Read maale ቆሮንቶሴ ዓሶም 1 2 Bible Online

ቆሮንቶሴ ዓሶም 1 2 - maale bible

ቆሮንቶሴ ዓሶም 1 2

¹ታ ዒሾንሦ! ታ ሚሾንሦ! ታኣኒ ዒንሢ ኮይላ'' ሙኬያና ፆኦሲኮ ዓኣሺንቴ ማሊፆ[2] ታ ዒንሢ ዔርዜኔ፤ ታኣኒ ሓይሴ ዔሪ ጌስታያ ማዔሢና ታኣኮ ዓኣ ዔራቶና ዒንሢም ዻዋኒ ታ ኮዒባኣሴ።

²ዓይጎሮ ጌዔቴ ዒንሢና ታ ዓኣ ዎዶ''ማና ዬሱስ ኪሪስቶሴ ዛሎ''ና ሃሣ ዒዛኮ ሱፂንቲ ሃይቦ'' ዛሎ''ይዳፓ ዓታዛ ሜሌ'' ዓይጎዋ ዔሩዋያ ማዓኒ ታ ማሌሢሮኬ።

³ዬያሮ ዒንሢ ኮራ ታ ዓኣ ዎዶ''ና ላቤ'' ዓሲ ማዒ፥ ዒጊቹሞና ሚርጌ ጎጋይቂሢናይዳ ታ ዓኣያ ማዔኔ።

⁴ታኣኒ ኬኤዜሢታቴያ ዔርዜ ቃኣላ'' ፆኦሲ ዓያናና ማኣዲ''ንቲ ማዓንዳኣፓዓቴም ዓሲ ዔራቶና ዑሣ ዓኣዼ ዔራቶና ሃሣ ሃይሴ ኮሺ''ሢናቱዋሴ።

⁵ዬያ ታኣኒ ማዼሢ ዒንሢኮ ፆኦሲ ጉሙርቂፃ ዓሲ ዔራቶና ማዒባኣዖ፥ ፆኦሲ ዎልቄና ማዔያ ማዓንዳጉዲኬ።

⁶ጋዓንቴ ዓያኖ ናንጎና ዶዴ ዓሶም ዔራቶና ኑ ኬኤዛኔ፤ ኑኡኒ ኬኤዛ ዔራታ''፦ ሃያ ዓጮ'' ዔራቶ ሃሣ ጋፒንፃ ባይሲንታ ማዔ፥ ሃያ ዓጮ'' ዎይሣ ዓሶ ዔራቶናቱዋሴ።

⁷ኑኡኒ ኬኤዛ ዔራታ'' ጋዓንቴ ፆኦሲ ቤርታዺ ሚርጌ ዎዴኮ ቤርታኣፓ ኑ ቦንቾም ጌዒ ጊኢጊሼ፥ ፆኦሲኮ ዓኣሺንቲ ዓኣ ዔራቶኬ።

⁸ሓያ ዓጮ'' ዎይሣ ዓሶ ባኣካ''ፓ ዬያ ዔራቶ ዔሬይ ዖኦኒያ ባኣሴ፤ ዎንዴ ዔያታ ዬያ ዔሬያ ማዔቴ ቦንቺንቴ፥ ጎዳሢ ሱፂ ዔያታ ዎዺንዱዋያታንቴኬ።

⁹ዬይ ያዺ ማዔቴያ ጌኤዦ ማፃኣፓ፦ «ዓሲኮ ዓኣፒ ዴንቂባኣያ ዋይዚ ዋይዚባኣያ ሃሣ ዒናኣ ማሊባኣያ ፆኦሲ ዒዛ ናሽካዞንሢም ጊኢጊሼኔ» ጋዓኔ።

¹⁰ኑም ጋዓንቴ ፆኦሲ ፔኤኮ ዓያኖ ዛሎ''ና ዓኣሺንቴ ማሊፆ ፔጋሲ ዔርዜኔ። ዓይጎሮ ጌዔቴ ፆኦሲኮ ዓያና'' ዔርቱዋያ ማዔ፥ ፆኦሲ ማሊፆታዖ ዓይሱዋዖ ቢያ ባኣዚ'' ዴንቂ ዔራሢሮኬ።

¹¹ፔቴ'' ዓሲ ዛላ ማዔቴ ፔቴ'' ዒዛ ዓሢ ዓያናፓ ዓታዛ ሜሌ'' ዒዛይዳ ዓኣ ዒዛኮ ማሊፆ ዔራንዳይ ዖኦኒያ ባኣሴ፤ ዬያጉዲ ፆኦሲ ዓያናፓ ዓታዛ ፆኦሲ ማሊፆ ዔራይ ባኣሴ።

¹²ኑኡኒ ሃያ ዓጮ'' ዓያኖ ዔኪባኣሴ፤ ኑኡኒ ዔኬሢ' ፆኦሲ ኑም ዒንጌ ባኮ ቢያ ኑና ዔርዛ ፆኦሲ ዓያኖኬ።

¹³ዬያሮ ኑኡኒ ዓያኖ ዛሎ'' ባኮ ዓያኖና ዓኣ ዓሶም ዔርዛሢ ዓሲዳፓ ጴዼ ዔራቶናቱዋንቴ ፆኦሲ ዓያኖይዳፓ ጴዻ ዔራቶናኬ።

¹⁴ፆኦሲ ዓያናባኣ ዓሲ ፆኦሲ ዓያና ዒንጋ ዒንጊፆ ዔካኒ ዳንዳዑዋሴ፤ ዓይጎሮ ጌዔቴ ዬይ ዓያኖና ዛጊንቲ ዔርታ ባኣዚ'' ማዔሢሮ ዒዛም ዔርታኒ ዳንዳዑዋሴ፤ ጉቤ ዬይ ዒዛም ዔኤያቶ ማሊ ጴዻንዳኔ።

¹⁵ፆኦሲ ዓያናና ዓኣ ዓሲ ቢያ ባኣዚ'' ዛጊ ዔራኒ ዳንዳዓኔ፤ ዒዛ ጋዓንቴ ዖኦኒያ ዛጊ ዔራኒ ዳንዳዑዋሴ።

¹⁶ዬይያ፦ «ፆኦሲ ዒና ዖኦኒ ዔራይ? ዒዛ ዞራኒ ዳንዳዓሢያ ዖናዳይ?» ጌይንቲ ፃኣፒንቴሢጉዲኬ። ኑኡኮ ጋዓንቴ ኪሪስቶሴ ዒና ዓኣኔ።