Read majang Dɛnɛɛ Pɛrka Yowanisik 20 Bible Online

Dɛnɛɛ Pɛrka Yowanisik 20 - majang bible

Dɛnɛɛ Pɛrka Yowanisik 20

¹Nɛkan dɛna wosɛytan Waakoyotoŋk a worworiik dari, a lak ariit kulpiyɛ utul sinɔ kiidɛ sukuk, a melt awɛytoŋk sinɔ boobɛŋɔŋk.

²Nɛkan gaamu wosɛytan nɛɛk a wilaŋ nɛɛkiŋ, kooko sinɛɓa ɗeeŋk sinɛ riyɛ kɛ diyabiloos ɛ setanik, ɛkan korkor a emeyi kumɛ.

³Nɛkan sɛɛn oriir utula sinaana ɓukuurŋɔŋk, nɛ koriir nɛ kolopɛ kɛnɔ kat ari joop ɗokanɛɛkoŋk a babadarŋ, mɛlɛɛɗa nɔkoy dusanɛɛɗɛɛ emeyi sigɛ kumɛk, nɛ saadi baŋiya ɗɛygeeɗ a woorkɛɛ ɔɔtɛya sinɔɔna balaaŋɔŋk.

⁴Nɛkan dɛna barsumatɔk, ɛkan atu barsumatɔkɛ gɛɛnɛ raŋk joop sigɔkan sɛɛga gaɓɛɛ ɓaŋkawuka kɛnɔ pɛrɛdɛrk, ɛkan dɛna wɛɛŋa joop sigɛɓa yaayawurɛɛ ɔɗɔɔk gɛŋk agut waasiyɛ Yeeseek a Pɛɛni Waakoyotoŋk. Sɛɛg sigɛɓa kir ugumeet keegunta nɛɛkaak a tagaytaana nɛɛkaakik, ɛɓa sɛɛga kɛɛ ariiɗ yaaŋtan nɛɛk tɛpɛɛnaka gɛŋk maŋk arna gɛŋk, nɛkan sɛɛk ŋaararki ret walasa nɛ tapaaɗaanɛr a Keresee agut omoŋ a emeyi kumɛ.

⁵Ege sini tuki ŋaarin ret walasak. Makan reter sigɛ ŋayɗiitark kirki ŋaarin ret walasa mɛlɛɛɗa nɔkoy dusanɛɛɗɛɛ emeyi sigɛ kumɛk.

⁶Ege joop sigɛ kaastaanak rer sinɛ joop Waakoyotoŋk ɛ sɛɛg pɔɔsɛɛk. Kɛɛ ret sinaanɛ pɛɛyeen nɛɛkik ɓaŋkawuka sɛɛge raŋk, yakana dakɛrkoy sɛɛk a tapa sigɔ ijaagɗi Waakoyotak tapaaɗaanirkoy a sɛɛn agut omoŋ a emeyi kumɛ.

⁷Saakoy pedirɗi emeyi sigɛ kumɛk baŋiya, nɛkoy woorkɛɛ setan saadɓa korkorɗɛɛkiŋ,

⁸ɛkoy ŋaarki kɛnɔ ari joop ɗokanɛɛkoŋk a babadarŋ sigɛ atu kɛntɛyeerɛ ɗookoŋk sigaagɛ aŋank. Ege sɛɛk Goog a Magoog. Tolɛkoy sɛŋk sɛɛg kaarina a ito ikomiit nɛŋk kɛɛwɛ sinɔ ar goroo sinɔɔnɛ obiiŋɔŋk kɛntɛɛk.

⁹Ɛkan sɛɛk koyowɛrki ɗooka raŋana baŋɛ, ɛ tookɛr nyon sinɛ atukuɗ joop Waakoyotoŋk katamɛ sinɛ porɛɛk, yakanakan kus maɗ dari nɛ moɗɛɛr sɛɛgiŋ.

¹⁰Ɛkan oriirɛɛ diyabiloos sinɛkan ari sɛɛg a babadarŋɔŋk gɔrɔwa maɗoŋk koona sinaana paakɛŋɔŋk sinaanaɓa orurguɗɛɛ keegun sinɛ a iɗit pɛrkaakoŋk sinɛ nyonkank takanaak. Nɛkoy rakatɛr kaay a waawuy nɔkoy nɔkoyk.

¹¹Nɛkan dɛna barsum sinɔ obiiŋɔŋk ɛ tupeenyk, nɛkan lakɛ iɗit sinɔɓa dokuɗe barsum nɛɛkɛ raŋk. Nɛɓa gonarɗi ɗook a dari sɛɛne taamɛkɛ, nɛɓa kɛɛ sɛɛga laŋiiɗ nyon.

¹²Ɛkan dɛna reteer sigɛ boobɛrk a sigɛ temetuk a ɛtɛtɛɗar barsum nɛɛkɛ taamɛkɛ, ɛkan ɓuukɛɛ wargatɛɛ. Ɛkan ɓɔrɛ ɓuukɛɛ wargatɛ om. Ege sɛŋk wargatɛ wɛɛŋakoŋk. Nɛkan pɛrɛdɛɛ joope sigaagɛɓa rɛrark oko sinɛɓa taapɛɛɗɛɛ ijaag nɛŋk wargatɛɛkɛk.

¹³Gaɓɛkan ɓɔrɛ gɔrɔ sinɛ obiik reteer sigɛɓa lak sɛɛgik, makan ɓɔrɛ gaɓɛr ret a siiool reteer sigɛɓa latu sɛɛgik. Ɛkan pɛrɛdɛɛ sɛɛge baŋɛ ant sinaanɛɓa ijaagirɗik.

¹⁴Nɛkan oriirɛ rer a siiool maɗa sinaana ar goroo sinaanɛ obiik takik. Ege gɔrɔ sini obiiŋɔŋk maɗoŋk rer pɛɛyeen nɛɛk.

¹⁵Nɛ ɔkɔn lakɛ iɗit sinɔkoy kiikɛ laŋiiɗ tiriya gɛɛŋk aɓa taapɛɛ wargatɛya sinaanɛ wɛɛŋakoŋkuk, nɛkoy oriirɛɛ gɔrɔwa sinaana maɗoŋk takana.