Read maale ዔብሬ ዓሶም ዳኪንቴ ኪኢታ 4 Bible Online

ዔብሬ ዓሶም ዳኪንቴ ኪኢታ 4 - maale bible

ዔብሬ ዓሶም ዳኪንቴ ኪኢታ 4

¹ዓካሪ፡ ዒዚ ኑም ዒንጋ ሃውሾይዳ ጌላንዳጉዲ ጌዒ ኑም ዒንጎና ሃጊ ማዓንዳ ዎዛ'' ሃጊ ዓኣ ጎይሣ ዓኣሢሮ ዒንሢዳፓ ዖኦኒያ ዬኖ ሃውሾይዳ ጌሉዋዖ ዓቱዋጉዲ ቢያሢ ሂርጊ ኑና ኑ ካፖም።

²ዓይጎሮ ጌዔቴ ኮዦ ሓይሶ ዬኖ ዎዶ''ና ዔያታ ዋይዜ ጎይፆ ኑኡኒያ ዋይዜኔ፤ ጋዓንቴ ዔያታ ዋይዜ ባኮ ጉሙርቂ ዔኪባኣሢሮ ዔያቶ ማኣዲ''ባኣሴ።

³ፆኦሲ፦ «ታኣኒ ዔያቶም ዒንጋንዳ ሃውሾ ቤዜሎ ፔቴ''ታዖ ዔያታ ጌላዓ ጌዒ ዻጋና ታ ጫኣቄኔ» ጌዔኔ። ፆኦሲኮ ማዻ'' ሳዓ ማዢንቴሢዳፓ ዓርቃዖ ማዺንቲ ኩሜያ ማዔቴያ ኑኡኒ ጉሙርቃ ዓሳ ጋዓንቴ ዬኖ ሃውሾ ቤዜሎ ጌላንዳኔ።

⁴ዎይቲ ጌዔቴ ላንካሳ ኬሎ'' ዛሎ'' ፔቴ'' ቤሲዳ «ፆኦሲ ላንካሳ ኬሎ''ና ማዾ'' ሃሼ''ኔ» ጌይንቲ ፃኣፒንቴኔ።

⁵ዬያጉዲ ላሚ ሃሣ፦ «ታ ዔያቶም ዒንጋ ሃውሾይዳ ፔቴ''ታዖ ዔያታ ጌላዓ» ጋዓኔ።

⁶ዔያታ ኮዦ ሃይሶ ቤርታ ዋይዚ ዓይሢንቲባኣሢሮ ፆኦሲ ዔያቶም ዒንጋኒ ጌዔ ሃውሾ ቤዞ ዔያታ ጌሊባኣሴ፤ ጋዓንቴ ዒኢካ ጌላንዳጉዲ ጌይንቴ ፔቴ'' ፔቴ'' ዓሲ ዓኣኔ።

⁷ቤርታ ዳውቴ ዛሎ''ና፥ «ሓኖ'' ዒንሢ ፆኦሲኮ ዑኡዞ ዋይዛያ ማዔቴ፥ ዒኖ'' ዒንሢኮ ዶዲሺ ዋይዚ ዒፃያ ማሂፖቴ» ጌይንቴሢጉዲ፥ ፆኦሲ፡ ሚርጌ ዎዴኮ ጊንፃፓ «ሓኖ''» ጌይ ሜሌ'' ኬሊ'' ጌሤኔ።

⁸ዒያሱ ፆኦሲ ዔያቶም ዒንጋንዳኔ ጌዔ ሃውሾ ዔያቶም ዒንጌያ ማዔያታቴ ፆኦሲ ሃሣ «ሓኖ''» ጌዒ ሜሌ'' ኬሊ'' ኬኤዚንዱዋያታንቴኬ።

⁹ዓካሪ፡ ፆኦሲ ዴሮ''ኮ ዓይሁዶ ዓሶ ሃውሾ ኬሎ'' ማላ ሃውሾ ኬሊ'' ሃጊ ዓኣኔ፤

¹⁰ዬያሮ ፆኦሲ' ማዾ'' ሃሼ''ሢጉዲ ፆኦሲ ዒንጋ ሃውሾይዳ ጌላሢያ ማዾ'' ሃሻ''ንዳኔ።

¹¹ዓካሪ ዬንሢ ዓሶንሢ ዓይሢንቶ ዒፄሢጉዲ ማዒ ኑ ዓቱዋጉዲ ፆኦሲ ዒንጋ ሃውሾይዳ ጌላኒ ኑ ዶዶም።

¹²ፆኦሲኮ ቃኣላ'' ናንጊና ናንጋያ ሃሣ ማዾዋ ማዻያኬ፤ ላምዖ ዛላ'' ጉቤ ዓጬ ማዔ፥ ጬንቻ ዓፓሮይዳፓ ባሼ ዓጫያኬ፤ ሼምፓሢና ዓያኖና፥ ሻዦና ጪጊጫ ካኣማ'' ካሮ''ዋ ዱማሳንዳያ ሄላ''ንዳኣና ቲቃያኬ፤ ዒናይዳ ዓኣ ማሊሢና ሱኡኬና ዔሪ ዎጋያኬ።

¹³ፆኦሲ ቤርቶይዳፓ ዓኣሺንታ፥ ዓይጎ ማዢንቲያ ባኣሴ፤ ዒዛ ቤርታ ቢያ ባኣዚ'' ፔጋዼያ ሃሣ ካሎ'' ማዒ ጴዻያኬ፤ ኑኡኒያ ኑ ዖኦጪንታ ባኮ ማሂ ኬኤዛኒ ኮይሳሢ ዒዛ ቤርቶይዳኬ።

¹⁴ዓካሪ ሌካ ጫሪንጮ ኬስኬ፥ ቄኤሶኮ ዑፃ ማዔ፥ ዼኤፒ ኑኡኮ ዓኣሢሮ ኑኡኮ ጉሙርቂፆ ዶዲ ኑ ዓርቆም፤ ዬይያ ፆኦሲ ናዓሢ፥ ዬሱሴኬ።

¹⁵ኑኡኮ ዓኣ ቄኤሶኮ ዑፃሢ ማዔሢ' ኑ ላቤቴ ሚጪንቲ ኑና ማኣዳ''ኒ ዳንዳዓያኬ፤ ዒዚ ቢያ ባኣዚ''ና ኑጉዲ ዻቢሻኒ ጌሾያይዳ ጌሌያኬ፤ ጋዓንቴ ዒ ዓይጎ ጎሜያ ማዺባኣሴ።

¹⁶ዓካሪ ጎሜኮ ዓቶም ጌይሢ ኑ ዴንቃንዳጉዲና ኑም ኮይሳ ዎዶ''ና ኑና ማኣዳ'' ፆኦሲ ኮሹሞ ዒንጊፆ ኑ ዴንቃንዳጉዲ ዒዛኮ ኮሹማ ጴዻ ካኣቱሞ ዖይቶ ባንሢ ጉሙርቂሢና ኑ ሺኢኮም።