Read maale ዮሓኒሴም ፆኦሲ ፔጋሲ ዻዌ ባኮ 16 Bible Online

ዮሓኒሴም ፆኦሲ ፔጋሲ ዻዌ ባኮ 16 - maale bible

ዮሓኒሴም ፆኦሲ ፔጋሲ ዻዌ ባኮ 16

¹ዬካፓ ላንካዎ ኪኢታንቾንሢም ዼኤፒ ዑኡሲና፦ «ዓኣዹዋቴ! ፆኦሲኮ ዻጋ'' ኩሜ፥ ዑዦ ዓንጎይዳ ዓኣ ዑዦ ሳዖይዳ ላኣሉዋቴ» ጌኤዦ ማኣራፓ ጋዓንቴ ታ ዋይዜኔ።

²ዒማ''ና ቤርታሳ ኪኢታንቻሢ ዴንዳዖ፥ ዑዦ ዓንጎይዳ ዓኣ ዑዦ ሳዖይዳ ላኣላዛ ቦዓሢኮ ማላቶ ዔኪ ዓኣ ዓሶና ዬያ ማላቶም ዚጊ ካኣሽካ ዓሶናይዳ ፑርታ ሜታሳ ኪሢ ኬዴ''ኔ።

³ላምዓሳ ኪኢታንቻሢ ዑዦ ዓንጎይዳ ዓኣ ዑዦ ባዞ'' ዋኣፆይዳ ላኣላዛ፥ ዋኣፃ ሓይቄ ዓሲ ሱጉሢጉዲ ካርቴ ሱጉሢ ማዔኔ፤ ባዞ''ይዳ ዓኣ፥ ሼምፔና ናንጋ ባካ ቢያ ሓይቄኔ።

⁴ሓይሣሳ ኪኢታንቻሢ ዑዦ ዓንጎይዳ ዓኣ ዑዦ ዎሮ ዋኣፆንታ ዓልቃ ዋኣፆንታይዳ ላኣላዛ፥ ዬይያ ሱጉሢ ማዔኔ፤

⁵ዬካፓ ዋኣፆ ዑፃ ቢታንታ ዓኣ፥ ኪኢታንቻሢ፦ «ሓሢያ ዓኣያ ሚናፓ ናንጋ ዱማዼ ጎዳሢዮ! ሓያይዲ ኔ ዎጌሢሮ ኔኤኒ ፂሎ''ኬ፤

⁶ዓሳ ኔኤም ዱማዼዞንሢንታ ኔ ማሊፆ ኬኤዛዞንሢያ ዎዺ ሱጉፆ ላኣሌሢሮ ኔኤኒ ዔያቶ ሱጉሢ ዑሼ''ኔ፤ ዬይ ዔያቶም ኮይሳያኬ» ጋዓንቴ ታ ዋይዜኔ።

⁷ዬያጉዲ ሃሣ ፆኦሲም ዒንጊ ካኣሽኮ ቤዞይዳፓ፦ «ሂዮ፤ ቢያ ባኣዚ'' ዳንዳዓ ጎዳ ማዔ ፆኦዛሢዮ! ኔኤኮ ዎጊፃ ጎኔ፥ ሃሣ ፒዜኬ» ጋዓ ዑኡሲ ታ ዋይዜኔ።

⁸ዖይዳሳ ኪኢታንቻሢ ዑዦ ዓንጎይዳ ዓኣ ዑዦ ዓባ'' ላኣላዛ፥ ዓቦ''ም ዓሶ ዓዳ'' ታሚጉዲ ሚቻንዳ ዎልቄ ዒንጊንቴኔ፤

⁹ዬያሮ ዓሳ ዼኤፒ ሩኡጲና ሚቺንቴኔ፤ ዬንሢ ባይዛ ባኮንሢ ዑፃ ቢታንቶ ዓኣ፥ ፆኦዛሢኮ ሱ'ንፆ ዔያታ ጫሽኬኔ፤ ጎሞ ፔኤኮ ቡኡፂ፥ ዒዛ ቦንቺፆዋ ዔያታ ዒፄኔ።

¹⁰ዶንጋሳ ኪኢታንቻሢ ዑዦ ዓንጎይዳ ዓኣ ዑዦ ቦዓሢኮ ካኣቱሞ ዖይቶይዳ ላኣላዛ፥ ቦዓሢኮ ካኣቱማ ዹሚ ማዔኔ፤ ዓሳ ኮሺ'' ሜታዺ ሜታሢዳፓ ዔቄያና ዒንዲርዞ ፔኤኮ ዻዓኔ፤

