Read majang Omoŋ Korontoosuk 4 Bible Online

Omoŋ Korontoosuk 4 - majang bible

Omoŋ Korontoosuk 4

¹Ɗɛyɛ joopa baŋɛ a tin ɗegerar kɛ eteŋk ijaageer Kereseek, sigɔ yaaŋɛr any sinɔ dugaaŋɔŋk Waakoyotoŋkuk.

²Ɗɛyɛ joopa sigaaga latu adaratik a ŋaadɛɛ sɛɛgiŋ.

³Kɛɛte rakatɛ ɔkɔnte pɛrɛdɛɛr sɔɔkuŋ maŋk ɔkɔnte pɛrɛdɛ iɗit omaayiŋ. Kaa aasi saak oolɛ a pɛrɛda eek naakɛŋ.

⁴Mentan kalbi naakɛŋ, moko sinɔɔnɛ kɛ kɛɛte tikiyɛɛk. Sinɛ pɛrɛdɛ eete raŋkik Suumi dakɛɗa.

⁵Agut sini kat pɛrɛdɛɛ kɛygun wooɗe, a in kiiki mɛlɛ Suumi Yeese pirdiya. Boŋkukoy sɛŋk any sinɔ dugaaŋɔŋk, sinɛɓa dugɛɛ nyuugurk pɛɗɛrkaata, yaaŋɛkoy koɓi sinɛɓa duger joop ɓayɛtunɛɛkɛ gɛŋkikiŋ. Ɓeny saakoy laŋkoy iɗit a omoŋ omoŋ pɔɔsiyɛ sigɔ likik Waakoyote.

⁶Iinak manyaakak eeta, tonɗiikakɔ kɛnɔ kɔnu kɔnyɛɗ nɛkɔ ara ɛɛk naak a Apiloos a rɔmɛ. Nɔkɔ ariiɗa sinik kɛnɔ tine barɛɛr rɔɔriyɔn sinɛɓa tonɛɛ kɛ, "Kat kaalin sinɛɓa taapɛɛk," agut sini kikɔna ɗɛyɛ a ɓɔŋgɔɔrɛɛr iɗit om raŋana, ma daraayɛɛr iɗit omoŋ.

⁷Wooɗ sinɛni ari a kaalin iɗit omk? Jikon sinɛ nook a kan kin boŋiiɗ etek? Anɛ ɔkɔnkan boŋun baŋɛ eteŋ nɛ merin ɛɛk agut jikon a itokan kin boŋiiɗ ete?

⁸Laŋiirkɔ sisɔ any sinɛ kɔna ɗɛyɛk baŋɛ. Iinak sisɔ worikaanak. Pakatiirkɔ tine ɛɛk nɛ tapaaɗanɛɛrɗ! Ɔkɔn tapaaɗanɛɛr eekeerɛŋ, agut sinɔ tapaaɗanɛrɗɔ a eteŋk agut omoŋɔŋkuk, gun mentan tapaaɗan noŋkuŋ.

⁹Gayita a eteŋk sigɛ wosɛytaanak Waakoyotoŋk, a tin ari sɛŋk a eteŋk pedtaanak joop sigɛkoy sɛɛge pɛrɛdɛɛ rer nɛ diilɛɛ sɛɛg soona ɓokorɗɛɛ sɛɛgŋɔŋk. Dɛnɛr tin joop ɗookoŋk a wosɛytaanak Waakoyotoŋk ɗook baŋɛ, joope taamɛkɛ a ito eteŋk any ibaaloŋk a tɔrɔgoŋk.

¹⁰Dakiikɔ seek a ito eteŋk gaagɛyɛ koɓiiɗ naŋk agut Keresee, makɔ sɔɔk dakɛɛr a ito ɗegerari ɛɛk Keresee. Dakiikɔ a bɔɔlak, makɔ dakɛɛr a ɓaŋkaawakariŋ. Dakɛɛrkɔ a eemɛytaanak, makɔ seek dakii a tin daraayɛɛŋ.

¹¹Kɛygun ɓɔrɛ sisɔ nɔ mɛlɛɛɗa sayitiya sineena nɛ lakii ŋaawu, lakii paar, ɓɛɛlii konaan, ɗiŋɛɛtiniŋ, sanii nyon beeɗitoŋk a ito eteŋk dɔɔkutaanak.

¹²Ijaagɗikii arnɛ gaŋk a bɔɔlaakiiŋ, saa tin koonyɛɗɛɛk ma seek geetiɗikiiŋ, saa tin epapayarɗik ma seek ɓaŋkaawurii oolaan.

¹³Saa tin nyɔɔnarɗi ɛ sɔɔkɛr tiriya gaŋkik, nɛ sɛɛga jumurii pɛɛnii mɛyinoŋk sinɔɔnɛ mentanŋɔŋk. Mɛlɛɛɗa sisɔwa dakiikɔ a eteŋk turi ɗookoŋk a diirɛ sinɔ gaaliirɛ ɗookuk.

¹⁴Moko kɔna taapɛɛra sini kɛnɔ kɔnu ara a latukari keeny. Ma kɔnu koykoya a ito iinak tɔɔmɔk gaaŋk sigɛ sɛɛg poraak.

¹⁵Kɛygun latukaayar rɔɔriytaanak sigɔ ɓɔɔkaaŋɔŋk Kereseeŋ, ma kɔne kɛɛ ɓaaɓakak sigɔ ɓɔɔkaaŋɔŋk. Eet sinɛkan kɔnu ɓarta Pɛɛnii sinɔɔnɛ Ɓɛlkɛɛstank Yeese Kereseek.

¹⁶Nɛ agut sini kalɛya kɔnu kɛnɔ nomɛɛr rɔmɛɛɗ naakɛk.

¹⁷Agut any sini wosɛyɛrakɔ kɔna Timotiyoos sinɛ tɔɔn naak Suumiik sinɛ porɛɛ ɛ ŋaadɛɛk. Waasɛkɔɔkɔna sɛŋk ɓɛɛlɛɛt naak sinɛ tɔɔnuk, sinɛkan laŋka Yeese Kereseek, oko sinɛkan rɔriryiɗa godeyikɛ Sambatɛɛkoŋk sigɛ atu nyonitaakɛk.

¹⁸Iinakɛ a omoŋ omoŋ koɓur joop ɔgɔɔk kɛ, kiirakoy kɔnu lɛwɛɛt nɛkan enyɛɛri any sinɔ ɓɔŋgɔɔrɛrɗi ɛɛk nɛŋk rakaayak.

¹⁹Ma ɔkɔn oko ɗɛyan Suumiyoŋkuŋ, mɛlɛɛrakɔɔ son lak iinakik kɛ gonyuŋ. Nɛ ɗɛya a kɔɔ ɗegera ɓaŋkawuka joop sigi ɓɔŋgɔɔrɛr ɛɛkkiŋ, ma moko toni nɛŋk dakɛɗa.

²⁰Agut sinɔ moko ege Burɛ Waakoyotoŋk any toniiɗoŋk dakɛɗa, ma ɓaŋkawuka Waakoyotoŋk.

²¹Ama ɗɛyɛɛr jikon? Ɗɛyɛɛr a kɔna diilera gumboy goopanoŋku? Maŋk ɗɛyɛɛr mɛyin a wɛɛŋakɛ rikiteet ɛɛkoŋk?