Read maale ዮሓኒሴም ፆኦሲ ፔጋሲ ዻዌ ባኮ 14 Bible Online

ዮሓኒሴም ፆኦሲ ፔጋሲ ዻዌ ባኮ 14 - maale bible

ዮሓኒሴም ፆኦሲ ፔጋሲ ዻዌ ባኮ 14

¹ዬካፓ ሓሣ ማራዓሢ ፂዮኔ ዹኮ''ይዳ ዔቂ ዓኣንቴ ታ ዛጌኔ፤ ዒዛና ዎላ'' ዒዛ ሱ'ንፆና ዒዛኮ ዓዶ ሱፆና ባሊታ ፃኣፒንቲ ዓኣ፥ ፄኤታና ዖይዲታሚ'' ዖይዶ ሺያ ዓሲ ዓኣኔ።

²ዬኖና ጫሪንጮይዳፓ ዼኤፒ ሶኦሪንታ ዋኣሢ ዑኡሲ ሃሣ ዼኤፒ ጉጉንሢ ማላ ዑኡሲ ታ ዋይዜኔ፤ ዬይ ታ ዋይዜ ዑኡዛ ጎኦሎ'' ዓይናዺ ዋርቃ ዓሳ ጎኦሎ'' ዋርቃዛ ዋይዚንታ ዑኡዞጉዴያኬ።

³ካኣቱሞ ዖይቶና ዖይዶ ባኮንሢና ሃሣ ጋርቾንሢ ቤርታ ዬና ዺቦ'' ዓሳ ቤርታ ጌይንቲ ቤቂባኣያ፥ ፆኦሲ ቦንቾም ማዓ ዓይኑሞ ዓይናዼኔ፤ ዬያ ዓይኑሞ ዓጮ'' ቢያይዳፓ ሻንቂ፥ ዱማሲ ዔኮና ፄኤታና ዖይዲታሚ'' ዖይዶ ሺዮ ዓሶፓ ዓታዛ ሜሌ'' ዖኦኒያ ዔሪ ጋዓኒ ዳንዳዒባኣሴ።

⁴ዬያታ ኩሙሢ ማዔሢሮ ላኣሊና ዒኢቲባኣያኬ፤ ዔያታ ማራዓሢ ዓኣዻ ቤዞ ቢያ ዒዛ ጊንፆ ዓኣዻያኬ፤ ሃሣ ዔያታ ፆኦሲና ማራዓሢናኮ ቶይዶ ማዓኒ ዓሶ ባኣካ''ፓ ሻንቂ፥ ዱማሲ ዔኮና ዓሶኬ።

⁵ዔያታ ሉኡዙሞ ሉኡቂ ዔሩዋያኬ፤ ሃሣ ዔያቶ ቦሂሳ ባኣዚ''ያ ባኣያኬ።

⁶ዬካፓ ሳዖይዳ ናንጋ ዴሮ''ና ዜርፆና ዱማ ሙኡጮ ጌስታ ዓሶና ዱማ ዱማ ቶኦኮ''ናም ቢያ ናንጊና ባይቁዋ ኮዦ ሓይሶ ኬኤዛኒ ኮሺ ሃይሴ ዔኪ ዓኣ፥ ሜሌ'' ኪኢታንቾ ጫሪንጫ ባራናንቴ ታ ዛጌኔ፤

⁷ዬይ ዼኤፒ ዑኡሲና፦ «ፆኦሲ ዒጊጩዋቴ፤ ሃሣ ቦንቹዋቴ፤ ዓይጎሮ ጌዔቴ ዒዛኮ ዎጎ ዎጎ ዎዳ'' ሄሌ''ኔ፤ ጫሪንጮና ሳዖና ባዞ''ና ዓልቃ ዋኣፆና ማዤ ፆኦዛሢም ዚጉዋቴ!» ጌዔኔ።

⁸ሜሌ'' ላምዓሳ ኪኢታንቻሢ፦ «ፑርታ፥ ዒኢሳ ማዾ ማዺሻ፥ ማሣ ዳጋፆ ዴሮ'' ቢያ ዑሼ፥ ዼኤፖ ባብሎኔ ካታሜላ ዶዔኔ! ዶዔኔ!» ጌዒ ጌዒ ቤርታኣ ኪኢታንቻሢ ጊንፆ ዓኣዼኔ።

⁹ሓይሣሳ ኪኢታንቻስኬይ ሃሣ ዼኤፒ ዑኡሲና፦ «ቦዓሢና ዒዛኮ ማላቶናም ዚጊ ካኣሽካሢ ሃሣ ማላቶዋ ባሊታታቴያ ኩጮ ዑፃ ዓይሤሢ ቢያ፥

¹⁰ዓይጎ ባኣዚ''ናኣ ሲኢሪንቲባኣ፥ ፆኦሲኮ ጎሪ''ንቶ ዑዦ ዓንጎይዳ ኩንሦና ጎሪ''ንቶ ዳጋፆ ዑዦ ዑሽካንዳኔ፤ ዬያጉዲ ሃሣ ፆኦሲም ዱማዼ ኪኢታንቾና ማራዓሢና ቤርታ ታሚና ታሚ ፂኢሊ''ናይዳ ዓጊንቲ ሜታዻንዳኔ፤

