Read maale ቆሮንቶሴ ዓሶም 2 7 Bible Online

ቆሮንቶሴ ዓሶም 2 7 - maale bible

ቆሮንቶሴ ዓሶም 2 7

¹ዓካሪ ታ ዒጊኖንሢዮቴ! ሓይ ቢያ ሃጊ ማዓንዳ ዎዛ'' ዒንጊንቴሢ፡ ኑም ማዔሢሮ ዓሲኮ ዑሢና ዓሲኮ ጋሮ ዓያኖና ዒኢሳ፥ ዓይጎ ባኣዚ''ዳፓኣ ኑ ቶኦኮ'' ኑ ጌኤሾም፤ ፆኦሲ ዒጊጪሢና ዒዛም ኑኡኮ ዱማዺፆ ዔርቴያ ኑ ማሆም።

²ዒኖ'' ዒንሢኮ ኑም ዻዊ ሃሹ''ዋቴ፤ ዖኦማኣ ኑ ፑርታ ማዺባኣሴ፥ ዖናኣ ኑ ዻቢሲባኣሴ፤ ሃሣ ዖናኣ ኑ ጌሺ ዎልቆ ሙይባኣሴ።

³ዬያ ታ ጋዓሢ፦ «ዒንሢ ዻቤኔ» ጋዓኒ ጌይቱዋሴ፤ ዓይጎሮ ጌዔቴ ሃያኮ ቤርታ ኑ ዒንሢም ጌዔሢጉዲ ዒንሢ ኑ ዒና''ፓ ባይቂባኣሴ፤ ዬያሮ ኑ ናንጌቴያ ሓይቄቴያ ቢያ ዎዴ ዒንሢና ዎላ''ኬ።

⁴ዒንሢ ታ ኮሺ'' ጉሙርቃኔ፤ ሃሣ ዒንሢና ታ ኮሺ'' ሄርሺንታኔ፤ ኑ ሜታዻኣና ቢያ ዼኤፒ ዶዱሞ ታ ዴንቃኔ፤ ታ ዎዛዻ ዎዞኮዋ ጋፒንሢ ባኣያኬ።

⁵ሜቄዶኒያ ኑ ሄሌ''ያናታዖ ሚርጌ ዛላና ሜታ ኑና ሄሌ''ያፓዓቴም ሃውሺሢ ኑኡኮ ባኣያ ማዔኔ፤ ዙላ''፥ ሜሌ'' ዓሳፓ ሙካ ባኮና ሃሣ ኑ ዒና'' ኑና ዒጊቻ ባኮና ኑ ሚርጌ ሜታዼኔ።

⁶ጋዓንቴ ዖያ ዓሶ ዶዲሻ፥ ፆኦዛሢ ቲቶ ኑ ኮራ ዳኪፆና ኑና ዶዲሼኔ።

⁷ኑ ዶዴሢ' ዒዛኮ ኑ ኮራ ሙኪፆና ሌሊ ማዒባኣንቴ ዒንሢ ዒዛ ዶዲሼያ ማዔሢያ ኑ ዋይዜሢሮኬ። ሃሣ ዒንሢ ታና ጶቂሣሢያ፥ ታ ዛሎ''ሮ ዒንሢ ዖያያ፤ ጊንሣ ሃሣ ታና ሚጪንቲ ዒንሢ ማላ ማሊፆ ኑም ዒ ኬኤዛዛ ሚርጌና ታ ዎዛዼኔ።

⁸ሃያኮ ቤርታ ታ ዒንሢም ፃኣፔ ኪኢታ'' ዒንሢ ዖይሴያ ማዔቴያ ዬያ ፃኣፒፆና «ዻቤኔ» ታና ታ ጎዑዋሴ፤ ታ ታና «ዻቤኔ» ጌዔቴያ ዬይ ታ ፃኣፔ ኪኢታ'' ዻካ'' ዎዴሮ ሌሊ ዒንሢ ዖዪሴሢ ታ ዔሬኔ።

