Read majang Dɛnɛɛ Pɛrka Yowanisik 4 Bible Online

Dɛnɛɛ Pɛrka Yowanisik 4 - majang bible

Dɛnɛɛ Pɛrka Yowanisik 4

¹Seedi baŋiya mermenaakakan, nɛ dɛna tuga sinɔ taytank dari. Koŋgoy sinɛkan tiya tukik sinɛta ɗooru a ito luurik nɛta tonu kɛ, "Waɗik seena, yaaŋa kɔɔna ola sigɛ ɗɛyɛ a kɔɔ ɓɛɛlɛr seedi sonk."

²Sisa arkaakan Wɛɛŋakɛ, nɛkan dɛnɛɛra barsum dariya sinɔ beeberɗi iɗit omaayk.

³Iɗit sinɛkan dokuɗek nyaalɛkan ɛɛk nɛɛkɛ a ito giɗe sigɔ obi gati nɛɛkɛŋɔŋk sigɔ riyɛ sɛɛg kɛ iyaspidik a sɛrdinon. Nɛkan lakɛ barsum nɛɛkɛ tookɛɛta ambasoy sinɔ gayi a giɗee sinɔ obi gati nɛɛkɛŋɔŋk sinɔ riyɛ kɛ mɛrɛgidik.

⁴Lakɛkan barsum sinaanɛ tookɛɛta barsumatɔk ɔgɔ a ruumer iɗit a aŋan, nɛkan sɛɛge dokurɗe raŋk gutarɛyɛ sigɔ ruumer iɗit a aŋank sigɔ latu abiyak sigɔ tupenyjuŋɔŋk. Makan latu ɔɗɔɔkɛ gɛŋk raŋk doroyk eemɛyɔɔnoŋk workeyoŋk.

⁵Nɛkan ŋaarki barsum nɛɛkɛ talal, a koŋgoy, a tɛɓɛr. Nɛkan ɗaawur payɛyiik a tula pɛɛy barsum nɛɛkɛ taamɛkɛ. Ege sigi tula pɛɛyk Wɛɛŋa Waakoyotoŋk.

⁶Nɛkan lakɛ barsum nɛɛkɛ taamɛkɛ any sinɔ gayi a gɔrɔ sinɔ obiiŋɔŋk sinɔ nyaalɛ a ito ɓɛɛrawoyk sinɔkɔ poosɛɛŋɔŋk. Nɛkan lakɛ barsum nɛɛkɛ tookɛɛta goyse ɔɗɔɔkak a goyse baŋiyaak a kɔɔr keegu a aŋan sigɔ latu taamɛ a ɓɔɔkaaŋɔŋk.

⁷Gayiikan keegun sinɛ tukik a ɗɛpɛ, makan gayi pɛɛyeen nɛɛkɛ a jeguy, makan gayi tɛpɛn jiiteen nɛɛkik a tɛpɛn etoŋk, makan gayi aŋaneen nɛɛkɛ a sagi sinɔ pireŋɔŋk.

⁸Ɛ riiɓakɔ sigɛ aŋank latu wɛɛŋak sɛɛg a omoŋ omoŋ latukan tɔɓɔyɔ a tula om, enyɛɛrɛɛɓa sɛɛg taamɛkɛ tookɛɛta a takanak gɛŋk, nɛ tonɗi waawuy a kaay a kir yawɛɛɗ a daktan kɛ, "Geetitan, geetitan, geetitan, Suumi Waakoyo sinɛ Oolɛ ola Baŋɛk, sinɛɓa ɓɛɛlɛk, sinɛ ɓɛɛlɛk, a sinɛkoy mɛlkik."

⁹Saa gaɓɛrɗi riiɓakɔ sigi latu wɛɛŋak aŋank eemɛyɔn, a tukuun, a pɔɔsiyɛ sɛɛna sinaanakɔ dokuɗe barsum sinaanɛ raŋkik, sinaanakoy beeɗ a sɛɛn bɔdɛ nɔkoy nɔkoyk,

¹⁰ɛtɛr korontunɛ gutarɛyɛ sigɛ ruumer iɗit a aŋank sɛɛna sinaana dokuɗe barsum nɛɛkɛkik, ɛ ugumer sɛɛna sinaana beeɗ a sɛɛn bɔdɛ nɔkoy nɔkoyk. Nɛ boŋiitar doroy gɛŋk eemɛyɔɔnoŋk barsum nɛɛkɛ taamɛkɛ nɛ tonur kɛ,

¹¹"Iin Suumi naŋk a Waakoyo naŋk, agut sinɔ riiɓinɓa ola baŋɛ seŋk, nɛɓa laŋir wɛɛŋa ɛɓa riiɓɛɛ sɛɛg ɗɛyaan nookɛk, nɛ ɗɛyɛ tukuun a eemɛyɔn a ɓaŋkawuka iina."