Read maale ዔፕሶኔ ዓሶም 2 Bible Online

ዔፕሶኔ ዓሶም 2 - maale bible

ዔፕሶኔ ዓሶም 2

¹ዒንሢ ዒንሢኮ ዻቢንቶና ጎሞ ዛሎ''ና ቤርታ ዓያኖ ናንጎ ዛሎ''ና ሓይቄያኬ፤

²ዬያ ዎዶ''ና ሃያ ዓጮ''ኮ ፑርቶ ማዾ'' ማዺ ማዺ ዻቢንቲና ጎሜናይዳ ዒንሢ ናንጋያኬ፤ ዬያጉዲ ሃሣ ሳዖኮ ዑፃ፥ ዢባራ ዓኣ ፑርቶ ዓያኖ ዓይሣሢሲ፤ ሃሢያ ፆኦሲም ዓይሢንቱዋ ዓሶ ቆላሢሲ ዒንሢ ኩንሣኔ።

³ኑኡኒያ ቢያሢ ዬያ ዓሶ ባኣካ'' ኑኡኮ ዓሱሞ ማሊፆ፥ ዒኖሲ ኩንሢ ኩንሢ ሃያኮ ቤርታ ኑም ኮይሳ ጎይሢ ኑ ናንጋኔ፤ ሃሣ ዓቴ'' ዬያ ዓሶጉዲ ኑ ሾይንታፓ ዓርቃዖ ፆኦሲ ዻጋሳ ዓሲኬ።

⁴ጋዓንቴ ማኣሪፆና ዖርጎቺ ማዔ ፆኦዛሢ ኑና ዒ ናሽኬ፥ ዼኤፖ ናሹማፓ ዔቄያና፥

⁵ዎዚ ኑ ዻቢንቶና ሓይቄያ ማዔቴያ ኪሪስቶሴና ናንጊ ኑም ፆኦሲ ዒንጌኔ፤ ዒንሢያ ዻቄሢ ዒዛኮ ኮሹሞ ዒንጊፆናኬ።

⁶ፆኦሲ ዬሱስ ኪሪስቶሴና ዎላ'' ኑና ሃይባ''ፓ ዔቂሲ፥ ዬሱሴና ዎላ'' ጫሪንጫ ዒ ዓኣ ቤዛ ኑና ጌሤኔ።

⁷ዬያ ዒ ማዼሢ' ሙካ ዎዶ''ይዳ ዬሱስ ኪሪስቶሴ ዛሎ''ና ፔ ኮሹሞና ኑም ፔጋሲ ዻዋ ኮሹሞ ዒንጊፆ ሚርጉሞ ዔርዛኒ ኮዒኬ።

⁸ዓይጎሮ ጌዔቴ ዒንሢ ዻቄሢ ጉሙርቂሢና ፆኦሲኮ ኮሹሞ ዒንጊፆ ዛሎ''ናኬ፤ ዬይ ፆኦሲ ዒንጊሢ ማዓንዳኣፓዓቴም ዒንሢ ማዾና ጴዼያቱዋሴ።

⁹ሓይ ዻቂንታ ጴዼሢ ማዾናቱዋኣሢሮ ዓይጎ ዓሲያ ሄርሺንታኒ ኮይሱዋሴ፤

¹⁰ዓይጎሮ ጌዔቴ ኑኡኒ ቤርታዺ ፆኦሲ ጊኢጊሼ፥ ኮዦ ማዾ'' ማዻንዳጉዲ ዬሱስ ኪሪስቶሴ ዛሎ''ና ማዢንቴ ፆኦሲ ማዢንቲኬ።

¹¹ዬያሮ ዒንሢ ቤርታ ሾይንቶና ዓይሁዴ ማዒባኣ ዓሳ፡ ዓይሁዶ ዓሳ ዔያቶኮ ዓቲንቶ ቤርቶ ዓሲ ቲቄያታንቴ ሄርሺንቲ ሄርሺንቲ፦ «ዒንሢ ዓቲንቶ ቤርቶ ቲቂንቲባኣዞንሢ ሓይ!» ዒንሢ ጋዓሢ ማሉዋቴ።

