Read majang Gɛlatiyaa 6 Bible Online

Gɛlatiyaa 6 - majang bible

Gɛlatiyaa 6

¹Iinak manyaakak eeta sigɛ dooytaanakik, ɔkɔn lakɛ iɗit sinɔkɔ ijaag tikiyɛɛkiŋ, nɛ in jumurkɛɛ koɓiiɗ sinɔɔnɛ mentanŋɔŋk iinak dooytaanak sigɛ ɓaŋkaawakari ŋaadiyɛɛkɛk. Yakana seŋk kooru ɛɛk kɛnɔ kɔɔ kat ɗiiririn paariyɛɛka sigɔɔga ito sigik.

²In iɗit omaay diile diil mɛŋkoŋk. Dusanɛɛrkɔɔ higi Kereseek ant sinɔɔnɛ ito sinik.

³Iɗit sinɔ koɓu kɛ dɔɔska joope eetik, ma ki dɔɔskaak, raamɛ ɛɛk nɛɛk.

⁴In iɗit a omoŋ omoŋ mermen ijaag nɛɛk kɛnɔ paariɗ ma moko seedi baŋiya ari ɛɛk nɛɛk a arir arampɛ a iɗit, laŋkoy any sinɛ meriiɗ ɛɛkkiŋ,

⁵agut sinɔ ɗɛyɛɛɗ eta a omoŋ omoŋ a diile diil nɛɛk ɗumaak.

⁶Iɗit sinɛ barɛ ɛɛk pɛɛnii nɛɛkɛɛkik, nɛ in sɛɛn kaastan any sinɔ mentanŋɔŋk a rɔɔriytan nɛɛk agut omoŋ.

⁷Kat raaramari ɛkan goŋk. Kɛɛ Waakoyote ariiɗ anyaayi. Ɗootukoy iɗit sinɛɓa soowɛk.

⁸Iɗit sinɔ soowuɗi ma ari a yaageeɗ taar nɛɛkik, ɗootukoy taare nɛɛkɛ rer, ma iɗit sinɛ soowuɗi a ari wɛɛŋa a yaa sɛɛgaŋɔŋk ɗootukoy wɛɛŋakɛ bɔdɛ sinɛkoy nɔkoy nɔkoyk.

⁹Agut sini kat bɔɔlaakii ijaag any sinɔ mentanŋɔŋk. Ɔkɔn kii jibaatɛtiŋ, nɛkɔɔ ɗootiɗikii saakɔɔ gayɛɛɗ ɔɔtɛ ɗootaanoŋkuŋ.

¹⁰Ɔkɔn laŋii ɔɔtɛ sinɔ gayɛŋɔŋkuŋ, koy ijaagii any sinɔ mentanŋɔŋk joopa baŋɛ kɛ ɗɔm joopa sigaaga ŋaadtaanakik.

¹¹In dɛnɛɛ saakɔ kɔna taapɛrkiɗa ariit naakɛ taaptaanakɛ sigɔɔgɛ boobɛr a ɛtɛr ɛkik.

¹²Joop sigɛ kɔnu direr kɛnɔ kɔnu yayawɛɛk merirɗi ɛɛk any ɛɛk raŋan nɛɛkik. Arir any sini kɛnɔ maŋk mɛlki sɛɛga epapay agut laalawutan Kereseek.

¹³Ɗɛyɛr a kɔnu yayawɛɛ nɛ merir ɛɛk taarakɛ goŋk, ma sɛɛg sigɛkan yayawɛɛk kir dusanɛɛt higi.

¹⁴Mayakana inte yowɛɛɗir meri ɛɛkoŋk omaay laalawutant Keresee sinɛkanta laalawuguɗɛɛ ɗook, maɓɔrɛ laalawuguɗɛɛ eet agut ɗook.

¹⁵Agut sinɔ kɛygun yayawiikaayɛɛŋ kɛygun kiikaayɛ yayawiitiŋ kɛɛ any sinɔ kɔnykuk. Kɔnyɗi sinɔ gerkiɗɛɛ riiɓ sinɔ tɔɔnuk.

¹⁶In dakɛ a bɔdɛ a maariyeet joopa sigaaga nomɛr gopɛ sineenek, ɛ joopa Waakoyotoŋk Israeelik baŋɛ.

¹⁷Agut sinɔ kat lakɛ iɗit sinɔtu ooɗɛk. Laka diidi eek naakɛ. Nɛ yaaŋɛ diidi sini sinɔ kɛ arka Yeeseek.

¹⁸Iinak manyaakak eeta sigɛ dooytaanakik, in wookan Suumi naŋk Yeese Kereseek a wɛɛŋa goŋk agut omoŋ. Ameen.