Read maale ዔብሬ ዓሶም ዳኪንቴ ኪኢታ 6 Bible Online

ዔብሬ ዓሶም ዳኪንቴ ኪኢታ 6 - maale bible

ዔብሬ ዓሶም ዳኪንቴ ኪኢታ 6

¹ኪሪስቶሴ ዛሎ'' ኬኤዚንቴ፥ ቤርታሳ ዔርዚፆ ሃሺ'' ሚርጌና ዔርዛ ዔርዚፆ ባንሢ ኑ ዓኣዾም፤ ፓሡዋ ማዾ ማዔ፥ ጎሜ ቡኡፂሢ ዛላና ፆኦሲ ጉሙርቂሢ ዛላና ጊንሣ ኑ ሺሪ ሺሪ ዒዞ ዒንሢም ኬኤዛዓኬ።

²ዬያጉዲ ዋኣሢ ማስቲሢ ዛላ፥ ኪሪስቶሴ ጉሙርቃ ዓሶ ዑፃ ኩቺ ጌሥሢ ዛላ፥ ሓይቄ ዓሶኮ ዔቂሢ ዛላ፥ ፆኦሲ፡ ናንጊና ዎጋንዳ ዎጎ ዛሎ'' ላሚ ዒንሢም ኑ ኬኤዛኒ ኮይሱዋሴ።

³ፆኦሲ ጌዔቴ ዬያ ኑ ማዻንዳኔ።

⁴ጉሙርቂፆ ሃሺ''፥ ፆኦሲ ጎይፃፓ ኬስኬ ዓሶ ላሚ ፆኦሲ ባንሢ ማሃኒ ዳንዳዒንቱዋያኬ፤ ዬያቶም ሃያኮ ቤርታ ፖዒ ፖዔያኬ፤ ሃሣ ዔያታ ጫሪንጫፓ ዒንጊንታ ዒንጊፆዋ ዔኪ ዛጌያ፥ ዓያኖ ጌኤዦናኣ ዎላ ፔቴ'' ማዔያኬ፤

⁵ሓሣ ዔያታ ፆኦሲኮ ኮዦ ቃኣሎ''ና ሃጊ ሙካንዳ ዓጮ''ኮ ዎልቆ ዛጊ ዔሬያኬ፤

⁶ዬያ ቢያ ዛጌስካፓ ጉሙርቂፆ ሃሺ''፥ ኬስኬ ዓሶ ላሚ ጊንሣ ፆኦሲ ባንሢ ማሃኒ ዳንዳዒንቱዋሴ፤ ዓይጎሮ ጌዔቴ ዔያታ ፆኦሲኮ ናዓሢ ላሚ ጊንሣ ሱፂ፥ ዒዛኮ ቶኦኪያ ባይዚሳሢሮኬ።

⁷ሚርጌ ዎዴ ዒዞይዳ ዋርቃ ዒሮ ዑሽካያ፤ ሃሣ ዒዞ ጎሽካሢም ኮይሳ ባኣዚ'' ባቃልሳያ ማዔ ሳዔሎ ፆኦሲ ዓንጃኔ።

⁸ዓንጊሢና ጋውዲና ባቃልሳ ሳዔላ ጋዓንቴ ፓሣ ባኣዚ'' ባኣያ ጉሪ ማዓንዳኔ፤ ሃሣ ዒዛ ጋዳንቂንታኒያ ዑኬኔ፤ ጋፒንፃ ዒዞኮ ታሚና ሚቺንቲ ማዓንዳኔ።