¹¹ሓሣ ዔያቶኮ ሜታዺፆና ኪፃዺፆናይዳፓ ዔቄያና ጫሪንጮ ፆኦዛሢ ዔያታ ጫሽኬኔ፤ ዔያታ ማዼ፥ ዻቢንቶ ቡኡፂባኣሴ።

¹²ላሃ''ሳ ኪኢታንቻሢ ዑዦ ዓንጎይዳ ዓኣ ዑዦ ዼኤፖ ዎሮ፥ ዔፕራፂሴይዳ ላኣላዛ ዓባ'' ኬስካ ዛላ''ፓ ሙካ ካኣቶ''ም ጎይሢ ማዓንዳጉዲ ዎሮ ዋኣፃ ሚጬኔ።

¹³ዼኤፖ ሾኦዣሢ ዻንጎና ቦዓሢ ዻንጎና ሃሣ ሉኡዙሞና ፆኦሲ ማሊፆ ኬኤዛያ ማሊሳሢ ዻንጋፓ ፓንቆ ማላ፥ ሓይሦ ፑርታ ዓያና ኬስካንቴ ታ ዛጌኔ።

¹⁴ዔያታ ዱማ ዓኪ ባኣዚ'' ማዻ ፃላሄ ዓያናኬ፤ ዬንሢ ሓይሦ ዓያኖንሢ ቢያ ባኮ ዳንዳዓ ፆኦዛሢኮ ዼኤፖ ኬሎ''ና ኬስካንዳ ዖሎም ዓሶ ቡኩሳኒ ዓጮ'' ካኣቶ'' ቢያሢ ባንሢ ዓኣዻኔ።

¹⁵«ታኣኒ ዉሲጉዲ ዔሩዋንቴ ዬዓንዳኔ፤ ካሎ'' ማዑዋጉዲና ካሉ''ሞዋ ዓሲ ዛጉዋጉዲ ጴጪ ፔኤኮ ማኣዓሢ ካፓሢ ዓንጆ ዎዛ ዴንቃንዳኔ»

¹⁶ዬንሢ ዓያኖንሢ ዓጮ'' ካኣቶ'' ቢያ ዔብሬ ዓሶ ሙኡቺና ዓርማጌዶኔ ጌይንታ ቤዞይዳ ቡኩሲ ዖሎም ጊኢጊሼኔ።

¹⁷ላንካሳ ኪኢታንቻሢ ዑዦ ዓንጎይዳ ዓኣ ዑዦ ዢባሮይዳ ላኣላዛ፥ ጌኤዦ ማኣራ ዓኣ ካኣቱሞ ቤዛፓ፦ «ዓካሪ ቢያ ባካ ማዺንቲ ኩሜኔ!» ጋዓ ዼኤፒ ዑኡሲ ዋይዚንቴኔ።

¹⁸ዒማ''ና ዜኤሊንሢ ዜኤሊንሤኔ፥ ዼኤፒ ዑኡሲያ ዋይዚንቴኔ፥ ጉጉንሢ ጉጉንሤኔ ሃሣ ሳዓኣ ሚርጌና ዓጊፄኔ፤ ዬያጉዴ ሳዓ ዓጊፂሢ ዓሲ ማዢንቴማፓ ዓርቃዖ ዓጊፂ ቤቂባኣሴ።

¹⁹ዼኤፖ ካታሜላ ሃይሦ ቤሲ ዱጲ ዱጲ ፓቂንቴኔ፤ ሜሌ'' ዓጮ'' ዓሶ ካታማኣ ቢያ ዶዔኔ፤ ፆኦሲ ዼኤፖ፥ ባብሎኔ ካታሜሎ ጶቂሢ ዒዛኮ ዼኤፖ ዻጎ ዑዦ ኩንሦና ዑዦ ዑሽካንዳጉዲ ዒዞም ዒንጌኔ።

²⁰ዋኣፆ ሳዛ'' ዓኣ ዓጫ'' ዓኣዺ ባይቄኔ፤ ሃሣ ዹካ''ኣ ቢያ ዓኣ ቤዛፓ ባይቄኔ።

²¹ዴኤሡማ ፔቴ'' ዼኤፒ ዎንሢ ሹቺጉዴ ሻቺ ጫሪንጫፓ ዓሶይዳ ኬዴ''ኔ፤ ዬይ ባይዞም ዳኪንቴ ባካ ሚርጌ ካራ ባይዚ ሜታሴያ ማዔሢሮ ዓሳ ፆኦሲ ጫሽኬኔ።