Read KIMERU BIBLE PROTESTANT EDITION 1Ma 9 Bible Online

1Ma 9 - KIMERU BIBLE PROTESTANT EDITION bible

1Ma 9

¹Nabo antû ba Israeli nî baandîkîrwe kûringana na ndûrîîjo ciaao Yukuune rîa Anene ba Israeli. Antû ba nthîgûrû ya Juda nî baarî bagûtawa baikua kîthamîrioone kûu Babiloni nîûntû bwa kwîthîrwa batî eetîkua kîrî Mûrungu waao.

² Nabo antû barîa baarî ba mbere gûcoka kûrîa baakaraga ntûûreene ciaao baarî Aisraeli bamwe na athînjîri-Mûrungu na Alawi, na barîa baaritaga ngûgî kîûrûûne.

³Antû bamwe ba mwîrîga jwa Juda, na jwa Benjamini na jwa Efuraimu na jwa Manase baatûûraga Jerusalemu.

⁴Kwarî na Uthai mûtaana wa Amihudi. Amihudi aarî mûtaana wa Omuri, Omuri aarî mûtaana wa Imuri, Imuri aarî mûtaana wa Bani, Bani aarî mûtaana wa ûmwe wa ataana ba Perezi, nawe Perezi aarî mûtaana wa Juda.

⁵Shiloni aarî na mûtaana wa kîranga weetagwa Asaia. Asaia nî aarî na ataana baawe.

⁶Ûmwe wa ataana ba Zera eetagwa Jeueli. Jeueli na antû ba mûciî jwaao baarî antû magana jatantatû ja mîrongo kenda (690).

⁷Kuuma mwîrîgeene jwa Benjamini nî kwaarî na muntû weetagwa Salu. Salu aarî mûtaana wa Meshulamu. Meshulamu aarî mûtaana wa Hodavia, nawe Hodavia aarî mûtaana wa Hasenua.

⁸Ibineia aarî mûtaana wa Jerohamu. Ela aarî mûtaana wa Uzzi. Uzzi aarî mûtaana wa Mikiri. Meshulamu aarî mûtaana wa Shefatia. Shefatia aarî mûtaana wa Reueli, nawe Reueli aarî mûtaana wa Ibinija.

⁹Bau bonthe baandîki kûringana na ndûrîîjo ciaao baarî atongeeria ba mîciî yaao. Nabo baarî magana kenda ja mîrongo îtaano na bataantatû (956).

¹⁰Baba baarî athînjîri-Mûrungu: Jedaia na Jehoiaribu na Jakini,

¹¹na Azaria, ûrîa waarî mûtaana wa Hilikia. Hilikia aarî mûtaana wa Meshulamu. Meshulamu aarî mûtaana wa Zadoki. Zadoki aarî mûtaana wa Meraiothi. Meraiothi aarî mûtaana wa Ahitubu. Nawe Ahitubu nîwe waarî mûrûngamîîri wa kîûrû kîa Mûrungu.

¹²Bangî nî Adaia mûtaana wa Jerohamu. Jerohamu aarî mûtaana Pashuri, Pashuri aarî mûtaana wa Malikija. Maasai aarî mûtaana wa Adieli. Adieli aarî mûtaana wa Jahazera. Jahazera aarî mûtaana wa Meshulamu. Meshulamu aarî mûtaana wa Meshilemithi. Nawe Meshilemithi aarî mûtaana wa Imeri.

¹³Ndûgû cia athînjîri-Mûrungu irîa ciaarî atongeeria ba mîciî yaao baarî antû ngiri îmwe na magana mûgwanja ja mîrongo îtaantatû (1,760). Nabo nî baaritaga ngûgî bwega kîûrûûne.

¹⁴Ningî nî kwaarî na Alawi baba: Shemaia mûtaana wa Hashubu. Hashubu aarî mûtaana wa Azirikamu. Azirikamu aarî mûtaana wa Hashabia. Hashabia aarî ûmwe wa ataana ba Merari.

¹⁵Nî kwaarî na Bakibakari na Hereshi na Galali na Matania mûtaana wa Mika. Mika aarî mûtaana wa Zikiri. Nawe Zikiri aarî mûtaana wa Asafu.

¹⁶Ningî nî kwaarî na Obadia mûtaana wa Shemaia. Shemaia aarî mûtaana wa Galali. Galali aarî mûtaana wa Jeduthuni. Berekia aarî mûtaana wa Asa. Asa aarî mûtaana wa Elikana ûrîa watûûraga ntûûreene cia antû ba Netofa.

¹⁷Antû baba nîbo bakaragia mîari ya kîûrû: Shalumu na Akubu na Talimoni na Ahimani. Shalumu nîwe waarî mûtongeeria waao.

¹⁸Nîbo baakaragia mpingîro ya gîkaro kîa mûnene irîa yaarî bwa gaiti. Nîbo baarî akaria ba mpingîro cia kambî ya Alawi.

