Read majang Pɛɛyeen Yowanisik 1 Bible Online

Pɛɛyeen Yowanisik 1 - majang bible

Pɛɛyeen Yowanisik 1

¹Ege sini wargatɛ sinɛkɔ wosɛyɛɛrɛɛ seey lak eet sinɛ gutarink son lak jarti sinɛɓa daamɛɛk a tɔɔmɔk gɛɛŋk. Porakɔnu a eekeeriŋ, moko eet dakɛɛɗa porur ɓɔrɛ kɔnu joop sigɛ ɗegerar eekeerik baŋɛ.

²Nɔ kɔnu poriɗiik agut sinɔ eeker sigi atukuɗ eteŋkɛ kɔɔrk, ɛkoy beeɗir ɔɗɔɔka nɔkoy nɔkoyk.

³In wookan a maariyeet a bɔdɛ Ɛpɛnaak a Tɔɔn nɛɛk Yeeseek eekeerɛ a mɛyin, a eteŋk agut omoŋ.

⁴Yaata jɛt agut sinɔkɔ laŋkiɗa tɔɔmɔkɛ goonɛk a omoŋ omoŋ, a ɓaŋkaawurar ŋaadiyɛɛkɛ sigɔɔgɛ eekeerik oko sinɛɓa tina sekɛɛɗ Baabɛ Waakoyotuk.

⁵Sisɔ iin tagoon sinɛ porɛɛk, tona kɔna kɛ koy poporikii ɛkanɛɛkɛ gaŋk, sekiyɛ sigɛɓa kɔna taapɛɛrak sigɛɓa tukik, ma moko sigɔ tɔɔmɔkuk.

⁶See kɛ mɛyink dusanɛɛt sekiyɛ Waakoyotoŋk. Sekiyɛ sigi oko sinɛɓa tiyɛrɗɔ tuki nɛɛkɛkik sigɔ kɛ, "In beeɗɛɛ mɛyink."

⁷Ŋaararkiɓa joop sigɔ raamkaanakik a ɓɔɔkaaŋ ɗook raŋk. Sɛɛg kir ŋaadit kɛ mɛlkiɓa Yeese Kerese taarek. Joop sigi raamkaanak, ɛ gumaakeer.

⁸In koorɛɛ ɛɛk kɛnɔ mokoy kɔne badɛ any sinɛɓa ijaagiirik, ɛ kɛnɔkoy laŋiir gati any sinɛɓa ijaagɗigiɗɔɔk.

⁹Iɗit sinɔ ki beeɗit rɔɔriyɔɔn Kereseek ɛ ŋawite a yowɛɛɗir sɛɛnek, kɛɛ sɛɛge omaayikeen a Waakoyo. Mayakana iɗit sinɔ beeɗ rɔɔriyɔɔn Kereseek, latu omaayikeen a Ɛpɛn a Tɔɔn nɛɛk.

¹⁰Ɔkɔn lakɛ iɗit sinɔ kɔna mɛlki ma kiiɗɛ rɔɔriyɔn sinik, kat boŋɛɛ nyaki noŋk ɛ kat aasi digoyɛɛrɗ.

¹¹Iɗit sinɛ digogoyi a sɛɛnik nɛ sɛɛn kaastan any sinɔ ŋɛɛwɛnŋɔŋk a sɛɛn agut omoŋ.

¹²Laka ola a ɓɔɔkaaŋ sigɔ ɗɛya a gun kɔna taapɛɛraŋɔŋk, yakana kaa ɗɛyɛ a kɔna yaaŋɛɛra sɛɛg wargatɛɛŋ. Ma koora ŋaadiyɛɛkɛ kɛ mɛlɛɛrakɔɔ son lak iinakik, nɛkɔɔ tonɗiikii a dɛdɛnikii taamɛkɛ kɛnɔ tina yaa a kaalɛŋ.

¹³Digoyɛɛtarnɔnu tɔɔmɔk masookoy sinɛ jartik sinɛɓa daamɛɛk.