Read majang Jiiteen Yowanisik 1 Bible Online

Jiiteen Yowanisik 1 - majang bible

Jiiteen Yowanisik 1

¹Ege sini wargatɛ sinɛkɔ wosɛyɛɛrɛɛ seey lak eet sinɛ gutarink, son lak Gaayiyoos tekaan naak sinɛ pora eekeerɛk.

²Iin tekaan naak, oko sinɛ ɗegerɗa kɛ bɔdun goy ŋaadiyɛ gooŋkŋɔŋk, nɛ ɗanɗamaaka kɛnɔ lakin bɔdɛ eek nookɛ ɛ kɛnɔna gayɛ beeɗit nookɛ baŋɛ.

³Yaata jɛt agut sinɔkɔ kurakiɗ manyaakak eeta a omoŋ omoŋ nɛkɔ tiya saa waasɛrɗik kɛ ŋaadɛɛnɔnu eekeera ɛnɔ beeɗin eekeerɛ.

⁴Kɛɛ any sinɔtu ari ata yaa jɛt a kaalɛ sinɛ tiyɛɛɗa kɛ beeɗir tɔɔmɔk gaanɛ eekeerɛk.

⁵Iin tekaan naak, ijaagɗikin manyaakaka eeta ani ŋaadɛɛŋ kɛygun aasi sɛɛk konan iinaŋ.

⁶Waasɛrkan sɛɛk agut mɛyin sinɛ lakin joope Gode Sambatɛyoŋk taamɛkɛk. Nɛ sisɔ ɔkɔn kɔnyun sɛɛg ŋawit nɛŋk ɔɔtɛ sinɔɔnɛ yaa Waakoyotakiŋ, gun mentan.

⁷Saakan sɛɛk ɛtɛrɗi nɛ ijaagɗiɗ Kereseyaak, nɛkan kir laŋiiɗ tɔkɔny joope sigɔɔgɛ kir ŋaadiɗitik.

⁸Ɗɛyɛtina a wɔɔrii joop sigɔ ito sigikiŋ kɛnɔkɔɔ eteŋk joop sigɔ kaasɛr ijaag eekeer Waakoyotoŋkuk.

⁹Taapiɗiirakan jeemɛ Godeya Sambatɛyoŋkuŋ, yakana Diyotirepees sinɛ ɗɛyɛ a sɛɛn ɔɗɔwenk, ki boŋiiɗ koɓi naak.

¹⁰Saakɔ kɔrurkuɗak, nɛ yaaŋa joopa baŋɛ any sinɛkan ijaagik ŋɛɛwɛnŋɔŋk a nyɔɔna agut eteŋk a nyon. Moko ijaag any sini dakɛɛɗa, sɛɛn ɔɗɔwa nɛɛka ki boŋiiɗ manyaakak eteŋka, ɓaariiɗ kɛnɔ kat sɛɛg boŋur joop ɔgɔɔk, ɛ ɔɔyku sɛɛg Godeey Sambatɛyoŋk walasa.

¹¹Iin tekaan naak, in gayiikɛɛ a iɗit sinɔ mentanŋɔŋk ma kat gayiikɛɛ a iɗit sinɔ ŋɛɛwɛnŋɔŋk. Iɗit sinɔ ijaag any sinɔ mentanŋɔŋk, sɛɛn tɔɔn Waakoyotoŋk. Ma iɗit sinɔ ijaag any sinɔ ŋɛɛwɛnŋɔŋk kiɓa taanta Waakoyo adaktan.

¹²Tonur joop baŋɛ Dimetiroos a mentan, yaaŋɛr ɓɔrɛ eeker ɔɗɔwa nɛŋkiŋ. Maɓɔre tonii siniŋ, ɗegerari toni naŋk kɛ eekeer.

¹³Laka ola a ɓɔɔkaaŋ sigɔ ɗɛya a gun kɔna taapɛɛraŋɔŋk, yakana kaa ɗɛyɛ a kɔna yaaŋɛɛra sɛɛg wargatɛɛŋ.

¹⁴Ma ŋaada kɛ dɛnaakɔɔ kɔnu nɛkɔɔ tonɗikii a dɛdɛnikii taamɛkɛ.

¹⁵Digoy kɔna, digoyɛɛtarnɔnu tekaaner goonɛ sigɛ seeyk, digoyɛɛnɔta tekaaneer baŋɛ a omoŋ omoŋ.