¹⁹Shalumu aarî mûtaana wa Kore. Kore aarî mûtaana wa Abiasafu. Abiasafu aarî mûtaana wa Kora. Bau amwe na ndûgû ciaao baarî atongeeria ba mîciî yaao. Ningî nîbo baamenyagîîra kîarago kîa îema rîa MWATHANI rîa gûtirimanîra o ta ûrîa biûjûjû biaao biaamenyagîîra. Ningî nîbo baaritaga ngûgî îemeene rîa gûtirimanîra amwe na gûkaria mpingîro yaarîo.

²⁰Mbereene Fineasi mûtaana wa Eleazari nîwe waarî mûtongeeria waao. MWATHANI nî aarî amwe nawe.

²¹Zekaria mûtaana wa Meshelemia nîwe waakaragia mpingîro ya îema rîa gûtirimanîra.

²²Barîa bonthe bathuuri ba gûkaria mpingîro baarî magana jaîrî ja îkûmi na baîrî (212). Nî baandîkithîtue kûringana na ndîîjo ciaao kûu ntûûreene ciaao. Daudi na Samueli ûrîa waarî kîroria nîbo baanenkeere antû bau ngûgî.

²³Tontû bûû, bo na nchiarwa ciaao nîbo baakaragia mpingîro cia kîûrû.

²⁴Nî kwaarî na mpingîro nteere cio inya: bwa-gaiti, bwa-rûgûrû, bwa-ûrîo na bwa-ûmotho. O mpingîro yaakaragua nî mûkaria ûmwe.

²⁵Antû ba ndûgû cia akaria bau barîa baakaragia ntûûreene nî beetaga kûbateethia gûkaria ntukû ya mûgwanja, magiita na magiita.

²⁶Nî kwaarî na akaria ba mpingîro barîa anene, bana nabo baarî Alawi barîa beethagîrwa barî akaria ba tûnyomba na kûrîa mîthithû yeekagwa kûu kîûrûûne.

²⁷Nabo baatûûraga au akuî na kîûrû tontû yaarî ngûgî yaao gûkaria na kûrugûra mîari yaakîo o rûkîîrî o rûkîîrî.

²⁸Alawi bangî baamenyagîîra into birîa biatumagîrwa rîrîa antû baathaathagia Mûrungu. Nîbo baabitaraga bigîîta gûtumîrwa na bakabitara kaîrî bigîcokua.

²⁹Bangî baamenyagîîra itî na meetha irîa ciaatumagîrwa kîûrûûne. Ningî bakamenyeera into bionthe birîa bitheru biaatumagîrwa kîûrûûne, bakamenyeera mûtu na ndibei na maguta na ubaani na into bia gwîkîra irio mûchemo.

³⁰Îndî ngûgî ya gûtukania into biu bia gwîkîra irio mûchemo yaarî ya athînjîri-Mûrungu.

³¹Matithia aarî mwana wa kîranga wa Shalumu kuuma mwîrîgeene jwa Kora. Nîwe waarî mûtongeeria wa antû barîa baakaandaga mîgaate ya gûtumîrwa kîûrûûne.

³²Antû bangî ba mwîrîga jwa Kohathi nîbo baathithagia mîgaate îrîa yaatumagîrwa kîûrûûne mîthenya ya sabatû.

³³Antû bamwe ba mîciî ya Alawi baatûûraga tûnyomba tûmwe twa kîûrû. Bo bataaritaga ngûgî îngî kîûrûûne tiga kwina akî kûrî mûthenya kana ûtukû.

³⁴Antû bau bagwetwa nîbo baarî atongeeria ba mîciî ya Alawi o ta ûrîa kwaandîki maukuune ja ndûrîîjo. Nabo baatûûraga Jerusalemu.

³⁵Jeieli nîwe waambîrîrie ntûûra îrîa yeetagwa Gibeoni. Nî aarî na mûka weetagwa Maaka.

³⁶Mûtaana waawe wa kîranga eetagwa Abidoni athingatwa nî Zuri na Kishi na Baali na Neri na Nadabu

³⁷na Gedori na Ahio na Zekaria na Mikilothi.

³⁸Mikilothi aarî îthe wa Shimeamu. Antû bau baatûûraga akuî na antû ba ndûgû ciaao kûu Jerusalemu.

³⁹Neri aarî îthe wa Kishi, Kishi aarî îthe wa Saûlû, nawe Saûlû aarî îthe wa Jonathani, na Malikishua na Abinadabu na Eshibaali.

⁴⁰Jonathani aarî îthe wa Mefiboshethi. Nawe Mefiboshethi aarî îthe wa Mika.

⁴¹Nabo ataana ba Mika baarî: Pithoni na Meleki na Tahirea na Ahazi.

⁴²Ahazi aarî îthe wa Jara na Jara aarî îthe wa Alemethi, na Azimavethi na Zimuri. Nawe Zimuri aarî îthe wa Moza.

⁴³Moza aarî îthe wa Binea. Binea aarî îthe wa Refaia na Refaia aarî îthe wa Eleasa, nawe Eleasa aarî îthe wa Azeli.

⁴⁴Azeli aarî na ataana bataantatû. Nabo nî Azirikamu na Bocheru na Ishimaeli na Shearia na Obadia na Hanani.