Read majang Omoŋ Tɛsɛlonkeek 4 Bible Online

Omoŋ Tɛsɛlonkeek 4 - majang bible

Omoŋ Tɛsɛlonkeek 4

¹Pediya nɛɛka iinak manyaakak eeta, kalɛyii kɔnu tiriyaakɛ Suumi Yeeseek, kɛnɔ beeɗiir beeɗiit sinɔ yaa Waakoyotak oko sinɛkan kɔnu rɔɔriyɗiik. Beeɗiir oko sinɛk rɔɔriyii kɔnu kɛnɔ ijaagiir a kaalɛ sinɛkan ijaagiir jeemɛk.

²Ɗegerari kɛ gaɓiikan kɔna sekiyɛ kɛ jikonak tiriyaakɛ Suumi Yeeseek.

³Ɗɛyɛ kɔnu Waakoyot a iinak geetitaanak ɛ yowɛrkari ruunyikent.

⁴Iinak a omoŋ omoŋ, in iɗit ɗeger gaamit ɛɛk nɛɛkik a sɛɛn geetitan eemɛyɔɔn.

⁵Ma kat latukari ɗɛyan taaroŋk oko joop sigɔ kir ɗegerɔɔn Waakoyok.

⁶Kat lakɛ iɗit sinɔ tike manyaak maŋk raamɛ manyaak ant sineenek, oko sinɛɓa kɔna toniɗii jeemɛk, ɛ oko sinɛkan kɔna rɔɔrɔkɗiik kɛ ɗɔmkuŋ. Goop koy Suumii joop sigɛ ijaagir tikiyɛ sigɔ ito sigikiŋ.

⁷Agut sinɔ riykan tin Waakoyot kɛnɔ beeɗii a eteŋk geetitaanak, ma mokokan tin riy kɛnɔ beeɗii a eteŋk somkaanak.

⁸Nɛ agut sini iɗit sinɔ ɓooyu rɔɔriyɔn sinik, nɛ ɓooyu Waakoyo sinɛ kɔna gaɓɛ Wɛɛŋa sigɛ geetitaanakik, ma moko ɓooyu iɗit.

⁹Kɛɛ iɗit sinɔ kɔna taapiɗiir agut popor masiikikeenoŋk, agut sinɔkan kɔnu rɔɔriyɗ Waakoyot ɔɔtɛ popor ɛkanɛɛkɛŋɔŋk.

¹⁰Poriir masookoyak sigɛ atu Mɛkedooniyaakeek baŋɛɛŋ. Iinak manyaakak eeta, rɔɔriyii kɔnu kɛnɔ in poporiikɛ a kaalɛŋ.

¹¹In koɓɛɛ any noŋk dakɛɗa nɔ beeɗɛɛ kɛ lɔt, in ijaagɗikɛɛ arnɛ goŋk oko sinɛkan kɔna sekɛɛɗii jeemɛk.

¹²Oko sinik, eemɛyɛɛ kɔɔkɔnu ɓɛɛnyɔwɛ gɛɛŋk baŋɛ sooy lak joop sigɛ kir ŋaadiɗitikiŋ, ɛkɔɔ beeɗiir a oolɛɛr ɛkan goŋk a kɛɛ iɗit sinɔ titiɗigiɗɔɔk.

¹³Iinak manyaakak eeta, ɗɛyii kɛnɔ ɗegerari ɔɔtɛ joop sigɛkan rɛrark kɛ ŋaarark eekeer gɛɛŋk, kɛnɔ kat sanɗikar oko joop sigɔ kɛɛ sɛɛge ŋaadiyɛk sigɛ kookorarik.

¹⁴Ŋaadii kɛ rɛrɓa Yeese nɛɓa ŋaarki ret nɛɛkɛ walasaŋ, agut sini ŋaadii joop sigɛkan rɛrar ma ŋaadir Yeeseek kɛ ɗɔk koy sɛɛg Waakoyot a Yeese agut omoŋ.

¹⁵Pɛɛni Suumiyoŋk sini kɔna toniik. Eteŋk joop sigɛ ɓɛɛlii wɛɛŋakɛk nɔkoy mɛlkiɗ Suumiik kii koy ɗoyii ɔɗɔɔkɛ joope sigaagɛɓa rɛrark.

¹⁶Kuskoy sɛŋk Suumii ɔɗɔwa nɛɛka dari. Tiyɛɛkoy koŋgoy sekiyɛɛkoŋk, a koŋgoy ɔɗɔwen wosɛytaanakoŋk, a koŋgoy luuri Waakoyotoŋk. Nɛkoy ŋaararki ɔɗɔɔkɛ joop sigɛɓa rɛrɛrar ma ŋaadiɗi Kereseek.

¹⁷Saadi baŋiya eteŋk sigɛ ɓɛɛlii wɛɛŋakɛk boŋɛɛkoy tin tiimana takana a sɛɛg agut omoŋ kɛnɔ lalaŋikii a Suumi walas taamt. Nɛkoy beeɗii a Suumi agut omoŋ nɔkoy nɔkoyk.

¹⁸Agut sini in gaananɛɛ ɛkan Pɛɛnii sineene.