴ።

³²ዓይሁዶ ዓሶም ማዔቴያ ዓይሁዶ ማዒባኣ፥ ጊሪኮ ዓሶም ሃሣ ኪሪስቶሴ ጉሙርቃ ዓሶማኣ ዹቆ ማዒፖቴ።

³³ታኣኒ ቢያሢ ዻቃንዳጉዲ ሜሌ'' ዓሶም ኮይሳ ባኮ ማዓንዳኣፓዓቴም ታኣም ኮይሳ ባኮ ኮውዋዖ ቢያ ዓሲ፥ ቢያ ባኣዚ''ና ታ ዎዛሳሢጉዲ ዒንሢያ ዬያይዱዋቴ።