Read majang Omoŋ Petrosuk 4 Bible Online

Omoŋ Petrosuk 4 - majang bible

Omoŋ Petrosuk 4

¹Agut sinɔɓa Kerese laŋkiɗ rakatɛ buusɛɛ nɛɛkɛŋɔŋk nɛ in ɓaŋkaawurɛɛ kɛnɔ beeɗɛɛ koɓiiɗ sineene, agut sinɔ iɗit sinɔ laŋki rakatɛ buusɛɛ nɛɛkɛkik ŋɔrkɔ ijaag tikiyɛɛkoŋkuŋ.

²Nɛɓɔ seedi son beeɗit nɛɛk sinɛ ŋayɗiik ɗook sineneek beeɗ a moko ijaag ɗɛyan taaroŋk sinɔ ŋɛɛwɛnŋɔŋk, ma beeɗ a dusanɛ ɗɛyan Waakoyotoŋk.

³Gayɛkɔɓɔ sinɛɓa weeweriiɗɔ eme saaɓak oko sinɛ ijaagirɗi joop sigɔ kir ŋaadiit Waakoyok, molkotɔn a ruunyikeen a tɔpɔy a duubiyeet tɔpɔyoŋk a tuu sinɔ kaalɛŋɔŋk a ugumeet jookakaak sinɔ keerɛɛŋɔŋk.

⁴Agut sinɔ kirdɔ reeran a sɛɛg agut omoŋ molkotɔɔn sinɔɔnɛ taŋɛŋɔŋk nɛ reemɗi sɛɛg ɓayɛtun nɛkɔnu nyɔɔnarŋ.

⁵Yakanakoy gaɓɛr jumuran Waakoyota sinaanaɓa ragadi ɛɛk kɛnɔ pɛrɛdɛ joope sigaagɛ atu wɛɛŋakɛk a sigaagɛkan rɛrarkiŋ, agut ijaag nɛŋk sinɔ ŋɛɛwɛnŋɔŋk.

⁶Agut sini waasɛɛɓa Pɛɛni sinɔ Ɓɛlkɛɛstank a ɓɔrɛ kir dakɛ joop sigɛɓa rɛrark, pɛrɛdɛɛkoy sɛɛge taare nɛŋk oko joop baŋɛ, mayakana wɛɛŋakɛ gɛŋk beeɗir oko sinɛ beeɗiiɗ Waakoyotuk.

⁷Wɔɔŋku sisɔ pedtan ola baŋɛk. Agut sini in ɓeɗɛɛ kɛnɔ beeɗɛɛ kɛ ɗɔm kɛnɔkɔɔ oolɛrɗɔ ɗanɗamɔnk.

⁸In poporiikɛɛ ɛkanɛɛkɛ goŋk kɛ ɗɔm a kaalɛ ola baŋɛ, agut sinɔ mɛyin miinyeɗ tikiyɛ sigɔ ɓɔɔkaaŋɔŋkuk.

⁹In boboŋɛɛ ɛkan goŋk a konan a kat nonnogikɛɛ.

¹⁰In lowɛɛ tigiyak Waakoyotoŋk sigɛ pakakataaŋɔŋk a kɔnu ŋaadigiɗɛɛŋ, iinakɛ a omoŋ omoŋ in ijaagɗiiɗ iɗit mɛŋka wookaan sinaanɛɓa kɔna gaɓɛɛk.

¹¹Ɔkɔn lakɛ iɗit sinɔ rɔɔriyaaŋɔŋkuŋ, in rɔɔriya oko sinɛ rɔɔriyaaɗ Pɛɛni Waakoyotoŋkuk. Maɓɔrɛ ɔkɔn lakɛ iɗit sinɔ ijaagɗiŋɔŋk in ijaagɗi ɓaŋkawukaat sinaanɛ gageeɗ Waakoyotuk, oko sinik pɔɔsɛɛ Waakoyo olaatɛ baŋɛ goy Yeese Kereseek. In eemɛyɔn a ɓaŋkawuka Sɛɛna nɔkoy nɔkoyk, Ameen.

¹²Iinak tekaaneer, saa laŋirkiɗɔ rakatɛ sinɔ kɔnu paari a ito maɗik kat ŋaatɛɛ a itokɔ laŋirkɔ any sinɔ inɓa kɛɛk.

¹³In kɔna yaa jɛt oko sinɛ kaasɛrɗɔ rakatɛ Kereseek. Kɛnɔkoy kɔna yaa jɛt saakoy yaaŋɛɗ ɛɛk eemɛyɔn Nɛɛkɛkik.

¹⁴Ɔkɔn kɔnu nyɔɔnɛɛ agut tiriya Kereseekiŋ, iinak geetitaanak, agut sinɔkɔɔ kɔne dokurɗu raŋk Wɛɛŋa eemɛyɔɔnoŋk sigɛ Wɛɛŋa Waakoyotoŋkuk.

¹⁵Ɔkɔn kɔne iɗit omaay laŋki rakatɛɛŋ, kat laŋki rakatɛ ma sɛɛn iɗit sinɔ ɓokokotiiŋɔŋk, ɛ agalt, ɛ sɛɛn iɗit sinɔ tikitank, ɛ iɗit sinɔ guuguny anta etoŋkuk.

¹⁶Yakana iɗit sinɔ laŋki rakatɛk kat lak keeny agut sinɔ sɛɛn dooytan, ma in pɔɔsɛ Waakoyo agut tiriya sigi.

¹⁷Wɔɔŋku ɔɔtɛ sinɛkɔɔ tukeeɗɛɛ pirdi Waakoyotoŋkuŋ. Tukɛɛkoy pirdi nɛɛk joope Waakoyotoŋk, anɛ ɔkɔnkɔɔ tukɛɛ pirdi eteŋkɛŋ nɛ joop sigɛ kir tiiɗit Pɛɛniya Waakoyotoŋkuk pedikoy nɛŋk jikon?

¹⁸Oko sinɛ toniiɗ Wargatɛ Waakoyotoŋk kɛ, "Iɗit sinɔ mentan taamɛkɛ Waakoyotoŋk ɔkɔn aasi bɔdɛ ooɗiyɛɛkɛŋ, nɛ iɗit sinɔ ki ɗɛyɛ Waakoyok a tikitank ɓɛɛlɛkoy sɛŋk ɛk?"

¹⁹Agut sini joop sigɛ laŋirki rakatɛ oko ɗɛyan Waakoyotoŋkuk, in gaɓɛr ɛkan gɛŋk Waakoyota sinaana ŋaadɛɛk sinaanaɓa riiɓiik, kɛnɔ ijaagir any sinɔ mentanŋɔŋk ɔɗɔɔka.