Read maale ቆሮንቶሴ ዓሶም 1 16 Bible Online

ቆሮንቶሴ ዓሶም 1 16 - maale bible

ቆሮንቶሴ ዓሶም 1 16

¹ኪሪስቶሴ ጉሙርቃ ዓሶም ኬሲ''ንታ ሚኢሾ ዛሎ''ኮ ጋላቲያ ዓጫ'' ዓኣ፥ ኪሪስቶሴ ጉሙርቃ ዓሶም ታ ዓይሤ ጎይፆ፥ ዒንሢያ ያዺ ማዹዋቴ።

²ታኣኒ ሙኬም ዒንሢ ሚኢሾ ኬሱ''ዋጉዲ፤ ቃልሾ ኬሎ'' ጋራ ቢያ ዉዴ ዉዴ ፔቴ'' ፔቴ''ሢ ሚኢሾ ዴንቃ ጎይፆ ሚኢሻፓ ፔኤኮ ዱማሲ ኬሲ'' ኬሲ'' ጌሦንጎ።

³ታኣኒ ዒንሢ ኮይላ'' ሙካዖ ዒንሢ ዶኦራንዳ ዓሳ፥ ሚኢሾ ዬሩሳላሜ ዔኪ ዓኣዻንዳጉዲ ዋርቃታ ፃኣፒ ዔያቶና ዳካንዳኔ።

⁴ታ ዓኣዻንዳያ ኮይሳያ ማዔቴ ታኣና ዎላ'' ዔያታ ዓኣዻንዳኔ።

⁵ሜቄዶኒያ ጊዴና ጌዒ ዓኣዻኒ ታ ማሌሢሮ ዒኢና ዓኣዻዖ ዒንሢ ኮይላ'' ታ ሙካንዳኔ።

⁶ታኣኒ ዴንዳ ቤዞ ቢያኮ ጎይፆም ማዓ ማኣዶ ዒንሢ ታኣም ማዻንዳጉዲ ጎዖንቴ ታ ዒንሢ ኮራ ዴዒ፥ ባርጎዋ ታ ዒኢካ ዓኣሣንዳያ ናንዳኔ፤

⁷ሓሢ ዴንዶ ዴንዳዖ ታ ዒንሢ ዻካ''ና ዛጋኒቱዋንቴ ጎዳ ጌዔቴ ዻካ'' ዖዶሲ ዎዴ ታ ዒንሢና ዴዓንዳኔ ጌዒ ሃጊ ማዓንዳ ዎዛ ታ ጌሣኔ።

⁸ጋዓንቴ ጴንፄቆስፄ ጌይንታ ቦንቾ ኬሎ'' ሄላ''ንዳኣና ዔፕሶኔይዳ ታ ዴዓንዳኔ።

⁹ዓይጎሮ ጌዔቴ ሚርጌ ማዾኮ ካራ ታኣም ቡሊ''ንቴኔ፤ ታና ዒፂ ማካ ዓሳ ጋዓንቴ ሚርጌኬ።

¹⁰ፂሞቴዎሴ ዒንሢ ኮይላ'' ሙኬቴ ሂርጋ ባኣያ ዒንሢ ኮይላ'' ዒ ዴዓንዳጉዲ ዒዛ ማኣዱ''ዋቴ፤ ዓይጎሮ ጌዔቴ ዒዚ ታጉዲ ጎዳ ዬሱሴ ዓይሤ ማዾ'' ማዻያታሢሮኬ።

¹¹ዬያሮ ዖኦኒያ ዒዛ ቦሁዋጉዲ፤ ዒዚ ዒሾንሢና ዎላ'' ታ ኮራ ማዒ ሙካንዳኔ ጌዒ ታ ካፓያታሢሮ፥ ታ ኮይላ'' ዒ ኮሺና ሙካንዳጉዲ ጎይፆኮ ዒዛም ኮይሳ ባኣዚ'' ማኣዲ''ሢና ዎዛሲ ዳኩዋቴ።

