Read majang Omoŋ Yowanisik 1 Bible Online

Omoŋ Yowanisik 1 - majang bible

Omoŋ Yowanisik 1

¹Taapiɗiira[1] kɔna sisɔ agut Pɛɛni Wɛɛŋakoŋk sinɛɓa ɓɛɛlɛ olaatɛ baŋɛ tukik. Sɛɛn sinɛɓa tiyiik ɛɓa dɛnii tamunɛɛkɛ gaŋkik, nɛɓa mermenii ɛ gaamii arnɛ gaŋkik.

²Yaaŋɛrɓa ɛɛk wɛɛŋa sigiŋ, nɛɓa dɛniiŋ, nɛ waasiiŋ, waasii kɔna eekeer wɛɛŋa sigɛkoy nɔkoy nɔkoyk, sigɛɓa ɓɛɛlɛr sooy lak Baabɛɛk sigɛɓa yaaŋɛr ɛɛk eteŋkaak.

³Tonii kɔna any sinɛɓa dɛniik a sinɛɓa tiyiik kɛnɔ latukari omaayikeen a eteŋk, a Baabɛɛ a Tɔɔn nɛɛk, Yeese Keresee.

⁴Taapɛɛra kɔna sini kɛnɔ enya yaaka naŋk[2].

⁵Mayakana wosɛ sinɛɓa tiyii sɛɛnek kɛnɔ tonii iinakaak sinɔ kɛ ege Waakoyot pɛɗɛrkaak, kɛɛ nyuugur sooy lak sɛɛnik adaktan.

⁶Nɛ ɔkɔn tonii kɛ lakii omaayikeen a Waakoyo, ma beeɗii nyuugurŋ, nɛ tonii nyon, ma kii beeɗit pɛɛnii eekeeroŋk.

⁷Mayakana ɔkɔn beeɗii pɛɗɛrkaat oko sinɛ sɛŋk arkiɗ pɛɗɛrkaatik, nɛ lakii omaayikeen ɛkanɛɛkɛ gaŋk, ɛɓɔrɛ yɛrom Tɔɔn nɛɛkik Yeeseek aadi tin tikiyɛɛkɛ baŋɛ.

⁸Ɔkɔn tonii kɛ kɛɛ tine tikiyɛɛŋ, raaramii ɛkan gaŋk, kɛɛ eekeer eteŋkɛ tak.

⁹Ɔkɔn yaaŋii tikiyɛ gaŋk Waakoyotaŋ, agut sinɔ ŋaadiɗɛɛŋɔŋk ɛ mentan, ŋɔɗurkɔɔ tine tikiyɛ gaŋkiŋ, ɛkɔɔ tine aadiir ŋɛɛwɛnka naŋk baŋɛ.

¹⁰Ɔkɔn tonii kɛ kiiɓa ijaagɛ tikiyɛɛŋ, arii Waakoyo a nyonkan, ɛ kɛɛ Pɛɛni nɛɛk eteŋkɛ tak.