Read maale ጋላቲያ ዓሶም 4 Bible Online

ጋላቲያ ዓሶም 4 - maale bible

ጋላቲያ ዓሶም 4

¹ሃሣ ታ ሂዚ ጋዓኔ፦ ዓዶ ዻካላኒ ቶይዶ ናዖ ማዔሢ ናይ ዓኣዖ ዎዚ ዒ ዓዶ ቆሎ''ኮ ቢያ ቢቲ ማዔቴያ ማኣራ ዓኣ ካራሞይዳፓ ዒ ዱማቱዋሴ።

²ጋዓንቴ ዓዴ ዒዛም ጌዔ ዎዶ'' ሄላ''ንዳኣና ዒዛ ዔርዚ ዔርዚ ዲቻ ዓሶ ዴማ'' ዒ ማዓኔ።

³ዬያጉዲ ኑኡኒ ፆኦሲ ዓያኖ ባኮ ዛሎ''ና ናይ ዓኣ ዎዶ''ና ሓያ ዓጮ'' ካኣዦ ዎጎም ዓይሌ ማዒ ኑ ዎርቃያኬ።

⁴ጋዓንቴ ፆኦሲ ጌዔ ዎዳ'' ሄላ''ዛ ዓሲዳፓ ሾይንቴያ፤ ሓሣ ዎጎም ዓይሢንታያ ማዔ ፔኤኮ ናዓሢ ዒዚ ኑም ዳኬኔ፤

⁵ዬያ ዒ ማዼሢ ዎጎም ዓይሢንታያ ማዔዞንሢ ዻቂሻኒና ኑናኣ ዒዛኮ ኮሹሞና ፔ ናይ ማሃኒኬ።

⁶ፆኦሲ ናይ ኑ ማዔሢሮ፦ «ታ ዓዴ» ጌይ ዒዛ ዔኤላ''፥ ፔኤኮ ናዓሢ ዓያኖ ኑም ዒ ዳኬኔ።

⁷ዬያሮ ሃይፓ ሴካ ፆኦሲኮ ኔ ናይ ማዓንዳፓዓቴም ዓይሌ''ቱዋሴ፤ ፆኦሲኮ ኔ ናይ ማዔያታቴ ፆኦሲ ፔ ናኣቶ''ም ጊኢጊሼ ባኮ ቢያ ኔኤም ዒንጋንዳኔ።

⁸ሓያኮ ቤርታ ፆኦሲ ዒንሢ ዔሪባኣሢሮ ካኣሽኮንዶ ባኣዚ'' ማዒባኣ ባኮም ዓይሌ'' ማዒ ዒንሢ ናንጌኔ።

⁹ሃሢ ጋዓንቴ ዒንሢ ፆኦሲ ዔሬኔ፤ ላሚ ታ ኬኤዛኒ ኮዔቴ ፆኦሲያ ዒንሢ ዔሬኔ። ሂዳዖ ጊንሣ ዬያ ፓሡዋያና ላቤ''ያ ማዔ፥ ዓጮ'' ካኣዦ ዎጎ ባንሢ ዎዲ'' ዒንሢ ማዔይ? ሃሣ ዎዲ'' ዒንሢ ላሚ ዔያቶኮ ዓይሌ'' ማዓኒ ኮዔይ?

¹⁰ዱማ ዱማ ኬሎ''፥ ዓጊኖ፥ ዎዶ''ንታ ሌዖንታ ዒንሢ ቦንቻኔ።

¹¹ዬያሮ ታ ዒንሢ ማኣዳ''ኒ ላቢ''ንቲ ማዼ ማዻ'' ጉሪ ማዓንዳሲንታኔ ጌይ ታ ሂርጋኔ።

¹²ታ ዒሾንሦ! ታ ሚሾንሦ! ታ ዒንሢጉዲ ማዔሢሮ ዒንሢያ ታጉዲ ማዑዋቴ ጌይ ታ ሺኢቃኔ፤ ዒንሢ ታኣም ዓይጎዋ ፑርቲሲባኣሴ።

¹³ቤርቲ ቤርታ ኮዦ ሓይሶ ታ ዒንሢም ኬኤዛኒ ዳንዳዔሢ ታኣኮ ሃርጎ ዛሎ''ና ማዔሢ ዒንሢ ዔራኔ።

¹⁴ዎዚ ዒንሢም ታኣኮ ሃርጋ ሜቶ ማዔያታቴያ ዒንሢ ታና ቦሂባኣሴ፤ ሃሣ ሻኣኪንቲባኣሴ። ጋዓንቴ ፆኦሲኮ ኪኢታንቻጉዲ ዬያፓ ዑሣ ኪሪስቶሴ ቦንቺ ዔካያጉዲ ታና ዒንሢ ቦንቺ ዔኬኔ።

¹⁵ሓሢ ሃያኮ ቤርታ ዒንሢ ታ ዛሎ''ና ዎዛዻ ዎዛ'' ቢያ ዎዎይቴይ? ዬኖና ዒንሢም ዳንዳዒንታቴ ዒንሢኮ ዓኣፖታዖ ታኣም ዒንጋንዳጉዲታሢ ታ ታ ቶኦኪና ዬያኮ ማርካኬ።

¹⁶ሂዳዖ ሃሢ ጎኑሞ ታ ዒንሢም ኬኤዜሢሮ ዒንሢኮ ሞርኬ ታ ማዒያ?

