Read maale ዔብሬ ዓሶም ዳኪንቴ ኪኢታ 1 Bible Online

ዔብሬ ዓሶም ዳኪንቴ ኪኢታ 1 - maale bible

ዔብሬ ዓሶም ዳኪንቴ ኪኢታ 1

¹ፆኦሲ ሚና ዱማ ዱማ ጎይሢና፥ ፔ ማሊፆ ኬኤዛ ዓሶ ዛሎ''ና፥ ኑ ዓዶንሢም ሚርጌ ዎዴ ኬኤዜኔ፤

²ሓሢ ጋዓንቴ ሃኖ'' ጋፒንፆ ዎዶ''ና ቢያ ባኮ ዒዛም ዒ ማሄ፥ ፔ ናዓሢ ዛሎ''ና ኑም ኬኤዜኔ፤ ዓጫ'' ቢያ ማዢንቴሢ ዒዛናኬ።

³ዒዚ ፆኦሲ ቦንቾኮ ማላታ ሃሣ ዒዛኮ ዓኣ ዖኑማኣ ፆኦሲና ዎላ'' ፔቴ'' ማዓያኬ፤ ጊንሣ ሃሣ ቢታንታ ዓኣ ቃኣሎ''ና ሳዖንታ ዓኣ ባኮ ቢያ ፔቴ''ይዳ ዒ ዓርቄያኬ፤ ዓሶኮዋ ዒ ጎሞ ጌኤሼስካፓ ጫሪንጮይዳ ዼኤፖ ፆኦዛሢኮ ሚዛቆ ዛላ'' ዴዔኔ።

⁴ዒዛም ጌሢንቴ ሱ'ንፃ ኪኢታንቾ ሱ'ንፆይዳፓ ባሼ ማዔ ጎይፆና ፆኦሲኮ ናዓሢ ኪኢታንቾይዳፓ ቢያ ባሻያኬ።

⁵ዎይቲ ጌዔቴ ፆኦሲ ኪኢታንቾ ባኣካ''ፓ፦ «ኔኤኒ ታኣኮ ናዓሢኬ፤ ታ ኔኤኮ ሃኖ'' ዓዶ ማዔኔ።» ሃሣ ጊንሣ፦ «ታ ዒዛኮ ዓዶ ማዓንዳኔ፤ ዒ ታኣኮ ናኣዚ'' ማዓንዳኔ» ጌዔይ ፔቴ''ታዖ ባኣሴ።

⁶ፆኦሲ ፔኤኮ ቶይዶ'' ናዓሢ ዓጮ'' ዳካኣና፦ «ፆኦሲ ኪኢታንቻ ቢያ ዒዛም ዚጎንጎ» ጌዔኔ።

⁷ኪኢታንቾ ዛሎ'' ጋዓንቴ፦ «ኪኢታንቾ ዢባሬ፥ ዒዛም ማዻ ዓሶዋ ታሚ ሎስቶ ታ ማሃንዳኔ» ጌዔኔ።

⁸ፔ ናዓሢ ዛሎ'' ጋዓንቴ፦ «ፆኦሲዮ! ኔኤኮ ካኣቱሞ ዖይታ'' ናንጊና ባይቁዋዖ ናንጋንዳኔ፤ ኔኤኮ ካኣቱሞ ፂሉ''ሞና ኔ ዔኪ ዓኣዻንዳኔ፤

⁹ፂሉ''ሞ ኔ ናሽኪ ፑርቱሞ ኔ ዒፄኔ፤ ዬያሮ ፆኦሲ፥ ኔ ፆኦዛሢ ኔና ዶኦሬኔ፤ ኔኤኮ ላጎይዳፓ ባሼ ዎዛ ዺቢሺ ኔኤም ዒዚ ዒንጌኔ» ጌዔኔ።

¹⁰ዬያጉዲ ሃሣ፦ «ጎዳሢዮ! ኔኤኒ ቤርታ ሳዖ ማዤኔ፤ ጫሪንጮዋ ኔ ኩቻ ኔ ማዤያኬ።

¹¹ዬያታ ቢያ ባይቃንዳኔ፤ ኔኤኒ ጋዓንቴ ናንጊና ናንጋንዳኔ፤ ዔያታ ዓፒላጉዲ ጪንቃንዳኔ።

¹²ሃሣ ኔ ዔያቶ ዼኤፒ ኮኦቴጉዲ ጳንጫንዳኔ፤ ዓፒላጉዲ ዔያታ ላኣሚንታንዳኔ፤ ኔኤኒ ጋዓንቴ ቢያ ዎዴ ኔናኬ፤ ፔቴ''ታዖ ኔ ጋርቹዋያኬ» ጋዓኔ።

¹³ፆኦሲ ፔኤኮ ኪኢታንቾ ባኣካ''ፓ፦ «ኔ ሞርኮ ታ ኔና ባሺሳንዳያ ሄላ''ንዳኣና ታኣኮ ሚዛቆ ዛላ'' ዴዔ» ጌዔያ ፔቴ''ታዖ ባኣሴ።

¹⁴ዓካሪ ኪኢታንቻ ዻቃዞንሢ ማኣዳ''ኒ ፆኦሲፓ ዳኪንቲ ማዻ፥ ዓያኖቱዋዓዳ?