Read maale ዮሓኒሴም ፆኦሲ ፔጋሲ ዻዌ ባኮ 20 Bible Online

ዮሓኒሴም ፆኦሲ ፔጋሲ ዻዌ ባኮ 20 - maale bible

ዮሓኒሴም ፆኦሲ ፔጋሲ ዻዌ ባኮ 20

¹ዬካፓ ሃሣ ዼኤፖ፥ ዒጊቻ ዔቶ ካሮ'' ቡሎ'' ቁልፔና ዼኤፒ ካኒ ቢራታና ዔኪ ዓኣ፥ ኪኢታንቾስኬይ ጫሪንጫፓ ኬዳ''ንቴ ታ ዛጌኔ፤

²ዒዚ፡ ዼኤፖ ሾኦዣሢ ዓርቂ ሺያ ሌዔ ቱኬ''ኔ፤ ዬይ ዼኤፖ ሾኦዣሢ ዲያብሎሴ፥ ሃሣ ጊንሣ ፃላሄ ጌይንቴ ቤርታኣ ሾኦዣሢኬ፤

³ዬይ ሺዮ ሌዓ ጋፓንዳያ ሄላ''ንዳኣና ማይ ዴሮ'' ዻቢሹዋጉዲ ፆኦሲኮ ኪኢታንቻሢ ዒዛ ዼኤፖ ዒጊቻ ዔታ'' ዓጊ፥ ካሮ'' ዖኦኒያ ቡሉ''ዋጉዲ ዔርዛ ማላቶና ዓይሤኔ፤ ጋዓንቴ ዬካፓ ዻካ'' ዎዴም ዒ ቡሊ''ንታንዳያ ኮይሳኔ።

⁴ዬካፓ ካኣታ'' ዴዓ ሚርጌ ዖይታ ታ ዴንቄኔ፤ ዬኖ ዖይቶይዳ ዎጌ ዎጋኒ ቢታንቶ ዒንጊንቴ ዓሲ ዴዒ ዴዒ ዓኣንቴ ታ ዛጌኔ፤ ሃሣ ዬሱሴ ዛሎ''ና ፆኦሲ ቃኣሎ'' ኬኤዜሢ ዛሎ''ናሮ ጬንቾ ዓፓሮና ዎዾና ዓሶኮ ሼምፓሢ ታ ዴንቄኔ፤ ዔያታ ቦዓሢና ዒዛኮ ማላቶናም ዚጊባኣያ ሃሣ ዬያ ማላቶ ባሊታ ማዔቴያ ኩጫ ጌሢባኣ ዓሶኬ፤ ዔያታ ሓይባ''ፓ ዔቂ ኪሪስቶሴና ዎላ'' ሺያ ሌዔ ካኣታዻንዳኔ።

⁵ዓቴ'' ሓይቄ ዓሳ ጋዓንቴ ዬይ ሺዮ ሌዓ ጋፓንዳያ ሄላ''ንዳኣና ሃይባ''ፓ ዔቂባኣሴ። ዬና ቤርታሳ ሃይባ''ፓ ዔቂፆኬ።

⁶ቤርታሳ ሓይባ''ፓ ዔቂፆ ዔቄዞንሢኮ ዓንጆ ዎዛ ዓኣያ፥ ሃሣ ፆኦሲማኣ ዔያታ ዱማዼያኬ፤ ላምዓሳ ሓይባ'' ዔያቶ ዎኦታንዳ ባኣዚ''ያ ባኣሴ፤ ዔያታ ፆኦሲና ኪሪስቶሴናኮ ማዻ ቄኤሶ ማዒ፥ ኪሪስቶሴና ዎላ'' ሺያ ሌዔ ካኣታዻንዳኔ።

⁷ዬና ሺዮ ሌዓ ጋፔሢኮ ጊንፃ ፃላሄ ቱኡዛፓ ቡሊ''ንታንዳኔ፤

⁸ዬካፓ ዒ ዓጮ'' ቢያይዳ ዓኣ፥ ጎኦጌና ማኣጎኦጌ ጌይንታ ዴሮ'' ዻቢሺ ዖልዚሮዋ ዔያቶ ዔኪ ኬስካንዳኔ፤ ዬያ ዴሮ''ኮ ፓይዳ'' ባዞ'' ዓጫ ዓኣ ማኣሻሎጉዲኬ።

⁹ዔያታ ዓጮ'' ቢያ ኬስኪ ዴንዳዖ ፆኦሲም ዱማዼ ዓሳ ናንጋ ጉርዶና ዒዚ ናሽካ ካታሜሎዋ ማንጌኔ፤ ጋዓንቴ ጫሪንጫፓ ታሚ ኬዲ'' ዔያቶ ሙዔኔ።

¹⁰ዔያቶ ዻቢሼ ፃላሄና ቦዓሢና ሃሣ ሉኡዙሞና ፆኦሲ ማሊፆ ኬኤዛያ ማላሢ ዓኣ ቤዞ፥ ፂኢሎ'' ኬስኪ ዔኤታ ታሞ ባዞ''ይዳ ዔያታ ዓጊንቴኔ፤ ዒኢካ ዔያታ ዋንቶንታ ሮኦሮንታ ናንጊና ጋፑዋ ሜቶ ናንጊ ናንጋንዳኔ።

¹¹ዬካፓ ቦኦሬ፥ ዼኤፒ፥ ካኣቱሞ ዖይታና ዬያ ዖይቶይዳ ዴዒ ዓኣ ዓሲ ታ ዴንቄኔ፤ ዒማ''ና ሳዖና ጫሪንጮና ዒዛ ቤርታፓ ዓኣሺንቴኔ፤ ቤሲያ ዔያቶኮ ጴዺባኣሴ፤

¹²ዼኤፖንታ ዻኮ''ንታ ማዔ፥ ሓይቄ ዓሳ ካኣቱሞ ዖይቶ ቤርታ ዔቂ ዓኣንቴ ታ ዛጌኔ፤ ዒማ''ና ማፃኣፔ ቡሊ''ንቴኔ፤ ሜሌ'' ናንጊ ማፃኣፔ ማዔ፥ ማፃኣፔያ ቡሊ''ንቴኔ፤ ሓይቄ ዓሳ ዒማ''ና ማፃኣፖይዳ ፃኣፒንቲ ዓኣ፥ ፔኤኮ ማዾ'' ጎይፆ ዎጎ ዔኬኔ።

¹³ባዞ''ይዳ ጌሊ ሙይንቲ ሓይቄ ዓሶ ባዛ'' ኬሲ'' ዒንጌኔ፤ ሓይቢንታ ሃይቄ ዓሳ ናንጋ ቤዞንታ ዔያቶ ኮይላ'' ዓኣ ሓይቄ ዓሶ ኬሲ'' ኬሲ'' ዒንጌኔ፤ ዬያይዲ ፔቴ'' ፔቴ'' ዓሳ ፔኤኮ ማዾ'' ጎይፆ ዎጎ ዔኬኔ።

¹⁴ዬካፓ ሓይቢንታ ሓይቄ ዓሳ ናንጋ ቤዞንታ ታሞ ባዞ''ይዳ ዓጊንቴኔ፤ ዬይ ታሞ ባዛ'' ላምዓሳ ሓይቦኬ፤

¹⁵ሱ'ንፃ ናንጎ ማፃኣፓ ፃኣፒንቲ ጴዺባኣሢ ቢያ ታሞ ባዞ''ይዳ ዓጊንቴኔ።