Read KIMERU BIBLE PROTESTANT EDITION 1Ma 25 Bible Online

1Ma 25 - KIMERU BIBLE PROTESTANT EDITION bible

1Ma 25

¹Mûnene Daudi na atongeeria bangî ba Alawi nî baathuurîre Alawi baba nîkenda batongagîîria antû rîrîa bakûthaathayia Mûrungu barî kîûrûûne. Baabatongagîîria bakîringaga wandîîndî na kînanda kîa ndigi inyingî na thaani cia kûringithania. Nabo Alawi bau baarî ataana ba Asafu na ba Hemani na ba Jeduthuni.

²Ataana ba Asafu baarî Zakuri na Josefu na Nethania na Asharela. Îthe waao Asafu nîwe waabatongagîîria kwina ndwîmbo irîa mûnene eendaga.

³Ataana ba Jeduthuni baarî Gedalia na Zeri na Jeshaia na Shimei na Hashabia na Matithia. Mûtongeeria waao arî îthe Jeduthuni ûrîa waaringaga ndwîmbo cia gûkumia na cia gûkaatha MWATHANI agîtumagîra wandîndî.

⁴Ataana ba Hemani baarî îkûmi na bana. Nabo nî Bukia na Matania na Uzieli na Shebueli na Jerimothi na Hanania na Hanani na Eliatha na Gidaliti na Romamitiezeri na Joshibekasha na Malothi na Hothiri na Mahaziothi.

⁵Hemani kîroria kîa mûnene aaerwe ataana bau îkûmi na bana na aarî bathatû nîkenda Mûrungu amûûjûrîria wîrane bûrîa aamwîrîrîte bwa kûmûethia muntû wa îgweta.

⁶Nabo ataana bau bonthe baatongagîîrua nî îthe rîrîa baainagîra MWATHANI kîûrûûne bakîriingaga thaani cia kûringithania na wandîîndî na kînanda kîa ndigi inyingî. Nabo Asafu na Jeduthuni na Hemani baatongagîîrua nî mûnene.

⁷Antû bau bonthe amwe na Alawi bangî nî baaritani bwega kwinîra MWATHANI. Nabo baarî antû magana jaîrî ja mîrongo înaana na banaana (288).

⁸Nabo nî baaringîîrwe kuura nîkenda o muntû aeewa ngûgî îrîa akaaritaga. Nabo baarî babakûrû na babaanake; itharia na barîa bambîîragia kwina.

⁹Kuura ya mbere yagwîrîîre Josefu wa kuuma rûrîîjoone rwa Asafu; ya ijîîrî îragwîra Gedalia ûrîa waatongeeretie ndûgû ciaao na ataana baawe. Kîu kîaarî gîkundi kîmwe kîa antû îkûmi na baîrî.

¹⁰Kuura ya ithatû îragwîra Zakuri ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

¹¹Kuura ya inya îragwîra Iziri ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

¹²Kuura ya ithaano îragwîra Nethania ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

¹³Kuura ya ithanthatû îragwîra Bukia ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

¹⁴Kuura ya mûgwanja îragwîra Jesharela ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

¹⁵Kuura ya inyaanya îragwîra Jeshaia ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

¹⁶Kuura ya kenda îragwîra Matania ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

¹⁷Kuura ya îkûmi îragwîra Shimei ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

¹⁸Kuura ya îkûmi na îmwe îragwîra Azareli ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

¹⁹Kuura ya îkûmi na ijîîrî îragwîra Hashabia ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

²⁰Kuura ya îkûmi na ithatû îragwîra Shubaeli ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

²¹Kuura ya îkûmi na inya îragwîra Matithia ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

²²Kuura ya îkûmi na ithaano îragwîra Jeremothi ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

²³Kuura ya îkûmi na ithanthatû îragwîra Hanania ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

²⁴Kuura ya ikûmi na mûgwanja îragwîra Joshibekasha ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

²⁵Kuura ya îkûmi na inyaanya îragwîra Hanani ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

²⁶Kuura ya ikûmi na kenda îragwîra Malothi ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

²⁷Nayo kuura ya mîrongo îîrî îragwîra Eliatha ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

²⁸Kuura ya mîrongo îîrî na îmwe îragwîra Hothiri ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

²⁹Kuura ya mîrongo îîrî na ijîîrî îragwîra Gidaliti ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

³⁰Kuura ya mîrongo îîrî na ithatû îragwîra Mahaziothi ûrîa waatongeeretie ndûgû ciaao na ataana baawe. Bonthe baarî gîkundi kîa antû îkûmi na baîrî.

³¹Nayo kuura ya mîrongo îîrî na inya îragwîra Romamitiezeri ûrîa waatongeeretie ndûgû ciaao na ataana baawe. Nabo bonthe baarî gîkundi kîa antû îkûmi na baîrî.