Read maale ፂሞቴዎሴም 1 3 Bible Online

ፂሞቴዎሴም 1 3 - maale bible

ፂሞቴዎሴም 1 3

¹«ፔቴ'' ዓሲ ሺኢጲፆ ማኣሮ ዓሶ ዎይሣ ዓሲ ማዓኒ ኮዔቴ ኮሺ ማዻኒ ኮዓኔ» ጌይንታ ቃኣላ'' ጎኔኬ።

²ዬያሮ ሺኢጲፆ ማኣሮ ዓሶ ዎይሣ ዓሲ ያዺ ማዓኒ ኮይሳኔ፦ ዾንኪሳ ባኣዚ'' ባኣያ፥ ፔቴ'' ላኣሊ ዔኬያ፥ ኮይሳ ጎይሢ ናንጋያ፥ ፔና ዔሪ ዎይሣያ፥ ቤሲ ዔሪ ማዻያ፥ ዓሲ ሾኦቺንሢ ዔካያ፥ ዓሲ ዔርዛኒ ዳንዳዓያ፥

³ዑሽኪ ማሢንቱዋያ፥ ዓሲና ዣሉዋያ፥ ሼሌዔ ዓሲ፥ ኮሺ ዓሲ፥ ሚኢሼ ባሼ ናሽኩዋያ፥

⁴ፔ ናኣቶ'' ዒዛም ዓይሢንታያና ቦንቻያ ማሂ ዲቺ፥ ፔ ማኣሮ ዓሶ ኮሺ ጎይሢና ዎይሣ ዓሲ ማዓንዳያ ኮይሳኔ።

⁵ዓሲ ፔ ማኣሮ ዓሶ ዎይሣኒ ዳንዳዒባኣያ ማዔቴ ፆኦሲ ዓሶ ዎዲ'' ዎይሣኒ ዳንዳዓንዳይ!

⁶ፃላሄ ዖቶርሞና ሄርሺንቲ ሎኦሚ፥ ፑርታና ዎጊንቴ ጎይፆ ማዑዋጉዲ ኪሪስቶሴ ጉሙርቂ ዶዲባኣ ዓሲ ሺኢጲፆ ማኣሮ ዓሶ ዎይሣያ ማዖፓ።

⁷ዾንኪንታ ዓሲ ማዒ ፃላሄ ፒሮይዳ ጌሉዋጉዲ ኪሪስቶሴ ጉሙርቁዋ ዓሳ «ኮሺ ዓሲኬ» ዒዛ ጋዓያ ማዖንጎ።

⁸ዬያጉዲ ሺኢጲፆ ማኣሮይዳ ዲያቆኔ ማዒ ማዻ ዓሳ ቦንቺንታያና ጌስታ ጌኤዞና ጉሙርቂንታያ፥ ሚርጌ ዑሺ ሱኡካዹዋያ፥ ሚኢሼ ዴንቃኒ ሌሊ ጳሽኪ ሃንቱዋያ፥

⁹ኪሪስቶሴ ጉሙርቂፆ ዛሎ''ኮ ዓኣሺንቴ ማሊፆዋ ጌኤሺ ዒናና ዔሪ ካፓያ ማዓኒ ኮይሳኔ።

¹⁰ዔያታ ቤርታዺ ዛጊንቲ ዔርቶንጎ፤ ዬካፓ ዾንኪሳ ባኣዚ'' ባኣያ ማዒ ጴዼቶ ሺኢጲፆ ማኣሮ ዓሶ ዎይሣ ዓሶ ማኣዲ'' ማዻዞንሢ ማዖንጎ።

¹¹ዬያጉዲ ሃሣ ላኣላ ዔያቶኮ ኮሺ ዓሲ ሃሣ ዓሲ ዾንኩዋያ፥ ኮይሳ ጎይሢ ናንጋያ፥ ቢያ ባኣዚ''ናኣ ጉሙርቂንታያ ማዓኒ ኮይሳኔ።

¹²ማኣዲ'' ማዻ ዓሳ ፔቴ'' ላኣሊ ዔኬያ ማዓኒ ኮይሳኔ፤ ሃሣ ፔኤኮ ናኣቶ''ና ማኣሮ ዓሶና ኮሺ'' ዓርቂ ዎይሣያ ማዓኒ ኮይሳኔ።

¹³ማኣዲ'' ማዺፆና ኮሺ ማዾ ማዻዞንሢ፦ ዼኤፒ ቦንቺንቲሢና ዬሱስ ኪሪስቶሴ ጉሙርቂፆ ዛሎ''ዋ ጫርቂ ኬኤዛያ ማዓንዳኔ።

¹⁴ሓያ ኪኢቶ'' ታ ኔኤም ፃኣፓኣና ዑኬ ታ ኔና ሙኪ ዛጋንዳሢ ጉሙርቂኬ።

¹⁵ታ ኔጌያ ማዔቴያ ፆኦሲ ማኣራ ዓሳ ዎዲ'' ናንጋንዳቴያ ኔ ዔራንዳጉዲ ጌይ ታ ኔኤም ሃያ ፃኣፓኔ፤ ዬና ማኣሮ ዓሳ ጎኑሞኮ ቱርቱሮና ቦኦኮላሢና ማዔ፥ ናንጊና ባይቁዋ ፆኦዛሢ ጉሙርቃ ዓሶኬ።

¹⁶ኑኡኮ ካኣሽኪፆኮ ፆኦሲ ፔጋሴ ዓኣሺንቴ ማሊፃ ጎኔና ዼኤፒኬ፤ ዬይያ ኪሪስቶሴ ዛሎ''፦ «ዓሲ ማዒ ጴዼሢ ጎኑማ ዓያኖና ዔርቴሢ ፆኦሲ ኪኢታንቾም ጴዼሢ ዴሮ'' ቢያም ኬኤዚንቴሢ ዓጮ''ይዳ ዓኣ ዓሳ ጉሙርቄሢ ቦንቾና ሌካ ጫሪንጮ ዔውቴሢ» ጋዓሢኬ።