Read maale ቆሮንቶሴ ዓሶም 2 6 Bible Online

ቆሮንቶሴ ዓሶም 2 6 - maale bible

ቆሮንቶሴ ዓሶም 2 6

¹ፆኦሲና ዎላ'' ኑኡኒ ማዻያ ማዔያታሢሮ፦ «ዒንሢ ፆኦሲዳፓ ዔኬ፥ ዒ ፔ ኮሹሞና ዒንጌ ዒንጊፆ ጉሪ ማሂፖቴ» ጌይ ኑ ዒንሢ ሺኢቃኔ።

²ፆኦሲ ኬኤዛዖ፦ «ታ ኔኤም ኮሺ ባኣዚ'' ማዻንዳኔ ጌዔ ኬላ'' ሄሌ'' ዎዶ''ማና ታ ኔኤም ዋይዜኔ፤ ታ ኔና ዻቂሻንዳኔ ጌዔ ኬላ'' ሄሌ'' ዎዶ''ማና ታ ኔና ማኣዴ''ኔ» ጋዓሢሮ «ሓይሾ ዓካሪ ጌይንቴ ዎዳ'' ሃያኬ፤ ዻቂንቶ ኬላ''ኣ ሃኖ''ኬ።»

³ኑ ማዻ ማዻ'' ቦሂንቱዋጉዲ ዓይጎ ባኣዚ''ና ማዔቴያ ዖኦማኣ ዹቆ ኑ ማዓዓኬ።

⁴ጋዓንቴ ኑና ሄላ'' ሜቶና ሄላ'' ባኮ ቢያ፤ ሃሣ ዋኣዪሳ ሜቶ ቢያ ጊቢ'' ዳንዳዒሢና ፆኦሲም ማዻ ዓሲ ማዒፆ ቢያ ዛሎ''ና ኑ ፔጋሲ ዔርዛኔ።

⁵ፆኦሲም ማዻ ዓሲ ማዒፆ ኑ ዔርዜሢ፦ ዢራፓና ጳዺንቲ፥ ቱኡቲ፥ ዓሲና ዣሊ፥ ሚርጌ ማዺ ላቢ''ንቲ፥ ጊንዖ ዓቲሢና ናይዺንቲሢናኬ።

⁶ዬያጉዲ ሃሣ ጌኤሹሞና፥ ዔራቶና፥ ጊቢ'' ዳንዳዒሢና፥ ኮሹሞና፥ ዓያና ጌኤሺ ዻዋ ጎይፆ ሃንቲሢና፥ ጎኔ ናሹሞና፥

⁷ጎኔ ባኮ ኬኤዚሢና ፆኦሲ ዎልቄና ማዺፆናኬ፤ ዔኤቢ ባሻኒ ማዔቴያ ኑ ጊዳ'' ሙካ ባኮ ላኣጋኒ ዳንዳዒሳ ዓንጋሞ ኑኡኮ ማዓሢ ፂሉ''ሞኬ።

⁸ቦንቺንቲሢና ዻውሲንቲሢና ጋላቲንቲሢና ጫሽኪንቲሢና ኑ ናንጌኔ፤ ሃሣ ኑ ጎኔ ኬኤዛ ዓሲታዖ ሉኡዚ ዓሲ ጌይንቴኔ፤

⁹ኑ ዔርቴ ዓሲታዖ ዔርቲባኣ ዓሲ ማዔኔ፤ ሃይቄኔ ኑ ጌይንቴያታዖ ሃሢ ሼምፔና ኑ ዓኣኔ፤ ኑኡኒ ጳርቂንቴቴያ ኑና ዎዺቦኦሴ፤

¹⁰ኑና ዖዪሶናያ ማዔቴያ ቢያ ዎዴ ኑ ዎዎዛዻያኬ፤ ኑ ማንቆ ዓሲታዖ ሚርጌሢ ኑ ዖርጎቻኔ፤ ዓይጎ ባኣዚ''ያ ባኣ ዓሲታዖ ቢያ ባካ ኑኡሮ ማዔያኬ።

¹¹ዒንሢ ቆሮንቶሴይዳ ናንጋ ዓሳ! ታ ዒንሢም ፔጌና ኬኤዜኔ፤ ዒኖ'' ኑኡኮ ኑ ዒንሢም ዻዊ ሃሼ''ኔ።

¹²ዒንሢ ዒንሢኮ ዒኖ'' ኑም ዻዊ ሃሺ''ባኣፓዓቴም ኑ ዒኖ'' ዒንሢም ዻዊ ኑ ሃሼ''ኔ።

¹³ታኣኮ ዒንሢ ናኣቶ'' ማዔሢሮ ታ ዒንሢም ኬኤዛሢ፦ «ዒንሢያ ዒማይዲ፥ ሚርጌና ዒኖ'' ዒንሢኮ ኑም ዻዊ ሃሻ''ንዳጉዲ» ጌይኬ።

¹⁴ኪሪስቶሴ ጉሙርቁዋ ዓሶና ዎላ'' ኮይሱዋ ጎይሢና ፔቴ'' ማዒፖቴ፤ ፂሉ''ሞና ጎሜና ፔቴ'' ማዓኒ ዳንዳዓ? ፖዒና ዹሚና ዎላ'' ዎዲ'' ናንጋኒ ዳንዳዓይ?

¹⁵ኪሪስቶሴና ዲያብሎሴና ዎይቲ ዎላ'' ጊኢጋኒ ዳንዳዓይ? ኪሪስቶሴ ጉሙርቃ ዓሲና ጉሙርቁዋ ዓሲና ዎይቲ ፔቴ'' ማዓኒ ዳንዳዓይ?

¹⁶ፆኦሲኮ ጌኤዦ ማኣሮና ሜሌ'' ፆኦዞናኮ ዓይጎ ፔቱሞ ዓኣይ? ፆኦሲ፦ «ታ ናንጋ ማኣሮ፥ ታ ዴሮ'' ባኣካ'' ታ ማሃንዳኔ፤ ዔያቶና ዎላ'' ታ ናንጋንዳኔ፤ ታ ዔያቶኮ ፆኦዛሢ ማዓንዳኔ፤ ዔያታኣ ታ ዴሬ ማዓንዳኔ» ጌዔሢጉዲ ኑኡኒ ባይቁዋ ፆኦዛሢም ዱማዼ ማኣሪኬ።

¹⁷ሓሣ ፆኦሲ ኬኤዛዖ፦ «ዔያቶ ባኣካ''ፓ ዱማዺ ኬስኩዋቴ፥ ዒኢቴ ባኮ ካኣሚፖቴ፤ ታኣኒያ ዒንሢ ታ ዓሲ ማሃንዳኔ፤

¹⁸ታ ዒንሢኮ ዓዶ ማዓንዳኔ፤ ዒንሢ ታኣኮ ዓቲንቆና ዉዱሮ ናኣቶ''ና ማዓንዳኔ፤ ጋዓኔ፤ ቢያ ባኣዚ'' ዳንዳዓ ጎዳሢ።»