Read maale ዮሓኒሴ ኪኢቶ'' 1 1 Bible Online

ዮሓኒሴ ኪኢቶ'' 1 1 - maale bible

ዮሓኒሴ ኪኢቶ'' 1 1

¹ቤርታፓ ዓርቃዖ ዓኣ ናንጎ ቃኣሎ'' ዛሎ'' ኑ ዒንሢም ፃኣፔኔ፤ ዬይ ናንጎ ቃኣላ'' ኑኡኒ ዋይዜሢ፥ ኑ ዓኣፖና ኑ ዛጌሢና ኑ ዴንቄሢ ሃሣ ኑ ኩጮናኣ ኑ ዓርቄሢ ዛሎ''ኬ።

²ዬይ ናንጎ ማዔሢ ፔጋዺ ጴዼኔ፤ ኑኡኒያ ዬያ ዛጌኔ፤ ዬያ ዛሎ''ዋ ኑ ማርካዻኔ። ዓዳሢ ኮራ ዓኣ፥ ኑኡማኣ ፔጋዺ ጴዼ፥ ናንጊና ናንጎ ኑ ዒንሢም ኬኤዛኔ።

³ዒንሢኮ ኑኡና ዎላ'' ፔቱሞ ዓኣያ ማዓንዳጉዲ ኑ ዛጌሢና ዋይዜሢና ዒንሢም ኬኤዛኔ፤ ኑኡኮ ፔቱማ ዓዳሢና ናዓሢ፥ ዬሱስ ኪሪስቶሴና ዎላ''ኬ።

⁴ኑኡኮ ዎዛ'' ኩሙሢ ማዓንዳጉዲ ሃያ ኑ ዒንሢም ፃኣፔኔ።

⁵ዒዛይዳፓ ኑ ዋይዚ ዒንሢም ኬኤዛ ኪኢታ''፦ «ፆኦሲ ፖዒኬ፤ ዹሚ ዒዛ ኮራ ፔቴ''ታዖ ባኣሴ» ጋዓያኬ።

⁶ዬያሮ፦ «ፆኦሲና ዎላ'' ኑኡኮ ፔቱሞ ዓኣኔ» ጌዒ ጌዒ ዹሞይዳ ኑ ናንጋያ ማዔቴ ኑ ሉኡቃኔ፤ ኑ ኬኤዛ ባኮና ማዻ ባኮናኮ ጎኑሞ ባኣሴ ጌይሢኬ።

⁷ጋዓንቴ ዒዚ ፖዖይዳ ዓኣሢጉዲ ኑኡኒ ፖዖይዳ ናንጋቶ ኑኡኮ ዎሊና ፔቱሞ ዓኣያ ማዓንዳኔ፤ ሃሣ ዒዛኮ ናዓሢ፥ ዬሱስ ኪሪስቶሴኮ ሱጉፃ ጎሜ ቢያይዳፓ ኑና ጌኤሻ''ኔ።

⁸«ጎሜ ኑኡኮ ባኣሴ» ኑ ጌዔቴ ኑና ኑ ጌሻኔ፤ ጎኑሞዋ ኑ ጊዳ'' ባኣሴ።

⁹ኑኡኮ ጎሞ ፆኦሲም ኑ ቡኡፄቴ ዒዚ ጉሙርቂንታያ፥ ሃሣ ጌኤሺ ማዔሢሮ ጎሞ ኑኡኮ ቢያ ዓቶም ጋዓንዳኔ፤ ኑ ዻቢንቶይዳፓኣ ቢያ ኑና ዒ ጌኤሻ''ንዳኔ።

¹⁰«ጎሜ ኑ ማዺባኣሴ» ጌዔቴ ፆኦሲ ሉኡዚ ኑ ማሃኔ፤ ዒዛኮ ቃኣላ''ኣ ኑ ጊዳ'' ባኣሴ።