Read majang Ibirawiyaan 1 Bible Online

Ibirawiyaan 1 - majang bible

Ibirawiyaan 1

¹Tonɗiiɓa Waakoyot ɔrɛyaka gaŋk goy joop pɛrkaakoŋk, aɓa tukiɗik ɗeeŋ ɔɔtɛɛkɛ sigɔɔgɛ pakakataaŋɔŋk a gopakɛ sigɔɔgɛ pakakataaŋɔŋk,

²yakana tina tonɗi eme sineene pediyaak Toomoy nɛɛkɛ, sinaanɛkoy boŋu any baŋɛk, ɛɓa riiɓe ɗoo a dari a ola baŋɛ Sɛɛnek.

³Dakɛɓa Sɛŋk a rɔmɛ ɓɛɛlɛt Waakoyotoŋk sinɔ daktank a nyaalan eemɛyɔn nɛɛkik agut omoŋ. Aɓa titike any baŋɛ a gaamu Pɛɛnii nɛɛkɛ sinɔɔnɛ lak ɓaŋkawukaak. Nɛ saaɓa aadiiɗ tikiyɛ joopoŋk baŋiyak, nɛɓa dokuɗe dari ɗiɗikakɛ Waakoyo sinɛ lak ɓaŋkawukaak.

⁴Nɛɓa ari Tɔɔn nɛɛk a kaalɗi wosɛytaanakɛ gɛɛnɛ oko sinɛ kaalɗiɗi tiriya sigɛɓa gageeɗ Waakoyotuk.

⁵Agut sinɔ kɛɛ aasi wosɛytaanakɛ ara sinɔɓa tongeeɗ Waakoyot kɛ, "Iin Tɔɔn naak, ɓartakɔnu ɓenysek." Maŋk kɛ, "Dakigiɗakoy a Ɛpɛnik, ɛkoy sɛɛn Tɔɔn naak."

⁶Saakoy wosɛykiɗ Waakoyot Tɔɔn nɛɛk sinɛ tekayank ɗookak, nɛ tonu kɛ, "In ugumergeeɗ wosɛytaana Waakoyotoŋk baŋɛ."

⁷Saa tonɗiɗ agut wosɛytaanak Waakoyotoŋk, nɛ tonu kɛ, "Arikoy wosɛytaanak gɛɛŋk a yoŋgoyik, ma ari ijaageer gɛɛŋk a ɗaawan maɗoŋk."

⁸Mayakana tonu agut Tɔɔn nɛɛk kɛ, "Iin Waakoyo, beeɗkoy burɛ[1] nookɛ nɔkoy nɔkoyk, ege gumboy[2] burɛ nookuk gumboy sinɔ likik.

⁹Porun mentanka taamɛkɛ Waakoyotoŋk, ma ɓooyun any sinɔ ŋɛɛwɛnŋɔnŋk. Nɛ agut sini daam kɔnu Waakoyot Suumi nookɛŋ, gupatikkanna yaaka a ito diikuy nɛkanni ɗonyɛ a kaalɛ saakomak gooŋk."

¹⁰Ɛɓɔrɛ tonu kɛ, "Iin Suumi, riiɓinɓa tuki nɛɛkɛk nyon ɗookoŋk, ma ege dariyatɔ ijaag ari nookuk.

¹¹Nɛkoy sɛɛk badɛrŋ makoy seŋk beeɗin, bɔlɔŋurark koy baŋɛ a ito abii.

¹²Sonysoomunkoy sɛɛg a ito abii miinyeetoŋk, weerɛrkoy ɛɛk okokɔ abiik. Mayakana seŋk kinkoy weerɛɛt ɛɛk, kirkoy emeyi goonɛ pedi a daktan."

¹³Kɛɛ wosɛytaanakɛ Waakoyotoŋk ara sinɔɓa tongeeɗ Waakoyot kɛ, "Beeɗi ɗiɗikakɛ gaanɛk nɔkoyna ariɗa gumaakeer gooŋk a atu ɓaŋkawukaat nookɛ goyse ɗeekik."

¹⁴A moko ege wɛɛŋa Waakoyotoŋk ijaageer sigɔɓa wosɛykɛɛ sɛɛg kɛnɔ kɔnyɛr ɛ koorɛr joop sigɛkoy bɔdɛrk?