Read KIMERU BIBLE PROTESTANT EDITION 1Ma 4 Bible Online

1Ma 4 - KIMERU BIBLE PROTESTANT EDITION bible

1Ma 4

¹Juda aarî na ataana bataano: Perezi na Hezironi na Karami na Huri na Shobali.

²Shobali aarî îthe wa Reaia, nawe Reaia aarî îthe wa Jahathi, na Jahathi aarî îthe wa Ahumai na Lahadi. Baba nîbo baarî biûjûjû bia antû barîa baatwîre Zora.

³Ataana ba Etamu baarî: Jezereeli na Ishima na Idibashi. Mwarî wa ng'ina wa ataana bau eetagwa Hazeleliponi.

⁴Penueli aarî îthe wa Gedori, nawe Ezeri aarî îthe wa Husha. Bau nîbo baarî ataana ba Huri ûrîa waarî mwana wa kîranga wa Efiratha. Nchiarwa cia Efiratha nîcio ciambîrîîrie ntûûra ya Bethlehemu.

⁵Îthe wa Tekoa, tawe Ashuri aarî na aka baîrî, nabo baarî Hela na Naara.

⁶Ashuri na mwekûrû waawe Naara baarî na ataana baba: Ahuzamu na Heferi na Temeni na Haahashitari.

⁷Ashuri na mwekûrû ûu ûngî Hela baarî na ataana bathatû. Nabo baarî Zerethi na Izihari na Ethinani.

⁸Kozi nîwe waarî îthe wa Anubu na Zobeba. Kozi nîwe waarî kîûjûjû kîa mîîrîga îrîa yaaumîre kîrî Ahariheli. Harumu nîwe waarî îthe wa Ahariheli.

⁹Nî kwaarî na muntû weetagwa Jabezi waarî na îgweta nkûrûki ya antû bangî ba nja yaao. Ng'ina amweere riîtwa rîu Jabezi, nîûntû nî aaigîrue rwakaî mono akîmûciara.

¹⁰Jabezi araromba Mûrungu wa Israeli akiugaga atîrî, “Itû MWATHANI nî ngûkûromba ûntharime na waaramie mîanka ya nthîgûrû yaakwa. Ningî ûmenyeere magiita jonthe na ûtûme ntîkoone ûthûûku kana thîîna.” Mûrungu aroojûria jarîa Jabezi eendaga.

¹¹Kelubu ûrîa waarî mûtaana wa ng'ina wa Shuhaha aarî îthe wa Mehiri, Mehiri aarî îthe wa Eshitoni.

¹²Eshitoni aarî na ataana bathatû, nabo nî Bethirafa na Pasea na Tehina. Tehina nîwe waarî îthe wa Irinahashi. Ataana bau baatûûraga ntûûreene ya Reka.

¹³Kenazi nî aarî na ataana baîrî. Nabo baarî Othinieli na Seraia. Othinieli aarî na ataana baîrî, nabo baarî Hathathi na Meonothai.

¹⁴Meonothai aarî îthe wa Ofura. Seraia aarî îthe wa Joabu ûrîa waatûûraga Kîguuruune gîa atea. Gîetîrwe ûu nîûntû antû barîa baatûûraga ku baarî atea.

¹⁵Kalebu mûtaana wa Jefune aarî na ataana bathatû: Iru na Ela na Naamu. Ela nîwe waarî îthe wa Kenazi.

¹⁶Jehaleleli aarî na ataana bana, nabo nî Zifu na Zifa na Tiria na Asareli.

¹⁷Ezra aarî na ataana bana, nabo baarî Jetheri na Meredi na Eferi na Jaloni. Meredi nî aagûrîre Bithia mwarî wa mûnene wa Misri. Mwekûrû ûu aramûciarîra aana bathatû. Nabo baarî Miriamu na Shamai na Ishiba. Ishiba nîwe waambîrîrie ntûûra îgwîtwa Eshitemoa.

¹⁸Meredi nî aagûrîte mûka wa kuuma Juda. Nawe mûka ûu aramûciarîra ataana bathatû. Nabo baarî Jeredi na Heberi na Jekuthieli. Jeredi aarî îthe wa Gedori nawe Heberi îthe wa Soko na Jekuthieli aarî îthe wa Zanoa.

¹⁹Hodia aagûrîte mwarî wa ng'ina wa Nahamu. Mwekûrû ûu aramûciarîra aana baîrî. Nabo baarî Keila na Eshitemoa. Keila nîwe kîûjûjû kîa antû ba Garimu na Eshitemoa nîwe kîûjûjû kîa antû ba Maakathi.

²⁰Shimoni aarî na ataana bana, nabo baarî Amunoni na Rina na Beni-hanani na Tiloni. Ishi nawe aarî na ataana baîrî, nabo baarî Zohethi na Beni-zohethi.

