Read KIMERU BIBLE PROTESTANT EDITION 1Ma 2 Bible Online

1Ma 2 - KIMERU BIBLE PROTESTANT EDITION bible

1Ma 2

¹Baba nîbo ataana ba Jakubu: Rubeni na Simioni na Levi na Juda na Isakari na Zebuloni

²Dani na Josefu na Benjamini na Nafutali na Gadi na Asheri.

³Juda aarî na ataana bataano. Nabo nî Eri na Onani na Shela. Bau baarî ba mwekûrû wa kuuma Kanaani ûrîa weetagwa Bathishua. Mûtaana wa kîranga wa Juda tawe Eri nî eeîîrie MWATHANI, nawe MWATHANI aramûûraga.

⁴Tamari mûka wa mûtaana araciarîra Juda aana bangî baîrî, nabo nî Perezi na Zera.

⁵Perezi nawe aarî na ataana baîrî, nabo nî Hezironi na Hamuli.

⁶Zera aarî na ataana bataano, nabo nî Zimuri na Ethani na Hemani na Kalikoli na Darida.

⁷ Akari nawe aarî mûtaana wa Karami. Akari nîwe waretereete Israeli thîîna înene nîûntû bwa gwîka into birîa aataîte. Nabio nî birîa biaathûrîri MWATHANI.

⁸Azaria aarî mûtaana wa Ethani.

⁹Hezironi nî aarî na ataana bathatû; Jerahimeeli, na Ramu na Kelubai.

¹⁰Ramu aarî îthe wa Aminadabu, nawe Aminadabu aarî îthe wa Nahashoni. Nahashoni nîwe waarî mûtongeeria wa antû ba Juda.

¹¹Nahashoni aarî îthe wa Salima, Salima aarî îthe wa Boazi.

¹²Boazi aarî îthe wa Obedi, Obedi aarî îthe wa Jesii.

¹³Jesii aarî na ataana baba: ûrîa mûkûrû eetagwa Eliabu, athingatwa nî Abinadabu, na Abinadabu athingatwa nî Shimea,

¹⁴Shimea athingatwa nî Nethaneli, Nethaneli athingatwa nî Radai,

¹⁵Radai athingatwa nî Ozemu, na Ozemu athingatwa nî Daudi.

¹⁶Jesii nî aarî na aarî baîrî; nabo nî Zeruia na Abigaili. Zeruia aarî na ataana bathatû. Nabo baarî Abishai, na Joabu na Asaheli.

¹⁷Abigaili aagûrîrwe nî Jetheri wa kuuma rûrîîjoone rwa Ishimaeli. Mûtaana waao eetagwa Amasa.

¹⁸Kalebu aarî mûtaana wa Hezironi. Kalebu nî aagûrîre mûka weetagwa Azuba ûrîa wamûciarîîre mwarî weetagwa Jeriothi. Azuba aracoka aramûciarîra ataana baba. Nabo nî Jesheri na Shobabu na Aridoni.

¹⁹Nyuma ya Azuba agûkua, Kalebu aragûra mûka ûngî weetagwa Efirathi. Efirathi aramûciarîra mûtaana weetagwa Huri.

²⁰Huri aarî îthe wa Uri, na Uri aarî îthe wa Bezaleli.

²¹Nyumeene Hezironi agûkinyia mîaka mîrongo îtantatû nî aagûrîre mwarî wa Makiri. Makiri aarî îthe wa Gileadi. Mwekûrû ûu nî aaciarîîre Hezironi mwana ûgwîîtwa Segubu.

²²Segubu aarî îthe wa Jairi. Jairi nîwe waathaga ntûûra mîrongo îîrî na ithatû nthîgûrûûne ya Gileadi.

²³Îndî moonene ja Geshuri na Sîria nî jaîthûkîîre ntûûra mîrongo îtaantatû na baraitaa. Ntûûra iu ciaarî amwe na ntûûra ya Havothi-jairi na Kenathi. O amwe na tûtûûra tûrîa tûngî twaathiûrûkîrîte. Antû barîa baatûûraga ntûûreene nî baarî nchiarwa cia Makiri, ûrîa waarî îthe wa Gileadi.

²⁴Nyumeene Hezironi agûkua mûtaana waawe Kalebu nî aagûrîre Efiratha mûka wa îthe. Mûka ûu aramûciarîra mwana ûgwîtwa Ashuri. Ashuri nîwe waarî îthe wa Tekoa.

²⁵Mûtaana wa Hezironi wa kîranga tawe Jerahimeeli aarî na ataana baba: wa mbere eetagwa Ramu, Ramu athingatwa nî Buna, Buna athingatwa nî Oreni, Oreni athingatwa nî Ozemu, nawe wa mûthia aarî Ahija.

²⁶Jerahameeli nî aarî na mûka ûngî weetagwa Atara. Nawe mûka ûu aramûciarîra mwana weetagwa Onamu.

²⁷Mûtaana wa Jerahimeeli wa kîranga tawe Ramu, aarî na ataana baba: Maazi na Jamini na Ekeri.

