Read maale ቆሮንቶሴ ዓሶም 2 10 Bible Online

ቆሮንቶሴ ዓሶም 2 10 - maale bible

ቆሮንቶሴ ዓሶም 2 10

¹ዒንሢ ኮይላ'' ዓኣዖ «ሴልቃያ»፤ ዒንሢ ኮይላ''ፓ ሃኪ ዴንዳዖ ጋዓንቴ «ጫርቃያ» ጌይንቴሢ፥ ታኣኒ ጳውሎሴ ኪሪስቶሴኮ ኮሹሞና ሼሌዑሞና ማዒ ታ ዒንሢ ሺኢቃኔ፤

²ታ ዒንሢ ሺኢቃሢ' ዒንሢ ኮራ ታ ሙኬ ዎዶ''ና ዬያይዲ ጫርቂ ጌስታንዳጉዲ ታና ማሂፖቴ ጌይኬ፤ ዓሲ ማሊሢና ኑ ሃንታያ ማሂ ኑና ፓይዳ፥ ፔቴ'' ፔቴ'' ዓሶ ቤርታ ጋዓንቴ ጫርቂ ጌስታኒ ታ ማላኔ።

³ዎዚ ኑ ሃያ ዓጫ'' ናንጋያ ማዔቴያ ኑ ዖልታሢ ሃያ ዓጮ'' ዓሳ ዖልታ ጎይፆቱዋሴ።

⁴ኑኡኮ ዖሎ ዓንጋማ፡ ዖሎሮ ኬልቂ ዴዖና ኬኤሎ'' ዶይሳኒ ዳንዳዓ፥ ፆኦሲ ዎልቄ ዓኣ፥ ዓንጋሞ ማዓንዳኣፓዓቴም ሃያ ዓጮ'' ዖሎ ዓንጋሞጉዲቱዋሴ።

⁵ዓሲ ፆኦሲ ዔሩዋጉዲ ሉኡዙሞና ማርሞ ማርማሢንታ ዖቶርሞ ማሊፆዋ ጉቤ ኑ ባይዛንዳኔ፤ ዓሲኮ ማሊፆ ጉቤ ኑ ዲዒ ዲዒ ኪሪስቶሴም ዓይሢንታንዳጉዲ ማሃኔ።

⁶ዒንሢኮ ዓይሢንቲፃ ጎኔ ማዔሢ ኑ ዔሬሢኮ ጊንፃ ዓይሢንቲ ዒፃ ባኣዚ'' ዓይጎዋ ጉቤ ኑ ፑርታና ዎጋኒ ጊኢጌኔ።

⁷ዒንሢ ዛጋሢ ፔጌና ጴዻ ባኣዚ'' ሌሊኬ፤ ዓይጎ ዓሲያ ታኣኒ ሌሊ ኪሪስቶሴሮኬ ጌዒ ጉሙርቃቶ ፔና ጊንሣ ሺርሺ ዛጎንጎ፤ ኑኡኒያ ዒዛጉዲ ኪሪስቶሴሮ ማዔሢ ዔሮንጎ።

⁸ጎዳ ኑም ዒንጌ ቢታንቶና ሚርጌና ታ ሄርሺንቴቴያ ታና ቦርሱዋሴ፤ ዎይቲ ጌዔቴ ዬይ ቢታንታ ኑም ዒንጊንቴሢ ዒንሢኮ ጉሙርቂፆ ዶዲሻኒ ማዓንዳኣፓዓቴም ባይዛኒቱዋኣሢሮኬ።

⁹ታኣኮ ኪኢታ'' ታ ዒንሢ ዒዒጊቻኒ ኬኤዛያ ማሎፓ።

¹⁰ፔቴ'' ፔቴ'' ዓሳ «ጳውሎሴኮ ኪኢታ'' ዴኤፃያ ሃሣ ዶዲኬ፤ ጋዓንቴ ዒዛ ኑ ዛጋኣና ዑፃ ላኣፓ፥ ጌኤዛኣ ዒዛኮ ፓሡዋያኬ» ጋዓያ ናንዳኔ።

¹¹ዬኖ ጋዓ ዓሳ ዒንሢዳፓ ሃኬ ዓኣዖ ኑ ፃኣፓ ኪኢቶ''ና ዒንሢ ኮይላ'' ዓኣዖ ኑ ማዻ ማዾ''ናኮ ባኣካ'' ዱሙሞ ባኣያታሢ ዔሮንጎ።

¹²ኑኡኒ ጋዓንቴ ፔ ቶኦኮ'' ጋላታ ዓሶና ኑና ዎላ'' ፔቴ'' ማሃኒ፥ ሃሣ ጊንሣ ቤኤዚ ዛጋኒ ፔቴ''ታዖ ኑ ማሊሢዳ ባኣሴ፤ ዔያታ ፔና ፔኤና ቤኤዚ ዛጋሢሮ ዔያቶኮ ዒና ባኣያኬ።

¹³ኑኡኒ ጋዓንቴ ፔቶ'' ዑሣ ዓኣዼ ሄርሺንቱዋሴ፤ ኑኡኒ ሄርሺንታሢ' ፆኦሲ ኑና ማዾንጎ ጌዔማ ጎይፆ ዴንዲ ዒንሢ ሄላ''ንዳኣና ማዼ ማዾ''ናኬ።

¹⁴ዒንሢ ሃሢ ዓኣሢ ኑ ማዻንዳጉዲ ጌይንቴ ቤዞይዳ ማዔሢሮ ኪሪስቶሴኮ ኮዦ ሃይሶ ኬኤዛኒ ኑ ዔኪ ዒንሢ ኮይላ'' ሙኬ ዎዶ''ና ያፓ ኑ ዑሣ ዓኣዺባኣሴ።

¹⁵ዬያሮ ፆኦሲ ኑም ጌዔ ቤዛፓ ኑ ዓኣዺ ሜሌ'' ዓሲ ማዼ ማዾና ኮይሱዋ ጎይሢ ዑሣ ዓኣዼ ኑ ሄርሺንታዓ፤ ጋዓንቴ ዒንሢኮ ጉሙርቂፃ ዶዳንዳጉዲና ኑኡኮዋ ማዻ'' ፆኦሲ ኑም ዒንጌ ቤዞ፥ ዒንሢ ባኣካ'' ባሼና ዳልጋንዳኔ ጌዒ ሃጊ ማዓንዳ ዎዛ ኑ ጌሣኔ።

¹⁶ዓካሪ ሜሌ'' ዓሳ ማዼ ቤዞይዳ ጌሊ፥ ቤርታ ማዺንቴ ማዾ''ና ሄርሺንቱዋዖ ዒንሢኮ ዙላ'' ዓኣ ዓጮ''ም ኮዦ ሃይሶ ኑ ኬኤዛኒ ዳንዳዓኔ።

¹⁷ጋዓንቴ «ሄርሺንታሢ ጎዳና ሄርሺንቶንጎ።»

¹⁸ዓይጎሮ ጌዔቴ ዓሲ ጋላቲንቴያ ማዓኒ ዳንዳዓሢ ፆኦሲ ዒዛ ጋላቴቴ ማዓንዳኣፓዓቴም ፔና ፔኤሮ ዒ ጋላቴቴቱዋኣሢሮኬ።