Read maale ዔብሬ ዓሶም ዳኪንቴ ኪኢታ 2 Bible Online

ዔብሬ ዓሶም ዳኪንቴ ኪኢታ 2 - maale bible

ዔብሬ ዓሶም ዳኪንቴ ኪኢታ 2

¹ዬያሮ ኑ ዋይዜ ባኮይዳፓ ዻቢንቲ ኬስኩዋጉዲ ኑ ዋይዜ ባኮ ኮሺ'' ጉሙርቂ ዓርቃንዳያ ኮይሳኔ።

²ቤርታ ፆኦሲ ኪኢታንቾ ዛሎ''ና ኬኤዚንቴ ባካ ጎኔ ማዒ ዔርቴኔ፤ ዬያ ኬኤዚንቴ ባኮይዳፓ ዑሣ ዓኣዼሢና ዬያ ዓይሢንቴ ባኮ ኩንሡዋኣሢ ኮይሳ ሜቶ ዔካኔ፤

³ዓካሪ ኑኡኒ ሃሢ ሃያ ዼኤፖ ዻቂንቶ ቦሂ ሃሻ''ያ ማዔቴ ዎዲ'' ኑ ቶሊ'' ዓታንዳይ? ሓያ ዻቂንቶ ቤርታዺ ጎዳ ኑም ፔኤሮ ኬኤዜኔ፤ ዋይዜ ዓሳኣ ጎኔ ማዒፆ ኑም ዔርዜኔ።

⁴ፆኦሲያ ማላታና ዲቃሣ ባኣዚ''ና ሃሣ ዱማ ዱማ ፔ ዎልቄና ማዺንታ ዓኪ ባኣዚ'' ማዺሢና ዬያጉዲ ሃሣ ዒና'' ናሽኬሢጉዴያ ዓያኖ ጌኤዦ ዒንጌ ዒንጊፆ ዛሎ''ና ፔኤሮ ማርካዼኔ።

⁵ፆኦሲ፡ «ሃጊ ሙካንዳኔ» ጌዒ ኑኡኒ ኬኤዛ ዓጮ'' ኪኢታንቻ ዎይሣንዳጉዲ ጌይባኣሴ፤

⁶ዬያ ዛሎ''ና ጌኤዦ ማፃኣፖይዳ ፔቴ'' ቤስካ፦ «ኔ ማሊ ጶቂሣንዳጉዲ ዓሲንሢ ዓይጎ ባኣዚ''ዳይ? ኔ ዔያቶ ዛሎ'' ማላንዳጉዲ ዓሲ ዓይጎ ባኣዚ''ዳይ?

⁷ኪኢታንቾይዳፓ ዻካ'' ኔ ዔያቶ ሂርኪሴኔ፥ ቦንቺንታያና ጋላቲንታያና ማዒፆ ዔርዛ፥ ቦንቾ ባኮ ኔ ዔያቶ ቶኦካ'' ዓጌኔ፤

⁸ቢያ ባኮዋ ዔያታ ዎይሣንዳጉዲ ኔ ማሄኔ» ጌይንቴ ባኣዚ'' ዓኣኔ። ቢያሢ ዔያታ ዎይሣንዳጉዲ ማሃ ዎዶ''ና ዔያታ ዎይሣንዳጉዲ ማሁዋዖ ሃሾ''ና ባኣዚ'' ዓይጌያ ባኣሴ፤ ጋዓንቴ ሃሢ ቢያ ባኮ ዔያታ ዎይሣሢ ኑ ሃጊ ዛጊባኣሴ።

⁹ሓሢ ጋዓንቴ ኪኢታንቾይዳፓ ዻካ'' ሂርኪዶና፥ ዬሱሴ ሃይቢ ሜቶ ዔኬያታሢሮ ቦንቺንታያና ጋላቲንታያ ማዒፆ ዔርዛ፥ ቦንቾ ባኮ ቶኦካ ዓጊ ዓኣንቴ ኑ ዛጋንዳኔ፤ ፆኦሲ ዒዛም ዒንጌ ዒንጊፆና ዒዚ ኑ ዛሎ''ሮ ሓይቄኔ።

¹⁰ቢያ ባካ ዒዛም ሃሣ ዒዛና ናንጋ ፆኦዛሢ' ሚርጌ ናኣቶ'' ፔ ቦንቾ ባንሢ ዔኪ ሙካኒ ጌዒ ዻቂንቶኮ ዓርና ማዔ፥ ዬሱሴ ሜቶና ሜታሲ ጊኢጌያ ማሃኒ ኮይሳያ ማዔም ማዼኔ።

¹¹ዓሶ ፆኦሲም ዱማሳሢና ዒዛ ዛሎ''ና ፆኦሲም ዱማዼያ ማዔ ዓሶና ፔቴ'' ዓዶ ናይኬ፤ ዬያሮ ዬሱሴ ዔያቶ «ታ ዒጊኖንሢዮቴ» ጋዓኒ ሴልቁዋሴ።

¹²ዬያ ዛሎ'' ጌኤዦ ማፃኣፖይዳ፦ «ኔ ማዼ ባኮ ታ ዒጊኖም ታ ኬኤዛንዳኔ፤ ቡኪንቶ ባኣኮ''ይዳ ዓይኑሞና ታ ኔና ጋላታንዳኔ» ጋዓኔ።

¹³ዬያጉዲ፦ «ታ ዒዛ ጉሙርቃንዳኔ» ጋዔኔ። ሃሣ ጊንሣ፦ «ሓይሾ፥ ታኣና ፆኦሲ ታኣም ዒንጌ ናኣቶ''ና» ጋዓኔ።

¹⁴ዬያሮ ናኣታ'' ዓሽኪና ሱጉሢና ዓኣ ዓሲ ማዔ ጎይፆ፥ ዬሱሴያ ዔያቶጉዲ ዓሲ ማዔኔ፤ ዬያ ዒ ማዼሢ' ሃይቂ፥ ሃይቢዳ ቢታንቶ ዓኣ ፃላሄ ባይዛኒኬ።

¹⁵ዬያጉዲ ሃሣ ፔ ናንጎ ዎዶ'' ቢያይዳ ሓይቢ ዒጊጪሢና ሓይቢ ዒጊቹሞም ዓይሌ'' ማዒ ናንጋ ዓሶ ዬያይዳፓ ኬሳ''ኒኬ።

¹⁶ዒዚ ሙኬሢ' ኪኢታንቾ ማኣዳ''ኒቱዋንቴ ዓብራሃሜ ዜርፆ ማኣዳ''ኒ ማሊኬ፤

¹⁷ዬያሮ ቢያ ባኣዚ''ና ፔ ዒሾንሢንታ ሚሾንሢንታጉዲ ማዓኒ ዒዛ ኮይሳያ ማዔም ማዼኔ፤ ዬያ ዒ ማዼሢ' ዓቶም ጋዓያና ጉሙርቂንታ፥ ቄኤሶኮ ዑሢ ማዒ ፆኦሲም ማዻኒና ዓሶኮ ቢያ ጎሞ ባይዛኒኬ።

¹⁸ዒዛ ጌሺ ዛጎና ዎዶ''ና ዒ ሜቶ ዔኬያታሢሮ ሃሢ ጌሺፆና ዛጎዞንሢ ዒ ማኣዳ''ኒ ዳንዳዓኔ።