²⁸Nabo ataana ba Onamu baarî: Shamai na Jada. Shamai nawe aarî na ataana baîrî, nabo nî Nadabu na Abishuri.

²⁹Abishuri nî aarî na mûka weetagwa Abihaili, Abihaili aramûciarîra aana baîrî, nabo nî Ahibani na Molidi.

³⁰Seledi na Apaimu nîbo baarî ataana ba Nadabu îndî Seledi aakuîre atî kaana.

³¹Apaimu aarî îthe wa Ishi. Ishi aarî îthe wa Sheshani; Sheshani aarî îthe wa Ahilai.

³²Jada, mûtaana wa ng'ina wa Shamai aarî na ataana baîrî, Jetheri na Jonathani. Jetheri aakuîre atî kaana.

³³Jonathani aarî na ataana baîrî, tabo Pelethi na Zaza. Nabo baarî ba rûrîîjo rwa Jerahimeeli.

³⁴Sheshani ataarî na ataana tiga nî aarî akî. Îndî Sheshani nî aarî na nkombo ya kuuma Misri yeetagwa Jariha.

³⁵Sheshani aranenkera nkombo îîu mwarî waawe aramûgûra. Mwarî ûu aramûciarîra mwana weetagwa Atai.

³⁶Atai aarî îthe wa Nathani, Nathani aarî îthe wa Zabadi,

³⁷Zabadi aarî îthe wa Efilali, Efilali aarî îthe wa Obedi,

³⁸Obedi aarî îthe wa Jehu, Jehu aarî îthe wa Azaria.

³⁹Azaria aarî îthe wa Helezi, Helezi aarî îthe wa Eleasa,

⁴⁰Eleasa aarî îthe wa Sisimai, Sisimai aarî îthe wa Shalumu.

⁴¹Shalumu aarî îthe wa Jekamia nawe Jekamia aarî îthe wa Elishama.

⁴²Iji nîcio nchiarwa cia Kalebu, ûrîa waarî mûtaana wa ng'ina wa Jerahimeeli. Mûtaana ûrîa mûkûrû nî Mesha nawe aarî îthe wa Zifu. Nawe Zifu aarî îthe wa Maresha, nawe Maresha aarî îthe wa Heburoni.

⁴³Heburoni nawe aarî na ataana bana; Kora na Tapua na Rekemu na Shema.

⁴⁴Shema aarî îthe wa Rahamu, nawe Rahamu aarî îthe wa Jorikeamu. Rekemu nawe aarî îthe wa Shamai.

⁴⁵Shamai aarî îthe wa Maoni, nawe Maoni aarî îthe wa Bethizuri.

⁴⁶Mûka wa gwîka wa Kalebu tawe Efa nî aamûciarîîre ataana bathatû: Harani na Moza na Gazezi. Harani kinya we nî aarî na mûtaana weetagwa Gazezi.

⁴⁷Jahidai aarî na ataana baba: Regemu na Jothamu na Geshani na Peleti na Efa na Shaafu.

⁴⁸Mûka ûngî wa gwîka wa Kalebu eetagwa Maaka. Nawe aramûciarîra aana baîrî, Sheberi na Tirihana.

⁴⁹Nyumeene Maaka aragîa na aana bangî baîrî, nabo nî Shaafu na Sheva. Shaafu aarî îthe wa Madimana, nawe Sheva aarî îthe wa Makibena na Gibea. Ningî Kalebu nî aarî na mwarî weetagwa Akisa.

⁵⁰Baba kinya bo baarî nchiarwa cia Kalebu. Mûtaana wa mbere wa Kalebu eetagwa Huri. Huri nî aagûrîte mwekûrû ûgwîtwa Efiratha. Ataana ba Huri baarî Shobali ûrîa waarî îthe wa Kiriathi-jearimu.

⁵¹Mûtaana wa baîrî wa Huri aarî Salima. Salima nîwe waarî îthe wa Bethlehemu. Mûtaana wa bathatû wa Huri eetagwa Harefu. Harefu nîwe waarî îthe wa Bethigaderi.

⁵²Shobali ûrîa waarî îthe wa Kiriathi-jearimu nîwe waarî kîûjûjû kîa antû ba Haroe na nusu îmwe ya antû barîa batwîre Menuhothi.

⁵³Shobali no we waarî kîûjûjû kîa mîîrîga ya antû barîa baatwîîre Kiriathi-jearimu, mwîrîga jwa Ithiri, na jwa Puthi na jwa Shumathi na jwa Mishirai. Antû ba Zora na Eshitaoli baarî nchiarwa cia mîîrîga îîu.

⁵⁴Salima ûrîa waarî îthe wa Bethlehemu nîwe waarî kîûjûjû kîa Netofathi na Atirothi-bethijoabu na nusu ya antû barîa baatûûraga Manahathi tabo antû ba Zora.

⁵⁵Ntûûreene ya Jebezi nî gwatûûraga mîîrîga ya antû barîa baaijî kwaandîka. Nayo mîîrîga îîu yaarî ya Atirathi na Ashimeathi na Asukathi. Baba baarî ba mwîrîga jwa Akeni kuuma Hamathi. Nîbo baagûranîte na nchiarwa cia Rekabu.