Read maale ቆሮንቶሴ ዓሶም 1 8 Bible Online

ቆሮንቶሴ ዓሶም 1 8 - maale bible

ቆሮንቶሴ ዓሶም 1 8

¹ሜሌ'' ፆኦዞም ሹኪንቴ ቆልሞ ዓሽኮ ዛሎ'' ሂዚ ታ ጋዓኔ፦ ቢያሢኮ ኑኡኮ ዔራቶ ዓኣኔ። ዔራቶ ዓሲ ዖዖቶርሳኔ፤ ናሹሞ ጋዓንቴ ዓሲ ኮኮሻኔ።

²«ታ ዔራኔ» ጋዓ ዓሲ ኮይሳሢጉዴያ ሃጊ ዔሪባኣያኬ።

³ፆኦሲ ናሽካ ዓሲ ጋዓንቴ ፆኦሲና ዔርቴያ ማዓኔ።

⁴ዓካሪ ሜሌ'' ፆኦዞም ሹኪንቴ ዓሽኪ ዛላ ታ ጋዓሢ' ሜሌ'' ፆኦዛ ሃያ ዓጮ''ይዳ ዓይጎዋቱዋኣሢ ኑ ዔራኔ፤ ዬያጉዲ ፔቴ'' ፆኦዛሢዳፓ ዓታዛ ሜሌ'' ፆኦሲ ባኣሢያ ኑ ዔራኔ።

⁵ሚርጌ፡ ፆኦሲ ጌይንታ ባኣዚ''ና ጎዳቲ ጌይንታይ ዓኣኔ፤ ጋዓንቴ ጫሪንጫ ማዔቴያ ሳዖይዳ ፆኦሲ ጌይንታ ካኣሽኮ ባኣዚ'' ዓኣቴያ፥

⁶ኑኡኮ ጋዓንቴ ቢያ ባኣዚ'' ዒዛይዳፓ ማዢንቴያ፥ ኑኡኒያ ዒዛም ማዢንቴያ ፔቴ'' ፆኦሲ ማዔ ዓዴ ዓኣኔ፤ ዬያጉዲ ሃሣ ቢያ ባኣዚ'' ዒዛ ዛሎ''ና ማዢንቴያ ኑኡኒያ ዒዛ ዛሎ''ና ማዢንቴ፥ ፔቴ'' ጎዳ ዬሱስ ኪሪስቶሴ ኑኡኮ ዓኣኔ።

⁷ጋዓንቴ ዬያ ቢያሢ ዔሩዋሴ፤ ፔቴ'' ፔቴ''ዞንሢ ሃሢ ሄላ''ንዳኣና ሜሌ'' ፆኦዞ ካኣሽኪሢ ዔሬሢሮ ዬያጉዴ ዓሽኮ ዔያታ ሙዓሢ ሜሌ'' ፆኦዞም ሹኪንቴያ ማሂኬ፤ ዒና'' ዔያቶኮ ዔያቶ ዻቢንቴያኬ ጋዓሢሮ ዔያታ ዒኢታኔ።

⁸ጋዓንቴ ፆኦሲና ኑኡና ዎላ'' ካንሣሢ ሙኡዚ''ቱዋሴ፤ ኑ ሙዒባኣቴያ ፓጫንዳ ባኣዚ'' ባኣሴ፤ ኑ ሙዔቴያ ባሼ ዴንቃንዳ ባኣዚ'' ባኣሴ።

⁹ዬይ ያዺ ማዔቴያ ዬይ ኮዔ ጎይፆ ማዺፃ፥ ኪሪስቶሴ ጉሙርቂፆና ዶዲባኣ ዓሶ ዻቢሻያ ማዑዋጉዲ ዒንሢና ዔሩዋቴ።

¹⁰ዓይጎሮ ጌዔቴ «ታ ዔራኔ» ጌዒ ሜሌ'' ፆኦዞም ሹኪንቴ ዓሽኮ ካኣዦ ማኣራ ኔ ዴዒ ሙዓንቴ ኪሪስቶሴ ጉሙርቂ ዶዲባኣ ዓሢ ኔና ዴንቄቴ ዬይ ማዻ'' ኔኤኮ ሜሌ'' ፆኦዞም ሹኪንቴ ዓሽኮ ሙዓንዳጉዲ ዓሢ ማሃያቱዋዓዳ?

¹¹ዬያሮ ኔኤኮ «ታ ዔራኬ» ጌይፆና ኪሪስቶሴ ዒዛ ጋይቴ ሃይቄሢና ጉሙርቂፆናኣ ዶዲባኣሢ ባይቄኔ ጌይሢኬ።

¹²ዬያይዲ ኪሪስቶሴ ጉሙርቃ ዒንሢኮ ዒሾንሢንታ ሚሾንሢንታ ዻቢሺፆና ሃሣ ዔያቶኮ ላቤ'' ዒኖ ባሼ ላቢ''ሲፆና ኪሪስቶሴም ዋይዞ ዒፃያ ማዒ ዒንሢ ዻባኔ።

¹³ዬያሮ ሙኡዚ'' ታኣኮ ኪሪስቶሴ ጉሙርቃ ዒሻሢንታ ሚሾንታ ዻቢሻያ ማዔቴ፥ ታ ዒሻሢንታ ታ ሚሾንታ ዹቂሲፆይዳፓ ፔቴ''ታዖ ዓሽኪ ታ ሙዓዓ።