¹²ዬኖ ዎዶ''ና ዒንሢ ዒስራዔኤሌ ዜርሢ ጌይንቱዋዖ ሃሣ ቤርታ ዔያቶም ጫኣቆና ጫኣቁሞኮ ዙላ'' ማዒ፥ ሃያ ዓጮ''ይዳ ሃጊ ማዓ ዎዛ ባኣያ ማዒ ጊንሣ ፆኦሲዳፓኣ ዱማዺ ኪሪስቶሴያ ዔሩዋዖ ዒንሢ ናንጋኔ።

¹³ሓሢ ጋዓንቴ ቤርታ ዒንሢ ሃኪ ዓኣ ዓሳ ዬሱስ ኪሪስቶሴ ዛሎ''ና፤ ሓሣ ዒዛኮ ሱጉፆና ፆኦሲ ባንሢ ዒንሢ ዑኬኔ።

¹⁴ቤርታ ኑና ፓቂ ዎላ'' ካኣሞ ላኣጌ ባኮ ሺኢሺ፥ ዓይሁዶና ዓይሁዴ ማዒባኣ ዓሶና ፔቴ'' ማሂ ቡኩሴሢ ኪሪስቶሴኬ።

¹⁵ኮሹሞ ዒንጋኒ ላምዖ ዴሮ''ይዳፓ ዒዛና ፔቴ'' ማዓ፥ ፔቴ'' ዓኪ ዜርሢ ማሂ ማዣኒ ዎጎኮ ዓይሢፆና ማዾ ጎይፆና ፔ ሃይቦ''ና ባይዜኔ።

¹⁶ኪሪስቶሴ ፑርቶ ዓሶ ሱፆ ሚፆይዳ ሓይቂ፥ ዎላ'' ካኣሙዋ ዓሶዋ ካንሢ ላምዖ ዜርፆ ፔቴ'' ማሂ ፆኦሲና ዎላ'' ቡኩሴኔ።

¹⁷ዒዚ ሙኪ ዒንሢ ፆኦሲፓ ሃኪ ዓኣ ዓሶና ዑኬ ዓኣ ዓይሁዶ ዓሶናም ኮሹሞ ዛላ ኬኤዜኔ።

¹⁸ዬያሮ ኑኡኒ ቢያሢ ዒዛ ዛሎ''ና ፔቴ'' ዓያናና ማዒ ዓዳሢ ባንሢ ሙካኒ ዳንዳዓኔ።

¹⁹ዓካሪ ዒንሢ፡ ፆኦሲም ዱማዼዞንሢና ዎላ'' ፔቴ'' ዓጪ ዓሲ፤ ሃሣ ፆኦሲ ማኣሪ ዓሲ ማዓንዳኣፓዓቴም ሃካፓ ሴካ ዒንሢ ሾኦቺና ቤቲ ሙኬ ዓሲናቱዋሴ።

²⁰ፆኦሲ ማዾ''ም ዳኪንቴዞንሢና ፆኦሲ ማሊፆ ኬኤዛ ዓሳ ዓርቄ ቦኦኮላሢዳ ዒንሢ ማዢንቴኔ፤ ማኣሮኮዋ ሄሎ ማዔ ሹጫሢ ዬሱስ ኪሪስቶሴኬ።

²¹ማኣሮ ማዦ ባካ ቢያ ዒዛና ካኣሚ ካኣሚ ጎዳም ዱማዼ ጌኤሺ ማኣሪ ማዓኒ ማዢንታኔ።

²²ፆኦሲ ፔ ዓያኖና ዎርቃ ማኣሪ ማዓንዳጉዲ ኪሪስቶሴ ዒንሢያ ማዣኔ።