Read KIMERU BIBLE PROTESTANT EDITION 1Ma 8 Bible Online

1Ma 8 - KIMERU BIBLE PROTESTANT EDITION bible

1Ma 8

¹Ataana ba Benjamini baarî bataano. Nabo nî Bela athingatwa nî Ashibeli, Ashibeli athingatwa nî Ahara,

²Ahara athingatwa nî Noha, na wa mûthia nî Rafa.

³Ataana ba Bela baarî baba: Adaari na Gera na Abihudi

⁴na Abishua na Naamani na Ahoa

⁵na Gera na Shefufani na Huramu.

⁶Ataana ba Ehudi baarî atongeeria ba mîciî yaao barîa batwîre Geba na barathaamua baraikua Manahathi nîbo baba:

⁷Naamani na Ahija na Gera. Gera nîwe waarî îthe wa Uza na Ahihudi, na nîwe waataîrwe arî mbere.

⁸Shaharaimu eengîre aka baawe bobaîrî, tabo Hushimu na Baara. Nyumeene nî agîîre na ataana arî kûu nthîgûrûûne ya Moabu.

⁹Shaharaimu akûgûra mûka weetagwa Hodeshi, nî aamûciarîîre ataana baba: Jobabu na Zibia na Mesha na Malikamu

¹⁰na Jeuzi na Sakia na Mirima. Bau nîbo baarî atongeeria ba mîciî yaao.

¹¹Shaharaimu nî aarî na ataana na mûka ûrîa weetagwa Hushimu. Nabo nî Abitubu na Elipaali.

¹²Elipaali aarî îthe wa ataana baba: Eberi na Mishamu na Shemedi. Shemedi nîwe waakîre ntûûra cia Ono na Lodi, o amwe na tûtûûra tûrîa twaathiûrûkîrîte ntûûra iu.

¹³Ningî Elipaali nî aarî na ataana bangî beetagwa Beria na Shema. (Nabo baarî atongeeria ba mîciî yaao. Baatwîre Aijaloni na nîbo beengîre antû barîa batûûraga ntûûreene ya Gathi).

¹⁴Ningî nchiarwa ingî cia Beria ciaarî Ahio na Shashaki na Jeremothi,

¹⁵na Zebadia na Aradi na Ederi,

¹⁶na Mikaeli na Ishipa na Joha.

¹⁷Elipaali nî aarî na ataana bangî tabo: Zebadia na Meshulamu na Hiziki na Heberi,

¹⁸na Ishimerai na Izilia na Jobabu.

¹⁹Nchiarwa cia Shimei ciaarî Jakimu na Zikiri Zabidi,

²⁰na Elienai na Zilethai na Elieli,

²¹na Adaia na Beraia na Shimurathi.

²²Nacio nchiarwa cia Shashaki ciaarî iji: Ishipani na Eberi na Elieli,

²³na Abidoni na Zikiri na Hanani,

²⁴na Hanania na Elamu na Anthothija,

²⁵na Ifideia na Penueli.

²⁶Ataana ba Jerohamu nabo baarî Shamusherai na Sheharia na Athalia,

²⁷na Jaareshia na Elija na Zikiri.

²⁸Bau nîbo baarî atongeeria ba mîciî yaao kûringana na maandîko ja ndûrîîjo. Ningî batwîre Jerusalemu.

²⁹Jeieli na mwekûrû waawe Maaka baatûûraga ntûûreene yeetagwa Gibeoni.

³⁰Mûtaana wa kîranga wa Jeieli eetagwa Abidoni. Ataana baawe bangî baarî: Zuri na Kishi na Baali na Nadabu,

³¹na Gedori na Ahio na Zekeri,

³²na Mikilothi, ûrîa waarî îthe wa Shimeha. Antû bau baatûûraga Jerusalemu akuî na antû bangî ba mîîrîga yaao.

³³Neri aarî îthe wa Kishi, Kishi aarî îthe wa Saûlû. Nawe Saûlû aarî na ataana baba: Jonathani na Malikishua na Abinadabu na Eshibaali.

³⁴Jonathani aarî îthe wa Mefiboshethi, na Mefiboshethi aarî îthe wa Mika.

³⁵Mika aarî na ataana baba: Pithoni na Meleki na Tarea na Ahazi.

³⁶Ahazi aarî îthe wa Jehoada. Nawe Jehoada aarî na ataana bathatû: nabo nî Alemethi na Azimavethi na Zimuri. Zimuri nîwe waarî îthe wa Moza.

³⁷Moza aarî îthe wa Binea, Nawe Binea aarî îthe wa Rafa. Rafa aarî îthe wa Eleasa na Eleasa aarî îthe wa Azeli.

³⁸Azeli aarî na ataana batantatû. Nabo baarî Azirikamu na Bocheru na Ishimaeli na Shearia na Obadia na Hanani.

³⁹Mûtaana wa ng'ina wa Azeli tawe Esheki nawe aarî na ataana bathatû, nabo nî Ulamu na Jeushi na Elifeleti.

⁴⁰Ataana ba Ulamu nabo baarî nchamba cia ndwaa irîa ciaaijî kûratha na mîgwî mono. Nawe Ulamu aarî na ataana na boojûwe îgana rîa mîrongo îtaano (150). Baba bonthe bagwetwa baarî ba mwîrîga jwa Benjamini.