⁹ዒጊኖንሢዮቴ! ዎዚ ኑ ያዺ ጌዔቴያ ዒንሢኮ ዻቂንቶና ዎላ'' ዒንሢም ዒንጊንቴ ኮሺ ባኣዚ'' ዓኣሢ ኑ ዔራኔ።

¹⁰ፆኦሲ ፒዜ ዎጋያታሢሮ ቤርታ ማዔቴያ ሓሢ፡ ዒዛም ዱማዼ ዓሶ ናሽኪ፥ ዒዛ ሱ'ንፆሮ ዒንሢ ማኣዴ'' ማኣዲፆ ዒ ዋሊ''ንዱዋሴ።

¹¹ዒንሢ ቢያሢ ሃጊ ማዓንዳ ዎዞ'' ጌሢ ካፓ ባኮ ዴንቃንዳያ ሄላ''ንዳኣና ዒንሢ ዶዲ ማዻ ማዾ'' ጋፒንሢ ሄሊ''ሲ ማዻንዳጉዲ ኑ ኮዓኔ፤

¹²ኑ ኮዓሢ' ጉሙርቂሢና ጊቢ'' ዳንዳዒሢና ዶዲ ሃጊ ማዓንዳ ዎዛ ማሂ ዔያቶም ዒንጊንቴ ባኮ ዴንቄ ዓሶጉዲ ማዖም ጌዒ ማዓንዳኣፓዓቴም ዋይዜ ባኮ ዑኬና ዔኩዋ ዓሲ ዒንሢ ማዓንዳጉዲቱዋሴ።

¹³ፆኦሲ ዓብራሃሜም ሃጊ ማዓንዳ ዎዞ'' ዒንጋ ዎዶ''ና ዒ ሜሌ'' ዔኤሊ'' ጫኣቃንዳ ባኣዚ'' ባኣሢሮ ፔና ዔኤሊ''፦

¹⁴«ጎኔና ታ ኔና ዓንጃንዳኔ፤ ኔኤኮ ዜርፆዋ ታ ሚርጊሻንዳኔ» ጌዒ ጫኣቄኔ።

¹⁵ዓብራሃሜ ጊቢ'' ዳንዳዒ ካፒ፥ ዒዛም ዒንጊንታንዳኔ ጌይንቲ ሃጊ ማዓንዳ ዎዛ ማሂ ኬኤዚንቴ ባኮ ዴንቄኔ።

¹⁶ዓሲ ጫኣቃዖ ፔ ጊዳፓ ዑሣ ባሼ ማዔ ባኣዚ'' ዔኤሊ'' ጫኣቃኔ፤ ዔያታ ጫኣቃ ጫኣቁማ ዔያቶ ባኣካ'' ዓኣ ጌኤዞ ጎናሳሢሮ ዔያቶኮ ማርማሢ ጋፓኔ።

¹⁷ዬኖ ጎይፆ ፆኦሲ' ጌዔ ባኮ ሺርሺ ላኣሙዋያ ማዔሢ ዔርዛኒ ሃጊ ማዓንዳ ዎዞ'' ዴንቃ ዓሶም ዬያ ዎዞ'' ጫኣቁሞና ጎናሴኔ።

¹⁸ፆኦሲ ፔቴ''ታዖ ሉኡቁዋያኬ፤ ዒዚ ላምዖ ዬንሢ ላኣሚንቱዋ ባኮንሢና ኑኡኮ ቤርታ ሃጊ ዓኣ ዎዞ'' ኑ ዴንቃኒ ዒዛ ባንሢ ዓኣሺንቲ ጌሌ ዓሶ፥ ኑም ዼኤፒ ዶዱሞ ዒዛፓ ዴንቃንዳጉዲ ኑና ማሄኔ።

¹⁹ዬይ ሃጋኣ ዎዛ'' ኑኡኮ ናንጎ ዓጊፁዋያ ማሃ ጉሙርሳ ቱርቱሪኬ፤ ዬይያ፦ ጎኦቦና ዓፒሎ ጊዴና ዓኣዺ ጌኤዦ ማኣሮኮ ጋራ ዓኣ ጋሮ ጌላኔ።

²⁰ዬያ ጌኤዦ ማኣሮ ዬሱሴ ሜልኬፃዲቄጉዲ፥ ቄኤሴ ማዒ ዶኦሪንቲ ኑ ዛሎ''ሮ ቤርታዺ ቄኤሴኮ ቢያ ዑሢ ማዒ ናንጊና ማዻኒ ዒኢካ ጌሌኔ።