Read majang Pɛɛyeen Korontoosuk 2 Bible Online

Pɛɛyeen Korontoosuk 2 - majang bible

Pɛɛyeen Korontoosuk 2

¹Sisɔ koɓakan sinɔ kɛ kat kɔnu ara a sanɗikariŋ nɛkan ruuma sinɔ kɛ kiira weeriit kɛkar son lak iinakik.

²Kaɗɛɛŋ ara kɔnu a sanɗikariŋ, nɛ kɛygun aasi kɔnu ara a sanɗikariŋ nɛ wooɗ sinɛkɔɔtu ari ata yaaŋɔŋk iinakɛ sɔgɔɔsɔyk?

³Taapɛɛrakan kɔna oko sinik kɛnɔkɔɔtu kat arir a sanɗikaaŋ joop sigɔ gunti arir ata yaaŋɔŋk saakɔɔ mɛlɛrkiɗa son lak iinakik, ɛɓɔrɛ ŋaada kɛ ɗegerari kɛ yaaka naak nɛ yaaka noŋk iinak baŋɛ.

⁴Nɔkan kɔna taapiɗirkiɗa san sinɔɔnɛ obiiŋɔŋk a ɓakɛ ɓayaayoŋk a pileetakɛ sigɔɔgɛ ɓɔɔkaaŋɔŋk mokokan kɔna taapiɗiira kɛnɔ sanɗikarɗ, ma kɛnɔ ɗegerari mɛyin sinɛ kɔnu poriiɗaak.

⁵Ɔkɔn lakɛ iɗit sinɔ ari iɗit a sanɗiŋɔŋkuŋ, moko ari a sanɗika eet, makan ɓɔrɛ ari iinak baŋɛ, nɛ moko tona sini ma tuuka a kaalɛŋ.

⁶Iɗit sinɔ ɛtɛ oko sinik, gayɛ sɛɛna goopan sinɛ gooparɗi joop a ɓɔɔkaaŋ iinakɛkiŋ.

⁷Agut sini in ŋɔɗiirɛɛ sɛɛne ɛ in gaananɛɛ kɛnɔ kat sanɗi nɔ jibaatɛɗ.

⁸Nɛ kɔnu kalɛya kɛnɔ yaaŋɛɛr mɛyin sinɛ porurɗɔ sɛɛnik.

⁹Nɔkan kɔna taapɛrkiɗa wosɛ sinɛk kɛnɔ ɗegera kɛ paarɛɛkan kɔnu nɛ tiiɗikari olaata baŋɛ.

¹⁰Iɗit sinɔ ŋɔɗitarkiɗɔŋɔŋk ŋɔɗitarkiɗa ɓɔraŋ, ɔkɔn lakɛ any sinɔ ŋɔɗurkuɗaŋɔŋkuŋ, ŋɔɗurkuɗa taamɛkɛ Kereseek agut iinak,

¹¹kɛnɔ kat tina ɓoonku setan tool nɔ tin lɔsɛɗ agut sinɔ ɗegerɗii ijaag nɛɛk ɗɛgɛɛjoŋkŋɔŋk.

¹²Saakan kɛɛɗa Tiroadaakak kɛnɔ kɛɛɗa waasa Pɛɛni sinɔ Ɓɛlkɛɛstank Kereseek, nɛkanta tayɛ Suumii tuga.

¹³Yakana ki ɓayɛ naakɛ dokiiɗe agut sinɔkan kiiɗa laŋiiɗ manya eeta Tiitook, nɛ pakakatikii a ŋaadtaanak sigɛ atu sooyk nɛ ŋaara Mɛkedooniyaaka.

¹⁴Yakana in dakɛr pɔɔsiyɛɛk Waakoyota sinaana tin ari a lɔsiɗikii Keresee ɓɛɛnyɔwɛ gɛɛŋk baŋɛ a tin yaaŋɛ a tin dɛnɛɛŋɔŋk, ɛ duuŋe ŋaaka nɛɛkɛ joopa baŋɛ goy naŋk.

¹⁵Agut sinɔ eteŋk ŋaaka Kereseek Waakoyota joope sigaagakoy bɔdɛrk a sigaagakoy badɛrk kɔɔr.

¹⁶Eteŋk ŋaaka retoŋk sinɔ dilɗi retaak joopa sigaagakoy badɛrk, mayakana eteŋk ŋaaka wɛɛŋakoŋk sinɔ dilɗi wɛɛŋakaak joopa sigaagakoy bɔdɛrk. Anɛ wooɗ sinɛ gayɛ ijaaga sineenak?

¹⁷Moko seek ɓɛɛlii oko joop sigɛ ɓɔɔkaak sigɛ ɓalɗi pɛɛnii Waakoyotoŋk a ito joop sigɔ kaakasar ola ɓaliiɗoŋkuk kɛnɔ laŋir ŋaaytank, mayakana seek tonɗiikii ɓayaay sinɔɔnɛ eekerkank taamɛkɛ Waakoyotoŋk a Kereseek oko joop sigɔkan wosɛykɛɛ sooy lak Waakoyok.