Read maale ፂሞቴዎሴም 1 4 Bible Online

ፂሞቴዎሴም 1 4 - maale bible

ፂሞቴዎሴም 1 4

¹ዓያና ጌኤሺ፦ «ጋፒንፆ ዎዶ'' ባንሢ ማዓኣና ፔቴ'' ፔቴ'' ዓሳ ዻቢሻ ዓያናና ፑርታ ዓያናናይዳፓ ማዔ ዔራቶ ዔኪ ፆኦሲ ካኣዦ ሃሻ''ንዳኔ» ጌይ ፔጋሲ ኬኤዛኔ።

²ዬያጉዴ ዔርዚፃ ኬስካሢ ዔያቶኮ ዒና'' ዖይዼ ዓንጊና ሚቺንቴ ዑሢጉዲ ዶጬያ ማዔ፥ ጎኔ ማሊሲ ሉኡቂ ኬኤዛ ዓሶይዳፓኬ።

³ዬያጉዴ ዓሳ ዔፒ ላኣጋኔ፤ ሓሣ ፆኦሲ ጉሙርቃ ዓሶና ጎኑሞ ዔራ ዓሳ ፆኦሲ ጋላቲ ጋላቲ ሙዑዋጉዲ ፆኦሲ ማዤ ሙዖ «ሙዒፖቴ» ጌይ ጌይ ላኣጋኔ።

⁴ጋዓንቴ ፆኦሲ ማዤ ባካ ቢያ ኮሺኬ፤ ፆኦሲ ጋላቲ ሙይንቴያ ማዔቴ ሃሺ''ንታ ባኣዚ'' ባኣሴ።

⁵ዎይቲ ጌዔቴ ፆኦሲ ቃኣላ'' ጌዔ ጎይፆ ዒንሢኮ ሺኢጲፆና ሙይንታኒ ዳንዳዓያ ማዓንዳኔ።

⁶ሓያ ባኮ ኪሪስቶሴ ጉሙርቃ ዓሶም ኔ ኬኤዚ ዔርዜቶ ፆኦሲ ጉሙርቂፆ ቃኣሎ''ና ኮዦ ዔርዚፆና ዋይዚ ዋይዚ ዲጬያ፥ ዬሱስ ኪሪስቶሴም ኮሺ ማዻያ ማዔሢ ዬያና ኔ ማርካሳንዳኔ።

⁷ጋርቼ ላኣሎኮ ፓሡዋ ሓይሶና ሃያ ዓጮ''ኮ ጉሪ ማዔ ሃይሶይዳፓ ሃኪ፥ ዓያና ዛላ ባኣዚ'' ማዺ ማዺ ዔሬ።

⁸ዑሢ ዶዲሻኒ ማዺንታ ማዾ ዻካ'' ዎዴሮ ማኣዳ''ኔ፤ ዓያና ዛላ ባኣዚ'' ማዺ ማዺ ዔሪሢ ጋዓንቴ ሓሢያ ማዖም ሃጊያ ማዓንዳ ናንጎም ዎዛ ዓኣያ ማዔሢሮ ቢያሢም ማኣዳ''ያኬ።

⁹ዬይ ዓሲ ቢያ ዔራኒ ኮይሳ ጎኔ ሓይሴኬ።

¹⁰ኑኡኒያ ሜታዺ ማዾና ላቢ''ንታሢ ዬያሮኬ፤ ዓይጎሮ ጌዔቴ ኑኡኒ ሃጊ ማዓንዳ ዎዞ'' ጌሣሢ ዓሶ ቢያ፤ ባሼና ሓሣ ፆኦሲ ጉሙርቃ ዓሶ ቢያ ዻቂሻያ፥ ባይቁዋ፥ ፆኦዛሢዳታሢሮኬ።

¹¹ሃንሢ ባኮ ዓሶ ዓይሤ፤ ሃሣ ዔርዜ።

¹²ኔኤኒ ዼጌ ማዔሢሮ ዖኦኒያ ኔና ቦሆፓ፤ ኔኤኒ ጋዓንቴ ጌስታ ጌኤዞና፥ ናንጋ ናንጎና፥ ናሹሞና፥ ፆኦሲ ጉሙርቂፆና ሃሣ ኔ ናንጎ ዒኢሳ ባኣዚ''ፓ ጌኤሺ'' ካፒሢና ኪሪስቶሴ ጉሙርቃ ዓሶም ኮሺ ማላታ ማዔ።

¹³ታኣኒ ኔ ኮራ ሙካንዳያ ሄላ''ንዳኣና ጌኤዦ ማፃኣፖ ዴሮ''ም ናባቢሢና፥ ኬኤዚሢና፥ ዔርዚሢና ዶዴ።

¹⁴ፆኦሲ ማሊፃ ኔኤም ኬኤዚንቴ ዎዶ''ና ሓሣ ሺኢጲፆ ማኣሮ ዎይሣ ጪማ ኔ ዑፃ ኩጮ ጌሤ ዎዶ''ና ኔኤም ዒንጊንቴ ዓያኖ ዒንጊፆ ማዾይዳ ፔኤሺፆ ዋሊ''ፖ።

¹⁵ኔኤኮ ዲጪፆ ዓሳ ቢያ ዴንቃንዳጉዲ ዬንሢ ባኮንሢ ዶዲ ማዼ፤ ሃሣ ዬንሢ ባኮ ዒናፓ ማዼ።

¹⁶ኔ ዛሎ''፤ ሃሣ ኔ ዔርዛ ዔርዚፆ ዛሎ'' ኔና ዔሬ፤ ዬንሢ ባኮንሢ ዶዲ ማዼ፤ ዬያ ኔ ማዼቴ ኔናንታ ኔኤፓ ዋይዛ ዓሶንታ ኔ ዻቂሻንዳኔ።