Read maale ዮሓኒሴም ፆኦሲ ፔጋሲ ዻዌ ባኮ 7 Bible Online

ዮሓኒሴም ፆኦሲ ፔጋሲ ዻዌ ባኮ 7 - maale bible

ዮሓኒሴም ፆኦሲ ፔጋሲ ዻዌ ባኮ 7

¹ዬካፓ ዖይዶ ኪኢታንቻ ዓጮ''ኮ ዖይዶ ዛሎ''ና ዔቂ ዓኣንቴ ታ ዴንቄኔ፤ ዔያታ ሳዖይዳ ማዖም ባዞ''ይዳ ሃሣ ሚፆይዳ ዓይጎ ዢባሬያ ዢባርሹዋጉዲ ዓጮ''ኮ ዖይዶ ዛላ''ፓ ሙካ ዢባሮ ቢያ ላኣጊ ዓርቄኔ።

²ሓሣ ጊንሣ ናንጊና ናንጋ ፆኦዛሢኮ ዔርዛ ማላቶ ኩጫ ዔኬ፥ ሜሌ'' ፆኦሲ ኪኢታንቻ ዓባ'' ኬስካ ዛላ''ፓ ሙካንቴ ታ ዴንቄኔ፤ ዒዚያ ሳዖና ባዞ''ና ባይዛንዳጉዲ ቢታንታ ዒንጊንቴ ዖይዶ ኪኢታንቾንሢም ዼኤፒ ዑኡሲና፦

³«ኑ ፆኦዛሢም ማዻ ዓሶኮ ባሊቶይዳ ዱማሲ ዔርዛ ማላቶ ኑ ዓይሣንዳያ ሄላ''ንዳኣና ሳዖ ማዔቴያ ባዞ''፤ ሃሣ ሚፆዋ ዔኤቢ ዎኦቲፖቴ» ጌዔኔ።

⁴ዔርዛ ማላቶ ዓይሢንቴ ዓሶኮ ፓይዶ'' ታ ዋይዜኔ፤ ዬያታ ዒስራዔኤሌ ፃጶ ቢያይዳፓ ማዔያ ፄኤታና ዖይዲታሚ'' ዖይዶ ሺያ ዓሲኬ።

⁵ዪሁዳ ፃጳፓ፥ ሮኦቤኤሌ ፃጳፓ፥ ጋኣዴ ፃጳፓ፥ ዓሴኤሬ ፃጳፓ፥ ኒፕታኣሌኤሜ ፃጳፓ፥ ሚናኣሴ ፃጳፓ፥ ሲሞኦኔ ፃጳፓ፥ ሌዊ ፃጳፓ፥ ዪሳኮኦሬ ፃጳፓ፥ ዛብሎኦኔ ፃጳፓ፥ ዮሴፔና ቢኢኒያሜና ፃጳፓ፤ ዬያ ፔቴ'' ፔቴ''ሢ ፃጳፓ ታጶ ላምዖ ሺያ፥ ሺያ ዓሲም ማላታ ዓይሢንቴኔ።

⁹ዬካፓ ዖኦኒያ ፓይዳኒ ዳንዳዑዋ፥ ሚርጌ ዓሲ ታ ዴንቄኔ፤ ዬያታ ዱማ ዱማ ዴሬይዳፓ፥ ቶኦኪዳፓ፥ ዜርሢዳፓ፥ ሙኡቺ ጌስታ ዓሲዳፓ ቡኬ ዓሲኬ፤ ዔያታ ቦኦሬ ማኣዖ ማይንቲ፥ ሜኤፄ ዒላሺያ ፔ ኩጫ ዓርቂ ካኣቱሞ ዖይቶና ማራዓሢና ቤርታ ዔቃዖ፥

¹⁰ዼኤፒ ዑኡሲና፦ «ዻቂንታ ኑም ጴዼሢ ካኣቱሞ ዖይቶይዳ ዴዔ፥ ኑ ፆኦዛሢና ማራዓሢናይዳፓኬ» ጌዒ ጌዒ ዒላታኔ።

¹¹ኪኢታንቻ ቢያ ሃሣ ካኣቱሞ ዖይቶና ጋርቾንሢና ሃሣ ዖይዶ ባኮንሢኮ ዓጫ ዔቂ፥ ካኣቱሞ ዖይቶ ቤርታ ባሊቶና ሂርኪ ጌዒ ፆኦሲም ዚጋዖ፥

¹²ሂዚ ጌዔኔ፦ «ዓኣሜን፤ ሄርሺሢና ቦንቾና ዔራቶና፥ ጋላታና ዼኤፒሲሢና ዎልቄና ዶዱሞና፥ ኑ ፆኦዛሢም ናንጊና ማዖንጎ፤ ዓኣሜን።»

¹³ዬማና ጋርቾንሢዳፓ ፔቴ'' ታ ባንሢ ሺራዖ፦ «ሓንሢ ቦኦሬ ማኣዓሢ ማይንቴዞንሢ ዖናንሢዳይ? ዓንካፓ ዔያታ ሙኬይ?» ጌዒ ታና ዖኦጬኔ።

¹⁴ታኣኒያ ማሃዖ፦ «ጎዳሢዮ! ኔ ዔራኔ» ጋዓዛ፥ ዒዚ «ሓንሢ ዼኤፖ ሜታሢ ጊዴና ኬስኪ ሙኬዞንሢኬ፤ ዔያታ ፔኤኮ ማኣዓሢያ ማራዓሢ ሱጉፆና ማስኪ ቦኦሪሼኔ፤

¹⁵ዬያሮ ፆኦሲ ካኣቱሞ ዖይቶ ቤርታ ዋንቴና ሮኦሪና ጌኤዦ ማኣሮይዳ ዒዛም ማዻኔ፤ ካኣቱሞ ዖይቶይዳ ዴዔሢ ዔያቶ ባኣካ'' ማዒ ዔያቶኮ ሺባ''ሢ ማዓንዳኔ።

¹⁶ሓካፓ ሴካ ዔያታ ናይዺንታዓኬ፤ ዼኤቢያ ዼኤቢንታዓኬ፤ ዓቢ ዔያቶ ሚቻዓኬ፤ ሩኡጲያ ዔያቶ ሄላ''ዓኬ፤

¹⁷ዓይጎሮ ጌዔቴ ካኣቱሞ ዖይቶ ባኣካ'' ዓኣ ማራዓሢ ዔያቶኮ ሄንቃሢ ማዓንዳኔ፤ ናንጎ ዓልቃ ዋኣፆ ባንሢያ ዔያቶ ዒ ዔኪ ዓኣዻንዳኔ፤ ፆኦሲ ዔያቶኮ ዓቢፆ ዓኣፓፓ ቢያ ዑጫንዳኔ» ታኣም ጌዔኔ።