Read maale ዮሓኒሴም ፆኦሲ ፔጋሲ ዻዌ ባኮ 5 Bible Online

ዮሓኒሴም ፆኦሲ ፔጋሲ ዻዌ ባኮ 5 - maale bible

ዮሓኒሴም ፆኦሲ ፔጋሲ ዻዌ ባኮ 5

¹ካኣቱሞ ዖይቶይዳ ዴዔሢኮ ሚዛቆ ኩጫ፡ ጋሮና ዙሎ''ናይዳ ቢያ ፃኣፒንቴያ ሃሣ ላንካይ ዔርዛ ማላታ ዑፃ ዖኦኒያ ቡሉ''ዋጉዲ ዓይሦና ማሪንቴ ማፃኣፔ ታ ዛጌኔ፤

²ፔቴ'' ዼኤፒ፥ ኪኢታንቾስኬይ ዼ'ጊ ጌዔ ዑኡሲና፦ «ዬንሢ ዔርዛ ማላቶንሢ ቡላ''ኒና ማፃኣፖዋ ቡላ''ኒ ዳንዳዓሢ ዖናዳይ?» ጋዓንቴ ታ ዛጌኔ።

³ጋዓንቴ ጫሪንጮይዳ ሳዖይዳ ሃሣ ሳዖኮዋ ዴማ'' ማፃኣፖ ቡሊ'' ጋሮይዳ ዓኣ ባኮ ዛጋኒ ዳንዳዓ ዓሲ ዖኦኒያ ባኣያ ማዔኔ፤

⁴ማፃኣፓሢ ቡሊ'' ጋሮ ዛጋኒ ዳንዳዓ ዓሲ ጴዺባኣያ ማዔሢ ታ ዴንቄ ዎዶ''ና ሜርጌና ዬኤኬኔ፤

⁵ዬማና ጋርቾንሢዳፓ ፔቴ''ይ፦ «ዬኤኪፖ፤ ሓኣዛጌ፡ ዪሁዳ ማኣራፓ ማዔ፥ ዞባ''ሢ፥ ዳውቴ ፃጳሢ ዖሎና ባሼያ ማዔሢሮ ዒዚ ማፃኣፓሢና ላንካዎ ‹ቡሎ''ፓ› ጌይንቴ ማላቶንሢ ቡላ''ኒ ዳንዳዓያኬ» ታኣም ጌዔኔ።

⁶ዬካፓ ካኣቱሞ ዖይቶና ዖይዶ ባኮንሢናኮ ሓሣ ጪሞንሢኮዋ ባኣካ'' ዎዾናያ ማላ ማራይ ዔቂ ዓኣንቴ ታ ዛጌኔ፤ ዬያ ማራዓሢኮ ላንካይ ጉራኒና ላንካይ ዓኣፒና ዓኣኔ፤ ዬያታ ዓጮ'' ቢያ ዳኪንቴ ላንካዎ ፆኦሲ ዓያኖንሢኬ።

⁷ማራዓሢ ሙኪ ካኣቱሞ ዖይቶይዳ ዴዔሢኮ ሚዛቆ ኩጫ ዓኣ፥ ማፃኣፓሢ ዔኬኔ፤

⁸ዒዚ ማፃኣፖ ዔካማና ዖይዶ ባኮንሢንታ ላማታሞ ዖይዶ ጪሞንሢንታ ማራዓሢኮ ቤርታ ጉምዓቲ፥ ባሊቶና ሂርኪ ጌዒ ዚጌኔ፤ ዬያታ ፔቴ'' ፔቴ''ሢ ኩጮይዳ ጎኦላ'' ዔኪ ሃሣ ፆኦሲም ዱማዼ ዓሶኮ ሺኢጲፆ ማዔ ዑንጆ ዓርቄያ ዎርቄና ኮሾ''ና ዔቴ ማዔ ዻካ'' ሳኣኔ ዔኪ ዓኣኔ።

⁹ዔያታ ቤርታ ጌይንቲ ቤቂባኣ ፆኦሲ ቦንቾም ማዓ ዓይኑሞ፦ «ማፃኣፓሢ ዔካኒና ‹ቡሎ''ፖ› ጌይንቴ ማላቶንሢያ ቡላ''ኒ ኔ ዳንዳዓያ ማዔኔ፤ ዎይቲ ጌዔቴ ኔኤኒ ዎዺንቴኔ፤ ኔኤኮ ሱጉፆና ዱማ ዱማ ቶኦካ''ፓ ዱማ ሙኡቺ ጌስታ ዓሶፓ፥ ዜርፃፓ ሓሣ ዓሲ ቢያ ባኣካ''ፓ ዱማሲ ዓሶ ፆኦሲም ኔ ጊንሣ ማሂ ሻንቄኔ፤

¹⁰ኑ ፆኦዛሢማኣ ቄኤሴ ማዒ ዔያታ ማዻንዳጉዲ ኔ ማሄኔ፤ ሳዖይዳኣ ዔያታ ካኣታዻንዳኔ» ጌዒ ጌዒ ዓይናዼኔ።

¹¹ዬካፓ ሃሣ ታ ዛጋዖ ካኣቱሞ ዖይቶና ዖይዶ ባኮንሢና ጪሞንሢናኮ ኮይላ'' ሚርጌ ኪኢታንቾኮ ዑኡሲ ታ ዋይዜኔ፤ ዬያቶኮ ሚርጉማ ሚርጌ ሺያፓ ዑሣ ሃሣ ፓይዲንታኒያ ዳንዳዒንቱዋያኬ፤

¹²ዬያታ ዼኤፒ ዑኡሲና፦ «ዎዺንቴ ማራዓሢም ዎልቄ፥ ቆሎ ዔራቶ፥ ዶዱሞ፥ ቦንቾንታ ሄርሺሢንታ ጋላታንታ ኮይሳያኬ» ጌይ ዓይናዼኔ።

¹³ዬካፓ ጫሪንጮና ሳዖናይዳ፥ ሳዖኮዋ ዴማ'' ሓሣ ዼኤፖ ባዞ''ናይዳ፥ ዬያ ባኮ ቢያይዳ ዓኣ ማዢንታ ቢያ፦ «ካኣቱሞ ዖይቶይዳ ዴዔሢና ማራዓሢናም ጋላታ፥ ቦንቾ፥ ሄርሺሢንታ ዎልቄንታ ናንጊና ማዖንጎ» ጌይ ዓይናዻንቴ ታ ዋይዜኔ።

¹⁴ዖይዶ ባኮንሢያ «ዓኣሜን» ጌዔኔ፤ ጋርቾንሢ ጊንሣ ባሊቶ ሳዖ ባንሢ ሂርኪዲ ጉምዓቲ ዚጌኔ።