Read KIMERU BIBLE PROTESTANT EDITION 1Ma 24 Bible Online

1Ma 24 - KIMERU BIBLE PROTESTANT EDITION bible

1Ma 24

¹Nchiarwa cia Aaroni ciaagaîîrwe kûringana na ndîîjo cia ataana baawe bana. Nabo baarî Nadabu, na Abihu, na Eleazari, na Ithamari.

² Nadabu na Abihu baakuîre mbere ya îthe akua ningî bataarî na twaana. Tontû bûû, Eleazari na Ithamari nîbo baaere athînjîri-Mûrungu.

³Daudi nî aagaîîre nchiarwa cia Aaroni ngûgî irîa baabuîrîte kûritaga. Aateethagîîrua kûthithia ûu nî Zadoki wa kuuma rûrîîjoone rwa Eleazari na Ahimeleki wa kuuma rûrîîjoone rwa Ithamari.

⁴Nchiarwa cia Eleazari nî ciaagaîîrwe ikundi îkûmi na bitaantatû na nchiarwa cia Ithamari ciagawa ikundi binaana. Biaagaîrwe ûu nîûntû atongeeria ba Eleazari nî baarî babaingî nkûrûki ya ba Ithamari.

⁵Baagaîrwe ûu na njîra ya kûbaringîra kuura nîûntû nî kwaarî na atongeeria ba kîûrû na athînjîri-Mûrungu kuuma kîrî nchiarwa cia Eleazari na cia Ithamari.

⁶Shemaia mûtaana wa Nethaneli ûrîa waarî Mûlawi nîwe waandîkîre mantû jau mbere ya mûnene na atongeeria bangî na mbere ya Zadoki ûrîa waarî mûthînjîri-Mûrungu. Ningî aajaandîkîre mbere ya Ahimeleki mûtaana wa Abiathari na mbere ya atongeeria ba mîciî ya athînjîri-Mûrungu na ya Alawi na mbere ya atongeeria barîa baathuuri ba nchiarwa cia Eleazari na cia Ithamari.

⁷Kuura ya mbere yaagwîrîîre Jehoiaribu, na ya ijîîrî îragwîra Jedaia.

⁸Kuura ya ithatû îragwîra Harimu, na ya inya îragwîra Seorimu.

⁹Kuura ya ithaano îragwîra Malikija, na ya ithanthatû îragwîra Mijamini.

¹⁰Kuura ya mûgwanja îragwîra Hakozi, na ya inyaanya îragwîra Abija.

¹¹Kuura ya kenda îragwîra Jeshua, na ya îkûmi îragwîra Shekania.

¹²Ningî kuura ya îkûmi na îmwe îragwîra Eliashibu, na ya îkûmi na ijîîrî îragwîra Jakimu.

¹³Kuura ya îkûmi na ithatû îragwîra Hupa, na ya îkûmi na inya îragwîra Jeshebeabu,

¹⁴Kuura ya îkûmi na ithaano îragwîra Biliga, na ya îkûmi na ithanthatû îragwîra Imeri.

¹⁵Kuura ya îkûmi na mûgwanja îragwîra Heziri, na ya îkûmi na inyaanya îragwîra Hapizezi.

¹⁶Kuura ya îkûmi na kenda îragwîra Pethahia, na ya mîrongo îîrî îragwîra Jehezikeli.

¹⁷Kuura ya mîrongo îîrî na îmwe îragwîra Jakini, na ya mîrongo îîrî na ijîîrî îragwîra Gamuli.

¹⁸Kuura ya mîrongo îîrî na ithatû îragwîra Delaia, na ya mîrongo îîrî na inya îragwîra Maazia.

¹⁹Bau nîbo baandîkîrwe kûringana na ngûgî irîa baaeei baritaga kîûrûûne kûringana na mûtaratara jûrîa MWATHANI Mûrungu wa Israeli eerîte kîûjûjû kîaao Aaroni athithie.

²⁰Nabo baba nîbo nchiarwa ingî cia Lawi: Amuramu aarî kîûjûjû kîa Shubaeli na Jehideia.

²¹Rehabia nîwe waarî kîûjûjû kîa Ishia.

²²Izihari aarî îthe wa Shelomothi. Nawe Shelomothi aarî îthe wa Jahathi.

²³Heburoni aarî na ataana bana. Wa mbere aarî Jeria na wa baîrî aarî Amaria na wa bathatû aarî Jahazieli, na wa bana aarî Jakameamu.

²⁴Uzieli aarî îthe wa Mika, nawe Mika aarî îthe wa Shamiri.

²⁵Ishia mûtaana wa ng'ina wa Mika nîwe waarî îthe wa Zekaria.

²⁶Ataana ba Merari baarî Mahili na Mushi. Mûtaana wa Jaazia aarî Beno.

²⁷Jaazia nî aarî na ataana bangî bathatû, nabo nî Shohamu na Zakuri na Ibiri.

²⁸Mahili aarî îthe wa Eleazari. Îndî Eleazari ataarî na ataana.

²⁹Kishi aarî îthe wa Jerahimeeli.

³⁰Mushi aarî na ataana bathatû. Nabo nî: Mahili na Ederi na Jerimothi. Bau bonthe baarî nchiarwa cia mwîrîga jwa Lawi.

³¹Bau kinya bo baarî atongeeria ba mîciî yaao. Nabo nî baaringîîrwe kuura o ta ûrîa athînjîri-Mûrungu ba rûrîîjo rwa Aaroni baaringîîrwe. Baaringîîrwe kuura iu barî mbere ya mûnene Daudi na Zadoki na Ahimeleki, na mbere ya atongeeria bangî ba mîciî ya athînjîri-Mûrungu na mbere ya Alawi.