Read maale ቆሮንቶሴ ዓሶም 2 3 Bible Online

ቆሮንቶሴ ዓሶም 2 3 - maale bible

ቆሮንቶሴ ዓሶም 2 3

¹ኑ ኑና ጊንሣ ሄሄርሻኔ ጌይሢዳ? ሃሣ ፔቴ'' ፔቴ'' ዓሳ ማዻሢጉዲ ዒንሢምታቴያ ዒንሢዳፓ ፒዜ ማዻያ ማዒፆ ዔርዛ ዋርቃታ ኑም ኮይሳኔ ጌይሢዳ?

²ዓሲ ቢያ ዒንሢ ዛጋያና ናባባያ፥ ኑ ፒዜ ማዻያ ማዒፆ ዔርዛ፥ ኑ ዒና'' ፃኣፒንቲ ዓኣሢ ዒንሢኬ።

³ዒንሢ፡ ኑ ማዼ ማዻ''ፓ ጴዼያ፥ ኪሪስቶሴኮ ፃኣፒንቴ ኪኢታ ማዔሢ ዔርቴያኬ፤ ዬይ ኪኢታ'' ፃኣፒንቴሢ ናንጊና ናንጋ ፆኦሲ ዓያኖና ማዓንዳኣፓዓቴም ዓሲ ፃኣፓ ባኣዚ''ናቱዋሴ፤ ሃሣ ዬይ ዓሲ ዒናይዳ ፃኣፒንቴያኬ፤ ዓርሲንቴ ሹቺዳ ፃኣፖናያቱዋሴ።

⁴ዬያ ኑ ጋዓሢ ኪሪስቶሴ ዛሎ''ና ፆኦሲ ጉሙርቂኬ።

⁵ኑ ማዻ ማዾ'' ማዻንዳጉዲ ዎልቄ ኑም ዒንጋሢ ፆኦሲ ማዓንዳኣፓዓቴም ኑኡኒ ኑ ቶኦኪና ዓይጎዋ ማዻኒ ዎልቄ ኑኡኮ ባኣሴ።

⁶ዓኮ ጫኣቁሞ ዎዶ'' ማዾ'' ኑ ማዻንዳጉዲ ማሄሢ ፆኦሲኬ፤ ዬይ ፃኣፒንቴ ዎጎናቱዋንቴ ዓያኖ ጌኤዦ ዛሎ''ና ማዔያኬ፤ ፃኣፒንቴ ዎጋ'' ዎዎዻኔ፤ ዓያኖ ጌኤዣ ጋዓንቴ ሼምፖ ዒንጋኔ።

⁷ፃኣፒንቴ ዎጎ ቆኦቂ ኮሾ''ናሢ ዓርሲንቴ ሹጮይዳኬ፤ ዎጋ ዒንጊንቴ ዎዶ''ና ፆኦሲ ቦንቻ ፔጋዺ ጴዼኔ፤ ሙሴኮ ዓኣፖ ካሮ''ይዳ ፖዔ ፖዓ ባይቂ ባይቂ ዓኣዻያ ማዔቴያ ዒስራዔኤሌ ዓሳ ሙሴኮ ዓኣፖ ካሮ'' ኮሺ'' ዛጋኒ ዳንዳዒባኣሴ፤ ዓካሪ ዎዻ ዎጋ'' ዬያጉዴ ቦንቾና ጴዼያ ማዔቴ፥

⁸ዓያኖ ጌኤዦ ዛሎ''ና ማዺንታ ማዻ'' ዎዚ ባሼ ቦንቾ ዓኣያ ማዓንዳይ!

⁹ዓሶ «ዻቤኔ» ጌዒ ዎጋ ማዻ'' ዬያይዲ ቦንቺንታያ ማዔቴ ዓሶ ዻቂሻ ማዻ'' ዎዚ ባሼ ቦንቾ ዓኣያ ማዓንዳይ!

¹⁰ቤርታ ቦንቺንቴያ ማዔ ማዻ'' ሃሢ ባሼ ቦንቺንቴ ማዾ''ና ዎላ'' ቤኤዚ ዛጎዛ ቦንቾ ባኣ ባኣዚ'' ማዒ ጴዻኔ።

¹¹ዬይ ባይቃያ ማዔ ባካ ዬያጉዴ ቦንቾና ዓኣያ ማዔቴ ናንጊና ባይቁዋዖ ናንጋ ባኮኮ ባሼ ቦንቾ ዓኣኔ ጌይሢኬ።

¹²ዬያጉዴ ሃጊ ማዓንዳ ዎዛ ኑኡኮ ዓኣሢሮ ዑሣ ዓኣዼ ጫርቂ ኑ ኬኤዛኔ።

¹³ሙሴኮ ዓኣፖ ካራ'' ፖዓሢ ሓሻኣና ዒስራዔኤሌ ዓሳ ዒዛኮ ዓኣፖ ካሮ'' ዴንቁዋጉዲ ዓኣፖ ካሮ'' ዒ ካንቃኔ፤ ኑኡኒ ጋዓንቴ ዒዛ ጉዲቱዋሴ።

¹⁴ዒስራዔኤሌ ዓሶኮ ዒና'' ዔኩዋያ ማዒ ጎኔና ዶጪ ዓኣኔ፤ ሃኖ'' ሄላ''ንዳኣና ሚናኣ ጫኣቃሢ ማፃኣፖ ዔያታ ናባባኣና ዒና'' ዔያቶኮ ዬኖ ካንቆ ዓፒሌሎና ካንቂንታያኬ፤ ጋዓንቴ ዬና'' ካንቃ ባኬላ ባይቃንዳሢ ኪሪስቶሴ ዛሎ''ና ሌሊኬ።

¹⁵ሃኖ'' ሄላ''ንዳኣና ሙሴ ዔርዜ ዎጎ ማፃኣፖ ዔያታ ናባባኣና ዒና'' ዔያቶኮ ዬኖ ባኬሎና ካንቂንታኔ።

¹⁶ጋዓንቴ ዬና ባኬላ ሺኢካኒ ዳንዳዓኔ፤ ጌኤዦ ማፃኣፖይዳ፦ «ሙሴ ጎዳ ባንሢ ማዓዛ ካንቃ ባኬላ ሺኢኬኔ» ጋዓኔ።

¹⁷ዬያሮ ጎዳ ጌይንቴሢ ዓያኖኬ፤ ጎዳኮ ዓያና'' ዓኣ ቤስካ ዓይሉሞ ባኣሴ።

¹⁸ዬያሮ ኑ ቢያሢ ጎዳኮ ቦንቾ ካንቂንቲባኣ ዓኣፒ ካራና ፖዒ፥ ፔጋሲ ዻዋኔ፤ ዓያና ማዔ ጎዳይዳፓ ጴዻ ሃይ ቦንቻ ቦንቾይዳ ቦንቾ ኑም ቃሲ'' ቃሲ'' ዓዳ'' ጎዳ ኑ ማላንዳጉዲ ማሃኔ።