¹¹ዔያቶ ሜታሳ ታሞይዳፓ ኬስካ ጩባ'' ናንጊና ባይቁዋዖ ጩቢ ዴዓያ ማዓንዳኔ፤ ቦዓሢና ዒዛኮ ማላቶናም ዚጊ፥ ዒዛኮ ሱ'ንፆ ማላቶዋ ዔኪ ዓኣዞንሢኮ ቢያ ሮኦሪና ዋንቴና ሓውሾ ባኣያ ማዓንዳኔ» ጌዒ ጌዒ ሓንጎዋቶ ጊንፆ ሃሣ ዓኣዼኔ።

¹²ፆኦሲ ዓይሢፆ ካፓዞንሢና ዬሱሴም ጉሙርቂንታያ ማዒ፥ ዶዳዞንሢኮ ጊቢ'' ዳንዳዒፃ ዔርታንዳሢ ዒኢካኬ።

¹³ዒማ''ና ሃሣ ጫሪንጮይዳፓ፦ « ‹ሓይካፓ ሴካ ጎዳ ዬሱሴሮ ማዒ ሓይቃዞንሢ ባሊቲና ዓኣያኬ› ጌዒ ፃኣፔ» ጋዓ ዑኡሲ ታ ዋይዜኔ። ዓያኖ ጌኤዣ፦ «ሂዮ፥ ዔያቶኮ ማዻ'' ዔያቶና ዎላ'' ዓኣዻንዳሢሮ ላቢ''ፃፓ ዔያታ ሃውሻንዳኔ» ጋዓኔ።

¹⁴ዬካፓ ቦኦሬ ሻኣሬ ታ ዛጌኔ፤ ዒማ''ና ሻኣሮ ዑፆይዳ ዓሲ ናዓሢ ማላ ዓሲ ዴዒ ዓኣኔ፤ ዒዚ ቶኦኮ''ይዳ ዎርቄና ኮሺ''ንቴ፥ ቦንቾሮ ዓጎ ባኮ ዓጊ ዓኣኔ፤ ኩጮይዳኣ ሃሣ ዓጬ ባኣቺ ዓርቂ ዓኣኔ።

¹⁵ሜሌ'' ኪኢታንቾ ሃሣ ጌኤዦ ማኣራፓ ኬስካዖ ሻኣሮ ዑፃ ዴዔሢም ዼኤፒ ዑኡሲና፦ «ሳዓ፡ ጮኦሮንዶያጉዲ ካፄኔ፤ ጮኦሮንዶ ዎዳ''ኣ ሄሌ''ሢሮ ጮኦሮ ባኣጮና ጮኦሬ» ጋዓዛ፥

¹⁶ሻኣሮ ዑፃ ዴዒ ዓኣሢ ባኣጮ ሳዖ ባንሢ ዳካዛ ሳዓ ጮኦሪንቴኔ።[3]

¹⁷ዬያጉዲ ሜሌ'' ኪኢታንቻ ሃሣ ጫሪንጫ ዓኣ፥ ጌኤዦ ማኣራፓ ኬስኬኔ፤ ዒዚያ ዓጬ ባኣቺ ዔኪ ዓኣኔ።

¹⁸ሜሌ'' ጊንሣ ታሚ ዑፃ ቢታንቶ ዓኣ፥ ኪኢታንቻ ፆኦሲም ዒንጊ ካኣሽኮ ቤዛፓ ኬስካዖ፥ ዓጬ ባኣጮ ዔኪ ዓኣ ኪኢታንቻሢም፦ «ሳዖይዳ ዓኣ ዎይኖ ዓኣፖኮ ካፂፆ ሶያ ዔርዛሢሮ ሳዖይዳፓ ዎይኖ ቲቂ ቲቂ ዔኬ» ጌዒ ዼኤፒ ዑኡሲና ዒላቴኔ።

¹⁹ኪኢታንቻሢ ዒማ''ና ባኣጮ ሳዖ ባንሢ ዳኪ ዎይኖኮ ሶዮ ቲቂ ቲቂ ዔኬስካፓ ፆኦሲ ዻጎና ዎይኖ ሄ'ርቂ ጩኡጳ ቤዛ ዓጌኔ።

²⁰ዬይ ዎይና ካታሞኮ ዙላ''፥ ዎይኖ ሄ'ርቂ ጩኡጶ ቤዛ፥ ጩኡጲንቴኔ፤ ዬካፓ ኬስኬ ሱጉፃ ሓይሦ ዋዻ ማዓንዳያ ሳዓፓ ዼ'ጊ ጌዔኔ፤ ሃሣ ሱጉፃ ጎዒ ዴንዴ ዖዶሱማ ሃይሦ ፄኤታ ሺያ ታኣካ'' ሄላ''ያ ማዔኔ።