¹²ኑ ዒሻሢ ዓጲሎሴ፥ ሜሌ'' ዒሾንሢና ዎላ'' ዒንሢ ኮይላ'' ዓኣዻንዳጉዲ ሚርጌና ታ ሺኢቄንቴ ዒዚ ሃሢ ዒንሢ ኮይላ'' ሙካኒ ዳንዳዒባኣሴ፤ ዒዛም ጊኢጌ ዎዴና ጋዓንቴ ዒንሢ ኮይላ'' ዒ ሙካንዳኔ።

¹³ጴጩዋቴ፤ ጉቤ ዒናፓ ኪሪስቶሴ ጉሙርቁዋቴ፤ ዶዱዋቴ፤

¹⁴ዒንሢ ማዻ ባኮ ቢያ ናሹሞና ማዹዋቴ።

¹⁵ታ ዒሾንሦ! ታ ሚሾንሦ! ዒስፂፓኖሴ ማኣሮ ዓሳ ዓካይያይዳ ቤርታሲ ኪሪስቶሴ ጉሙርቃ ዓሲ ማዔሢና ፆኦሲ ዓሶ ማኣዳ''ኒ ዒናፓ ናሽካያ ማዔሢ ዒንሢ ዔራኔ።

¹⁶ዬያቶጉዴ ዓሶና ዔያቶና ዎላ'' ማዺ ማዺ ላባዞ''ንሢም ቢያ ዒንሢ ዓይሢንታንዳጉዲ ታ ኬኤዛኔ።

¹⁷ዒስፂፓኖሴንታ ፔርዶናፆሴንታ ዓካይቆሴንታ ታ ኮራ ሙኬሢሮ ታ ኮሺ'' ዎዛዼኔ፤ ዓይጎሮ ጌዔቴ ዒንሢ ታ ኮይላ'' ባኣያ ማዒፆና ታኣም ፓጬ ባኮ ዔያታ ኩንሤኔ።

¹⁸ዔያታ ታናንታ ዒንሢንታኮ ዒኖ ሃውሺሴኔ። ዬያሮ ዬኖጉዴ ዓሳ ጋዓ ባኮ ዋይዙዋቴ።

¹⁹ዒሲያ ዓጮ''ይዳ ዓኣ፥ ኪሪስቶሴ ጉሙርቃ ዓሳ ዒንሢ «ኮሺዳ?» ጋዓኔ፤ ሃሣ ዓቂላና ጲሪስቂላና ዬያጉዲ ዔያቶ ማኣራ ቡኪንታ፥ ኪሪስቶሴ ጉሙርቃ ዓሳ ቢያ ጎዳ ዬሱሴ ሱ'ንፆና ሚርጌና ዒንሢ «ኮሺዳ?» ጌዔኔ።

²⁰ሓይካ ዓኣ፥ ኪሪስቶሴ ጉሙርቃ ዓሳኣ ቢያ ዒንሢ «ኮሺዳ?» ጋዓኔ፤ ዎሊኮ ጌርሲንሢጉዲ፥ ናሹሞና ሄርቂ ሄርቂ ዎሊ ዔኤሉ''ዋቴ።

²¹ታኣኒ፥ ጳውሎሴ ሓያ ሳራሢፆ ኪኢቶ'' ዒንሢም ታ ኩቻ ፃኣፔያኬ።

²²ጎዳ ናሽኩዋ ዓሲ ዓኣቶ ጋዳንቂንቴያ ማዖንጎ፤ ኑ ጎዳሢዮ፥ ሙኬ![6]

²³ጎዳ ዬሱሴኮ ኮሹማ ዒንሢና ዎላ'' ማዖንጎ።

²⁴ዬሱስ ኪሪስቶሴ ሱ'ንፆና ዒንሢ ቢያሢ ታ ናሽካኔ።