¹⁷ሓንጎ ዓሳ ዒንሢ ዛሎ'' ማሊ ሜታዻንዳያ ናንዳኔ፤ ማዔቴያ ዬያ ዔያታ ማዻሢ ኮሹሞምቱዋሴ፤ ዔያቶኮ ማሊፃ፦ ዒንሢ ኑ ጊዳ''ፓ ዱማዻንዳጉዲና ዔያቶም ዒንሢ ባሼ ማላንዳጉዲኬ።

¹⁸ኮሹሞ ባኣዚ''ምታቴ ዶዲ ማሊፃ ኮሺኬ፤ ጋዓንቴ ዬይ ዒንሢኮ ታኣኒ ዒንሢና ናንጋ ዎዶ''ና ሌሊ ማዖፓ።

¹⁹ታ ናይዮቴ! ኪሪስቶሴ ዒንሢዳ ፔጋዺ ጴዻንዳያ ሄላ''ንዳኣና ጊንሣ ዒንሢ ዛሎ'' ማሊፆና ሾይቺ ቆፂ''ሢ ሜታሳሢጉዲ ሜቶይዳ ታ ዓኣኔ።

²⁰ዱማ ማዔ ጎይሢና ዒንሢም ኬኤዛኒ ሃሢ ታ ዒንሢ ኮራታቴ ዓይጎ! ጋዓንቴ ዓይጎ ታ ማዻንዳቴያ ዔርቶ ዒፂ ባሼሢሮ ታ ሜታዻኔ።

²¹ዒንሢ ሙሴ ዔርዜ ዎጎም ዓይሢንቲ ናንጋኒ ኮዓ ዓሳ፥ ሂንዳ ታኣም ኬኤዙዋቴ፤ ዎጋ'' ዎዚ ጋዓቴያ ዒንሢ ዋይዙዋዓዳ?

²²ዎጎ ማፃኣፖይዳ፦ «ዓብራሃሜኮ ላምዖ ናይ ዓኣኔ፤ ፔቴ''ሢ ዒዛኮ ዓይሌ''ላ ሾዔያ ማዓዛ፥ ባጋሢ ሾይንቴሢ ማኣሮ ዒንዶይዳፓኬ» ጌይንቲ ፃኣፒንቴኔ።

²³ዓይሌ''ሎይዳፓ ሾይንቴሢ ዓሲ ማሊሢና ማዓዛ ማኣሮ ዒንዶ ናዓሢ ሾይንቴሢ ጋዓንቴ ፆኦሲ ዒንጌ ዎዞ'' ቃኣሎ'' ጎይፆናኬ።

²⁴ዬንሢ ላምዖ ላኣሎንሢ ፆኦሲ ጫኣቄ ላምዖ ጫኣቁሞኮ ኮኦኪንሢ ማዓኔ። ፔቴ''ዛ፥ ሲና ዹኮ''ና ኮኦኪንሢንታዛ ዓጋኣሮኬ፤ ዒዛ ናኣቶ'' ሾዓሢ ዓይሉሞምኬ።

²⁵ዓጋኣራ ዓሬቦ'' ዓጮ''ይዳ ዓኣ፥ ሲና ዹኮ'' ማላታኬ፤ ዬያሮ ሃሢ ዓኣ ዬሩሳላሜ ማላኔ፤ ዒዛ ፔኤኮ ናኣቶ''ና ዎላ'' ዓይሉሞይዳ ዓኣያኬ።

²⁶ሎ ጫሪንጫፓ ማዔ፥ ዬሩሳላሜ ጋዓንቴ ዓይሌ''ቱዋሴ፤ ዒዛ ኑኡኮ ዒንዴሎኬ።

²⁷ዓይጎሮ ጌዔቶ፦ «ኔኤኒ ናይ ሾውዋ ዞኦኬሌ ዎዛዼ! ኔኤኒ ሾዓኒ ባኒ ዔሩዋዜሌ ዒላሼ! ዓኒ ዓኣ ላኣሌሎይዳፓ ባሼ ዓኒ ሃሼ'' ላኣሌሎኮ ሚርጌ ናይ ዓኣያ ማዓንዳኔ» ጌይንቲ ፃኣፒንቴኔ።

²⁸ታ ዒሾንሦ! ታ ሚሾንሦ! ዒንሢያ ዪሳኣቄጉዲ ዒንጊንቴ ዎዞ'' ቃኣሎ'' ናኣቶ''ኬ።

²⁹ጋዓንቴ ዬኖ ዎዶ''ና ዓሲ ማሊሢና ሾይንቴሢ ዓያኖ ማሊፆና ሾይንቴሢ ዒፂ ዳውሴሢጉዲ ሓኖ''ዋ ዬያጉዲኬ።

³⁰ጋዓንቴ ጌኤዦ ማፃኣፓ ዬያ ዛሎ'' ዎዚ ጋዓይ? ማፃኣፓ፦ «ዓይሌ''ሎ ናዓሢ ማኣሮ ዒንዳ ሾዔ ናዓሢና ዎላ'' ዓዶ ባኮ ዻካሊንዱዋኣሢሮ ዓይሌ''ሎ ናዓሢና ዎላ'' ኬሲ'' ዳኬ» ጋዓኔ።

³¹ዬያሮ ታ ዒሾንሦ! ታ ሚሾንሦ! ኑኡኒ ማኣሮ ዒንዶ ናኣቶ''ኬ፤ ዓይሌ''ሎ ናኣቶ''ቱዋሴ።