Read majang Dɛnɛɛ Pɛrka Yowanisik 10 Bible Online

Dɛnɛɛ Pɛrka Yowanisik 10 - majang bible

Dɛnɛɛ Pɛrka Yowanisik 10

¹Seedi baŋiya dɛnaakan wosɛytan Waakoyotoŋk om sinɔ ɓaŋkawuŋɔŋk sinɔ kus darik, a kan lak eek gumoy, makan lak aɗoy nɛɛkɛ tookɛɛta ambasoy ɛkan gayi taamɛ gɛɛnɛ a waawuy, makan ɓɔrɛ ɗaawur derak gɛɛnɛ a ito maɗ.

²Nɛkan lak ariit nɛɛkɛ wargatɛ sinɔ tɛmŋɔŋk sinɔ ɓarɓaɗtank, nɛkan ar deran nɛɛkɛ gɔɔ sinɛ ɗiɗikik goroo sinɔɔnɛ obiiŋɔŋk raŋk, ma gɔɔ sinɛ kantik ɗook raŋk.

³Nɛkan ooyɛ a ɗooruŋ a ito gindɛyɛ ɗɛpɛ. Nɛ saakan ooyɛɗik baŋiya, nɛkan tonɗi tɛɓɛrak sigɛ tula pɛɛyk koŋgoyiikɛ gɛŋk.

⁴Nɛ saakan tonɗiiɗ tɛɓɛrak sigɛ tula pɛɛyk, nɛkan ragada ɛɛk kɛnɔ gun taapa, yakanakan tiya koŋgoy dari sinɔ tonu kɛ, "Kat taapun" mayakana koru dikoy taapiyɛɛkoŋk any sinɛkɔ tonur tɛɓɛrak sigɛ tula pɛɛyk.

⁵Nɛ seedi baŋiya wosɛytan Waakoyotoŋk sinɛkan dɛna a ɛtɛ goroo sinɔɔnɛ obiiŋɔŋk a ɗook raŋk, nɛkan ɓɔŋgɔɔrɛ ari nɛɛk gɔɔ sinɛ ɗiɗikik dariya.

⁶Ɛkan wogoyɛ tiriyaakɛ Waakoyo sinɛkoy beeɗ nɔkoy nɔkoyk, sinaanɛɓa riiɓe dari a ola sigɛ lak sɛɛg takik baŋɛ, a ɗoo a ola sigɛ lak sɛɛg takik baŋɛ, a gɔrɔ sinɔ obiiŋɔŋk a ola sigɛ lak sɛɛg takik baŋɛ, ɛkan tonu kɛ, "Seedi baŋiya kiirkɔɔ gaalat kɛ many!

⁷Yakana saakoy gotɛɛɗ wosɛytan tula pɛɛyeen nɛɛkɛ luuri nɛɛkik, nɛkoy dusanɛ Waakoyot any nɛɛk sinɔ dugaaŋɔŋk sinɛɓa gaamuk oko sinɛɓa toniiɗ ijaageera gɛɛna, joopa pɛrkaakoŋkuk."

⁸Nɛkanta tonu koŋgoy sinɛkan tiya ata tonɗiik darik kɛkar kɛ, "Mak nɔ kɛɛɗin boŋun wargatɛ sinɔ tintimtank sinɔkan ɓarɓaɗɛɛŋɔŋk ariit wosɛytan Waakoyotoŋk sinɛ ɛtɛtɛr goroo sinɔɔnɛ obiiŋɔŋk a ɗook raŋk."

⁹Nɛkan kɛɛɗa son lak wosɛytan sinɛk nɛ kalɛya kɛnɔta gaɓɛ wargatɛ sinɔ tɛmŋɔŋk. Nɛkanta tonu kɛ, "Boŋu nɔ ɗamun, ɓaaykɔɔ amɗ nookɛ takiŋ, mayakanakɔɔ ŋɔlŋɔl ad nookɛ tak a ito ɛtɛɗ.

¹⁰Nɛkan boŋa wargatɛ sinɛ tɛmŋɔŋk ariit nɛɛkɛ nɛkan ɗamaaŋ. Nɛkan ŋɔlŋɔl ad naakɛ tak a ito ɛtɛɗ, mayakana saakan ɗamɗak baŋiya nɛkan ɓaay amɗ naakɛkiŋ.

¹¹Nɛkanta tonɛɛ kɛ, "Ɗɛyɛna a tonun pɛrka kɛkar agut joop sigɔ ɓɔɔkaaŋɔŋk ɗokanɛɛkoŋk, a tekaaneer, a atutun, a suumiyɛ."