⁹ሃሢ ታ ሚርጌና ዎዛዻኔ፤ ታ ዎዛዻሢያ ዒንሢ ዖዪሴሢሮቱዋንቴ ዒንሢኮ ዖዪፃ ዒንሢኮ ዻቢንቶ ዒንሢም ዔርዜም፥ ዒንሢ ዬያፓ ማዔያታሢሮኬ፤ ዓካሪ ዒንሢኮ ዖዪፃ ፆኦሲ ማሊሢጉዲ ማዔሢሮ ዓይጎዋ ኑ ዒንሢም ፑርቲሲባኣሴ ጌይሢኬ።

¹⁰ፆኦሲ ማሊሢጉዴያ ማዔ ዖዪሢ፦ ዻቂንታ ባንሢ ዔኪ ሙካ፥ ጎሜ ቡኡፂም ጊኢጊሻሢሮ «ዓይጋ ዬይ ማዔይ» ጌይሳያቱዋሴ። ሃያ ዓጮ'' ዛሎ''ና ሙካ ዖዪሢ ጋዓንቴ ሓይቢ ዔኪ ሙካኔ።

¹¹ዬይ ፆኦሲ ማሊፆ ጉዴያ ማዔ ዖዪፃ፡ ዶዲ ዒንሢ ማላንዳጉዲና ዻቢንቲባኣያ፥ ጌኤሺ ዒንሢ ማዔሢ ዔርዛንዳጉዲ ዒንሢ ማሄኔ፤ ዬያጉዲ ሃሣ ጎሜ ማዔ ባኣዚ'' ዒንሢ ዒፃያ ማዓንዳጉዲ፥ ታ ዞሮ'' ዒንሢ ዒጊጪ ዔካንዳጉዲ፥ ታና ዒንሢ ጶቂሣንዳጉዲ፥ ዓያና ዓኣ ማሊሢና ፒዜ ዒንሢ ዎጋንዳጉዲና ዻቢንቴሢያ ዒንሢ ጎራ''ንዳጉዲ ዒንሢ ማሄኔ። ዬያ ባኮ ቢያና ዒንሢ ጌኤሺ ማዔሢ ዒንሢ ዔርዜኔ።

¹²ዓካሪ ታ ዒንሢም ፃኣፔሢ፦ ኑ ዛሎ'' ዒንሢ ማላ ማሊፃ ፆኦሲ ቤርቶይዳ ጌኤሺ ማዒ ዒንሢም ጴዻንዳጉዲ ማዓንዳኣፓዓቴም ዻቢንቴ ዓሲና ፑርታ ባኣዚ'' ማዺንቴ ዓሲና ዛላቱዋሴ።

¹³ኑ ዶዴሢያ ዬያ ዛሎ''ናኬ። ሃሣ ኑኡኮ ዶዱማፓ ባሼ ቲቶ ዎዛዼሢሮ ሚርጌና ኑዋ ዎዛዼኔ፤ ዓይጎሮ ጌዔቴ ዒንሢ ቢያሢ ቲቶ ዶዲሺፆና ዒዛኮ ዒኖ'' ሃውሺሴሢሮኬ።

¹⁴ዒንሢና ታ ሄርሺንታ ሄርሺንቶ ቲቶም ታ ኬኤዜኔ፤ ዒንሢ ታና ዬያና ቦርሲሲባኣሴ። ቢያ ዎዴ ኑ ዒንሢም ኬኤዛ ባካ ጎኔ ባኣዚ'' ማዔሢጉዲ፥ ዒንሢ ዛሎ'' ሄርሺንቲ ቲቶም ኑ ኬኤዜ ባካ ጎኔ ማዔሢ ዔርቴኔ።

¹⁵ቢያሢ ዒንሢ ዓይሢንታያታሢና ዒጊቹሞና ጎጋይቂ ዒንሢ ዒዛ ሾኦቺንሢ ዔኬሢ ዒዚ ጶቂሣኣና ዒንሢ ዒ ዑሣ ዓኣዼ ናሽካንዳጉዲ ማሄኔ።

¹⁶ታኣኒያ ጉቤ ባኣዚ''ና ዒንሢ ጉሙርቃኒ ዳንዳዒፆና ሚርጌ ዎዛዼኔ።