²¹Mûtaana wa Juda, tawe Shela nîwe waarî îthe wa Eri. Eri aarî îthe wa Leka. Mûtaana ûngî wa Shela eetagwa Laada. Laada aarî îthe wa Maresha. Laada nîwe waarî kîûjûjû kîa antû barîa baatuûraga ntûûreene ya Bethiashibea. Nabo baarî atumi nguû.

²²Kûringana na ngono cia karaaja, Jokimu na antû ba ntûûra ya Kozeba na Joashi o amwe na Sarafu, nî baagûrîre aka kuuma Moabu, na baratûûra ntûûreene ya Bethlehemu.

²³Bau nîbo baarî na ûtea bwa kûthithia into bia yûmba na nî baatumîkagîra mûnene. Nabo baatûûraga Netaimu na Gedera.

²⁴Simioni aarî na ataana bataano, nabo nî Nemueli na Jamini na Jaribu na Zera na Shaulu.

²⁵Shaulu aarî îthe wa Shalumu, nawe Shalumu aarî îthe wa Mibisamu. Mibisamu nawe aarî îthe wa Mishima.

²⁶Mishima aarî îthe wa Hamueli, nawe Hamueli aarî îthe wa Zakuri, na Zakuri aarî îthe wa Shimei.

²⁷Shimei aarî na ataana îkûmi na bataantatû na aarî bataantatû, îndî ataana ba ng'ina ba Shimei bataarî na aana babaingî na mîîrîga yaao îtaathegeaga, ta ûrîa mwîrîga jwa Juda jwaathegeaga.

²⁸ Nchiarwa cia Simioni ciatûûraga ntûûreene cia Beerisheba na Molada na Hazari-shuali,

²⁹na Biliha na Ezemu na Toladi,

³⁰na Bethueli na Horima na Zikilagi,

³¹Bethimarikabothi na Hazari-susimu na Bethibiri na Sharaimu. Kûu nîku baatûûraga mwanka rîrîa Daudi aathanaga.

³²Ningî nî baatwîre tûtûûreene tûtaano tûrîa tweetagwa Etamu na Aini na Rimoni na Tokeni na Ashani.

³³Nî baatwîre ntûûreene irîa ciaathiûrukîrîte gûntû kûû mwanka bwa rûgûrû rwa ntûûra ya Baalathi. Nî baandîkaga mariîtwa ja antû ba mîîrîga yaao na gûntû kûrîa baatûûraga.

³⁴Jaja nîjo mariîtwa ja atongeeria ba mîciî yaao: Meshobabu, na Jamureki, na Josha mûtaana wa Amazia.

³⁵Joeli, na Jehu mûtaana wa Joshibia. Joshibia aarî mûtaana wa Seraia. Nawe Seraia aarî mûtaana wa Asieli.

³⁶Ningî Elioenai, na Jaakoba, na Jeshonaia, na Asaia, na Adieli na Jesimieli, na Benaia.

³⁷Sisa mûtaana wa Shifi. Shifi aarî mûtaana wa Aloni. Nawe Aloni aarî mûtaana wa Jedaia. Jedaia aarî mûtaana wa Shimuri. Shimuri aarî mûtaana wa Shemaia.

³⁸Antû bau bagwetwa nîbo baarî atongeeria ba mîciî yaao. Nabo nî bathegeere mono.

³⁹Nabo bareeta bwa rûgûrû akuî na Gedori. Bangî bareeta rûteere rwa bwa gaiti rwa kîguuru bagîcwaga gûntû gwa kûrîîthia.

⁴⁰Nthî îîu yaarî înoru na gûntû gûkwega gwa kûrîîthia. Nayo yaarî îîmbariî na yaarî thîîrî na ûkiri. Antû barîa batûûraga gûntû kûu mbere baarî ba rûrîîjo rwa Hamu.

⁴¹Antû ba mwîrîga jwa Simioni beetîre gûntû kûu rîrîa Hezekia aarî mûnene wa Juda. Bagwîta baraithûkîra antû ba Hamu na Meunimu, barathûûkangia maema jaao na barabathiria. Baracoka bareenga antû barîa baatigarîte na baratûûra ku nîûntû nî kwaarî gûntû gûkwega gwa kûrîîthia.

⁴²Antû magana jataano ba mwîrîga o jûu jwa Simioni nî beetîre bwa gaiti kûu Edomu batongeeretue nî atongeeria baba: Pelatia na Nearia na Refaia na Uzieli. Atongeeria bau baarî ataana ba Ishi.

⁴³Nabo nî baathirîrie antû ba Amaleki barîa boonokeete kuuma ndweene na baatwîre gûntû kûu. Tontû bûû, nchiarwa cia Simioni iratûûra ku mwanka naarua tûrî.